اسطوره النسل (أبناء الجارحي)

10- تـجـهـيـزات رمـضـان

صلي على من بكي شوقا لرؤيتنا 🧡
في مصر
وفي قصر الشياطين بدأ خالد يفوق وشاف ماهيتاب قاعده جنبه وماسكه ايده بقوه والباقي حاوليه
مروان بابتسامه: حمد الله على السلامة يا خالد نورت بلدك
خالد بتعب: انا في مصر بجد
مصطفى بضحك: اه طبعا هربناك زي ناديه الجندي
خالد: البنات فين
جين: احنا هنا يا خالد
خالد: لا قصدي على بنات تبارك والباقي اوعوا تكونوا سيبتوهم هناك
فجر دخلت بصوت عالي: يا خال حمد الله على السلامة أخيرا رجعت بلدك عقبال ما ارجع بلدي انا كمان بقى
داليدا: هو كويس دلوقتي
جين: محتاج عنايه شهر ونص مش اكتر من كده
رحيل: ليه ده كله
ديانا: علشان الجرح بتاع الشريحه مش جرح عادي لازم يتغير عليه كل يوم ولازم نعمل كشف على خالد كل أسبوع ونقيس الحراره يوميا
خالد: خليكم هنا
داليدا: نخلينا فين يا خالد دي مش بلدنا
خالد: بلد امك يا عين امك وبعدين انتوا مش عندكم اجازه شهرين
اسيل: ايوه
خالد: خلاص خليكم هنا وبالمره نقضي رمضان والعيد هنا
آسيا: خليكي يا اسيل اعتقد معشتوش أجواء رمضان بقالكم كتير
رحيل: اه والله ده انا كنت قربت انساه بس لحظه وجاد طيب
خالد: ملكمش دعوه بجاد لما يخلص المهمه انا هكلمه واقوله يرجع على مصر
البنات سكتوا وقال خالد بغيظ: ما توافقي يا جذمه منك ليها هتحايل عليكم ولا ايه
اسيل: خلاص خلاص ماشي هنقعد
خالد: طب انا عايز اشوف عيالكم
مصطفى: كلهم عقلهم ضارب زي ما كنت بتقول زمان
خالد: كلهم طب مفيش واحد عاقل يوحد ربنا طالع للوحوش
عشق: هو واحد بس اما الباقي سلوك عقلهم ضاربه
خالد: عايزه اشوفهم برضو ومش عايز اقعد في السرير كده كتير هو دراعي اللي وجعني مش رجليا
شغف: هتخرج متخافش وهتشوف الكل واحد واحد
خالد باستغراب: هي ورد فين
شمس بصت من الشباك وقالت: برا في الجنينه اهي
خالد ابتسم: تعرفي يا شمس فيه واحده كانت بتفكرني بيكي دايما
شمس استغربت: مين دي
خالد: ميرال
شمس: ميرال دي مين لا مواخذه
رحيل: تصدق شبهها فعلا
فجر: اه صح نفس الشكل ماعدا اني ميرال شعرها بني مش احمر بس فيه خصلات حمراء
مصطفى: مين دي يا جدعان
داليدا: تقرب لورد معرفش بصراحة تقربلها ايه بس تقريبا اختها
             ~~~~~~~~~~~~~~~~
أما عند ورد كانت بتبص للمكان بانبهار: احييييه بقى انا في قصر الشياطين دي عجيبه من عجايب الزمن يا ولاد ههههههه اما اقول لجيسي الكلب
نروح بقى عند جيسي دي وفي مكان بعيد عن مصر في فرنسا وتحديدا في ملهي ليلى كان فيه صفقه بنات بتم في سريه بس إذ فجأه كدة ظهرت من العدم تلك صاحبه الشعر البنى والعيون الزرقاء وأكثر ما يميزها ذالك النمش
'' Hi ''
البنت دي رمت حاجة وعملت دخان سام في كل المكان في نفس الوقت مسكت قناع تنفس وحطته عليها والكل كان بيقع من حواليها وهي ماشيه بكل برود وجبروت لا تأبه بأي احد ودخلت القبر اللي فيه البنات قفلت الباب وشالت القناع
'' هيأ يا فتيات من الباب الخلفي سوف تعودوا الي عائلاتكم هيا ''
فتحت البنت دي الباب الخلفي للقبو وكان فيه عربيات
'' هيا اركبوا في هذه السيارات سوف توصلكم الي السفارات وتعدوا الي وطنكم ''
قالت بنت برغم انها عربيه بس فهمت كلام البنت دي
'' شكرا اكتير إليك ''
ابتسمت صاحبه العيون الزرقاء بهدوء: العفو
ركبوا البنات وصاحبه العيون الزرقاء شافته ساند بضهره على عربيه سوداء فقالت بابتسامه غبيه
'' ارسي عزيزي لما تأخرت ''
ارسلان: انا لم اتأخر بل انتي من دخلتي دون اذني
البنت: كانت الصفقه سوف تنتهي وسوف يباعوا الفتيات
ارسلان اتنهد هو عارف انها ذكيه جدا ومش بتعمل خطوه الا وتكون متأكده منها بس هو خايف عليها
'' انا خائف عليكي جيسي لا تفعلي هذا مجددا ''
جيسي بابتسامه أظهرت غمازاتها: حسنا
ستوووب انا عارفه اني وعدتكم مفيش ستوب تاني بس حرفيا جيسي دي قنبله الروايه التانيه واهميتها مش اقل من ورد ويمكن اكتر منها احم احم اعرفكم بقى
~~~~~~~~~~~~~~~~~~
جيسي او ميرال
17 سنه عيونها زرقاء وشعرها بني فاتح وفيه خصلات حمراء بيوضة وعندها غمازات + نمش شخصيتها قويه وجبروت كده وذكيه جدا جدا بالاضافه انها مجنونه آخر حاجة هي وورد وجهان لعمله واحده لو ضعفت واحده التانيه في ضهرها بتدور على أهلها من زمان لدرجه انها فقدت الأمل انها تلاقيهم تعتبر ورد هي اختها وصديقتها ونصفها الآخر