اسطوره النسل (أبناء الجارحي)

12- اول ايـام رمـضـان

فصل هديه علشان كملنا 4000 قراءه شوفوا 3 فصول وراء بعض اعمل ايه بقى في قلبي الطيب ده 😂
صلي على من بكي شوقا لرؤيتنا 🧡
في الصباح
كان أول أيام رمضان والعرب كلهم عارفين اول ايام رمضان على قد ما هو حلو على قد ما هو متعب برضو
نروح بقى عند التجمع ده وكان رعد بيقول بغيظ
'' يا عم انت ما تخلصنا وتصلح ام العربيه هتأخر على الشغل ''
عمار كان جاي عليهم وهو بينفخ بضيق مش كفايه عليه صاحي بدري وهيروح الشغل لا وكمان عربيته مش شغاله
'' اوف ياربي معلش حد فيكم ياخدني معاه ويوصلني الشغل لحظه بس انتوا متجمعين كلكم كده ليه  ''
غيث/ العربيات مش شغاله يا اخويا
عمار: وعربيتي انا كمان مين اللي عمل كده
فارس: العيال ولاد الـ اوف اللهم اني صائم
غرام بضيق: وبعدين يا احمد بقى كده هنتأخر على الشغل
لين بعصبيه: ما تخلص يا اسطا انت ده بقالك ساعه في أول عربيه اومال هتعمل في الباقي ايه هتقعد فيهم لليوم اللي بعده
الراجل بضيق: يا فتاح يا عليم يا رزاق يا كريم علي الصبح طب انا اعمل ايه العطل عايز وقت
ليث: عايز وقت ولا عايز فهم يا عم اخلص هتاخر على الكليه
الراجل: خدو تاكسي انا مش هخلص دلوقتي
غرام: ناخد تاكسي يعني احنا جايبين عربيات علشان في الآخر ناخد تاكسي
أما في الاوضه اللي فوق الخناقة دي كلها صحيت ورد بضيق
'' خناق على الصبح ايه ده بس ''
ورد نزلت وراحت للخناقه واللي كان فيها عمار ماسك لين اللي كانت عايزه تضرب الراجل المستفز ده من وجهه نظرها
ورد مسكت أداه من أدوات الميكانيكا ونامت على حاجة بعجل كده ونزلت تحت العربيه وبدأت تعمل كام حاجة تحت ذهول الكل لاني ورد فجأه كده ظهرت من العدم
ورد طلعت من تحت العربيه وفتحت الكبوت وعملت كام حاجة وبعدها قفلته تاني وشغلت العربيه والعربيه اشتغلت
ورد رمت المفك على الراجل وقالت بضيق: شوية هدوء لو سمحتوا عايزه اتخمد
احمد بذهول: انتي صلحتيها ازاي ده الراجل ده بقاله ساعه بيهابر فيها ومعلمش فيها حاجة
ورد بصت للراجل اللي كان بيبص للعربيه بصدمه وقالت بسخريه
'' ده المفروض يبقى سفرجي مش مكانيكي ''
عمار بسرعه :طب ينفع تصلحي عربيتي اصل العربيه دي مش هتاخدنا احنا الكل
ورد بتفكير: تدفع كام
لين: اللي انتي عايزاه بس المهم نروح الشغل
ورد: 200 جنيه على كل عربيه اصلحها
طيف: برغم اني ده سعر غالي بس ماشي
ورد شاورت على الراجل: هات العده دي وتعالي اتعلم
الراجل ده تلقائيا لقى نفسه شال العده وطلع يجري وراها
ليث بصدمه: يا قادره
رعد ركب عربيته: يلا بقى سلام عليكم
طيف ركبت معاه: معلش يا رعد خدني الجريده بسرعه
رعد: ماشي يا اختي
           ~~~~~~~~~~~~~~~~
بعد شويه
دخل غيث الشركة وهو بيجري بسرعه علشان يلحق الاجتماع ودخل فعلا ولقي سليم قاعد على رأس طاوله الاجتماعات وهو متضايق
'' معلش اسف على التأخير ''
اتكلمت واحده: Don't worry غيث احنا لسه مبدأناش اصلا
غيث بخفوت: يا لهوي ميرا يا أدى النيلة السوداء
غيث قعد جنب ابوه
(فاكرين في الجزء الأول لما جين عرفت اني سليم عنده عمه لا وكمان ابن عمه وده كان اسمه يونس كيرا بقى تبقى بنته اشطا )
سليم بهمس: اتاخرت ليه
غيث: العيال بوظوا العربية اعمل ايه يعني
يونس: طب نبدأ الاجتماع
سليم: ايوه نبدأ
وبعد 3 ساعات كان الاجتماع خلص ومفضلش في القاعه غير يونس وبنته وسليم وغيث اما غيث "اتمطع "عارفه انها كلمه صعبه شويه بس المصريين عارفينها صح
'' ااااه يا اني مش حاسس بجسمي ''
سليم ضربه بالملف: فيه ايه يا حيوان انت مش قاعد لوحدك
غيث هنا لاحظ وجود يونس اللي بيكتم ضحكته وكيرا اللي بتبصله ووشها شبه القلب الكبير
'' احم احم آسف وربنا ما اخدت بالي ''
كيرا بلكنه مصريه لكن بها بعض اللغه الاجنبيه
'' غيث هو مش انت تبقى Archaeologies "عالم آثار"''
غيث: اه ليه
يونس: كيرا نفسها تزور البلد والاماكن الاثريه وكده
غيث: طب ما تاخدها وتروحوا الأهرامات
كيرا: لا يا غيث انا عايزه اروح الاقصر واشوف Temples "معابد"
غيث بابتسامه مصطنعه: بعد رمضان ان شاء
كيرا: Please غيث انا ودادي مسافرين بعد أسبوع وانا نفسي اروح هناك
غيث: يعني لازم دلوقتي ما تتأجل للسفرية الجاية
سليم حس اني غيث لو رفض تاني يونس ممكن يضايق
'' خلاص يا غيث مش هيحصل حاجة لو سافرت الاقصر يعني ''
غيث بص لابوه بصدمه لانه عرف كده انه هو ادبس
كيرا بفرحه:  Thanks uncle
غيث حاول الابتسامة: بعد 6 ايام ان شاء الله
كيرا: Wate بعد 6 ايام
يونس: خلاص يا كيرا ماشي يا غيث معلش هتعبك معايا
غيث: لا عادى يا عمي تعبك راحه
يونس وكيرا مشيوا وغيث بس لسليم بغيظ وسليم قال باستغراب
'' اه وبعد النظره دي عايز مني ايه ''
غيث: لبستني في سفريه للاقصر ليه
سليم: وفيها ايه ما انت عالم آثار وبتسافر هناك كتير
غيث: الوقت غلط مع الشخص الغلط
سليم: قصدك علشان احنا في الصيف ورمضان وكده
غيث: انا مستعد اسافر الصومال ولا اروح حتى الشارع اللي جنبنا مع كيرا
سليم: ومالها كيرا بقى ان شاء الله
غيث: يا بابا دي واحده نايتي ودلوعة اوي
سليم: طب علشان خاطر يونس استحمل
غيث زفر بضيق: ماشي يا بابا ماشي ربنا يستر من الشله لما يعرفوا اني رايح الاقصر انا عارفهم هيلزقوا
           ~~~~~~~~~~~~~~~~
في المستشفى اللي بيشتغل فيها لين وغرام واحمد
غرام كانت ماشيه وحاسة بالعطش الشديد: يارب ايه اليوم ده حتى مفيش راحه من الصبح بتنقل من المريض ده للمريض ده للعمليه دي اوف بقى اااااااه ما تفتح انت كمان
الشخص: آسف اوي لحظه بس هو انتي مصريه
غرام شافت واحد اول مره تشوفه بس كان لابس بالطو طبي
'' انت مين اصلا ''
الدكتور مد ايده وقال بابتسامه: دكتور باسم الدكتور الجديد هنا
غرام: اسفه مش بسلم
باسم باحراج: لا عادي ولا يهمك
لين من وراها: غرام انتي فين من الصبح بدور عليكي ايه ده مين ده
غرام: واحد بيقول اني دكتور جديد
لين: اه انت الدكتور اللي اتعينت مكان دكتور سالم
باسم بذهول: انتوا بجد مصريين
لين: ليه السؤال يعني
باسم: اصل شكلكم يعني مش بيوحي بكده خالص
غرام بابتسامه جميلة: اه مصريين بس عندنا فرع تركي كده في شجره العيله
باسم: اه فهمت بس يعني ممكن اعرف اسماء زميلاتي
غرام: انا اسمي غرام ودي لين بنت خالتي
باسم ابتسم واعجب جدا بواحده منهم يا ترى مين بقى
على بعد منهم كان ماشي احمد بس شاف لين وغرام واقفين مع واحد والواحد ده كان بيبتسم بطريقه هو عارفها كويس فحس بالغيرة على أخته وبالغيرة الاشد على لين فراح هناك بسرعه
'' انتوا واقفين كده ليه ''
لين بغضب: فيه يا عم فيه حد يطب مره واحده كده مفيش آداب استاذان خالص
احمد بصلها بغضب شديد ولين خافت منها واستخبت وراء غرام وغرام قالت بفزع
'' احيه يا ابو سوسو انتي بترميني في وش القطر يا بت ''
لين: مش ده اخوكي اتصرفي
غرام بغيظ: ومش ده ح..... امممممم
لين كتمت بوقها: اخرسي اخرسي الله يخربيتك
باسم بقلق: سيبيها هتموت في ايدك
لين سابتها وبصت لباسم برفعه حاجب بس أحمد شدها هي وغرام وراء وبص لباسم بحده
'' ممكن اعرف انت مين ''
باسم: احم انا دكتور باسم اتنقلت جديد هنا
احمد: امممم طب عن اذنك يا دكتور
احمد شد لين وغرام ومشى فقالت لين: يا عم اوعي أيدي
احمد: انتوا ايه اللي موقفكم معاه ها
غرام: ايه يا احمد دكتور جديد وبيتعرف على زملاته بس كده
احمد: يا سلام
غرام: انتي بتغيري يا بيضه
احمد بصلها بغضب وغرام طلعت تجري: طب سلام عليكم انا بقى هشوف العيانين بتوعي
لين كانت هتمشي بس احمد وقفها: استنى يا لين
لين وقفت: عايز ايه
احمد بغيره: انتي فارده شعرك كده ليه
لين: وانت مالك انت انا حره
احمد بتحذير: لين متعصبنيش واحسنلك اربطي شعرك
لين: لا وبعدين انت مالك بيا
احمد: هو ايه ده اللي مالي بيكي انتي هتبقى مراتي يا لين
لين: يا سلام ومين بقى الحمار اللي قال كده وبعدين انت مين علشان تقولي كده
احمد شدها من ايدها وقال: انا ايه علشان اقول كده انا بحبك من واحنا اطفال وانتي عارفه كده كويس بلاش عناد يا بنت الزيان علشان مش بيجيب نتيجه
لين ضربته في صدره: اخيرا يا لوح التلج انت نطقتها
احمد: هو انتي مكنتيش عارفه ولا ايه
لين بإحباط: طب تصدق انت حلال فيك اللي انا بعمله ده اوعي اوعي عيل مستفز
           ~~~~~~~~~~~~~~~~
عند ورد
كانت بتصلح في آخر عربيه فيهم بس لقيت اللي وقف قدامها
'' ها يا اسطا خلصتي ''
ورد رفعت رأسها بضيق/ اسطا في عينك يا رخم يا ثقيل الدم
ليث: بت هتشتمي هشتمك
ورد رمت عليه المفك اللي في ايدها: طب وريني كده
ليث وطي بسرعة قبل ما يجي فيه: يا بنت المجنونه كان هيجي في دماغي
ورد رمت واحد كمان: يارب دماغك تتفتح
ليث رجع لوراء بسرعه بس المفك وقع على رجله ليعلو صوت صراخه
'' اااااااااه رجلي يارب بنت ال.... ''
ليث مسك المفك ورماه عليها بس هي وطت فجيه في ازاز المحل وراها ليعم الصمت في المكان
خرج صاحب المحل بغضب وهو ناوي يتخانق مع اللي عمل كده بس شاف اتنين بيجروا فصرخ بصوت عالي
'' حراميه امسكوا الاتنين دول حراميه ''
وكعاده الشعب المصري اول ما يسمعوا الكلمه دي بيطلعوا يجروا وراء الشخص اللي اتقال عليه حرامي حتى لو مكنش حرامي فعلا
ليث: يا ابن كوم شكاير اليهود حراميه ايه
ورد: أجرى أجرى لو مسكونا هيفرمونا
ورد وليث جريوا في الحاره بس وقف الاتنين لما شافوا ناس جايه من الناحيه التانيه
'' احيه ''
ليث جري من اتجاه وورد من اتجاه في شوراع الحاره الضيقه والرجالة كانت وراهم
ليث: وربنا لو حرامي بجد ما هيجروا وراه كده
ليث شاف علب كرتون كتير فبسرعه وقع شويه علشان يعطلوا الناس شويه وفضل يجري ودخل في شارع تاني بس لقي شخص شده وده ما كان الا ورد
ليث: يخربيتك خضتي....
ورد كتمت بوقه والناس دوروا عليهم بس ملقيوش حد
'' اكيد راحوا الناحيه التانيه تعالوا نشوفهم هناك ''
ورد بصت لليث وهي لسه حاطه ايدها على بوقه
'' المفروض تقولي شكرا بقى لاني انقذتك ''
أما ليث مركزش في اللي بتقوله بس ركز في لون عيونها العيون دي والشعر والصوت هي نفسها البنت اللي كانت بتجي في الحلم
أما ورد كانت هتتريق عليه بس بصت للون عيونه هو كمان قد ايه مميزه اه هي شافت عيون زرقاء كتير بس دي مختلفه حاسه انها مميزه ومتنكرش طبعا اني ليث وسيم اوي رغم انه بيستفزها
ليث حرك شفايفها تحت ايدها وقال: عارف اني حلو
ورد شالت ايدها: لا شكر على واجب
ليث: انا مقولتش شكرا اصلا
ورد: تصدق يلاه كان المفروض اسيبك ليهم يكش كانوا يقتلوك
ليث بضحك: خلاص خلاص ده انتي عصبيه اوي شكرا يا ستي
ورد: ايه ده انت عندك غمازات
ليث بغرور: Yes
ورد: تبا لتواضعك يا رجل
ليث: احم هو انا مش عارف والله احنا بنتخناق ليه بس نعمل هدنا Ok
ورد بتفكير: امممم ماشي بس بشرط
ليث: ايه هو؟؟؟!
ورد: ترجعني مكان ما كنا علشان مش هعرف ارجع
ليث هنا كأنه استوعب المصيبه اللي حصلت: انا مش عايز اقولك اني اصلا مش عارف مكان البيت منين
           ~~~~~~~~~~~~~~~~
عدي الوقت والساعه بقيت 3 العصر نروح بقى عند آسيا واللي كانت لسه نايمه ومتغطيه بغطاء خفيف نظرا لأنها من النوع اللي بيبرد بسرعه
(زي وربنا )
اسيل دخلت عليها وبدأت تهز فيها: بت بت انتي يا برميل النعس انتي قومي
آسيا بتذمر: عايز ايه يا مصطفى ما تسيبني انام بقى
اسيل كانت هتتكلم بس افتكرت مقلب كانت بتعمله زمان فيها لما تبقى عايزاها تصحى طلعت من جيبها ديناميت معرفش بصراحة جات ازاي في جيبها
ولعتها ورمتها على جنب وما هي الا لحظات حتى صرخت آسيا بقوه بسبب صوت الفرقعه الشديده
'' ايه ايه فيه ايه الحرب العالمية الثالثة قامت ولا ايه ''
اسيل حاولت تكتم ضحكتها بس انفجرت في الضحك
'' ههههههههه لسه بتخافي من الديناميت يا آسيا ''
آسيا: وربنا انتي غلسه ثواني بس انتي ايه اللي جابك هنا
اسيل: لقيتك اتاخرتي اوي في الصحيان قولت اما اروح اصحيكي ايه كانت نموسيتك فوشيا ولا ايه
آسيا اتحرجت: احم ايه الاحراج ده
آسيا قامت من على الأرض ولقيت نفسها لابسه منامه قصيره شويه هي مش فاكره خالص انها لبستها اكيد مصطفى عمل كده في حاله دخل عليها حد من غير استاذان زي يوسف مثلا
اسيل طرقعت بصوابعها: ايه يا ماما سرحتي فين
آسيا قعدت :لا ولا حاجة هي الساعه كام
اسيل: 3 العصر
آسيا: ياااه انا نمت ده كله
اسيل بضحك: شكلك سهرتي كتير
آسيا ضربتها في كتفها: يا بت كفايه قله ادب
اسيل: حاضر بصي حصل حاجة من مرات ابوكي النهاردة
آسيا بتركيز: شمس مالها حصل ايه
اسيل اخدت نفس: حصل.....
Flash back
اسيل كانت نايمه مع داليدا والبنات في البيت الكبير علشان يكونوا جنب خالد
وعلى الساعه 2 ونص كانت اسيل نزلت من فوق وشافتها شمس اللي كانت طالعه من المطبخ فنادت عليها
'' اسيل ''
اسيل بصتلها: نعم
شمس وقفت قدامها وقالت: انا عارفه اني ممكن متحبينيش او حتى تتقبليني في حياتك بس انا عايزه اقولك ابوكي فعلا مكانش يعرف بوجودكم ودور عليكي كتير اوي ده حرفيا كان هيقتل آمنه علشان رمتك في الشارع بس أدهم والشباب بعدوا بالعافيه انتي مشوفتيش شكله كان ازاي لما عرف اني آمنه ضربتك بالنار ووقعتي في المياه تعرفي انه مصدقش انك موتى ده قلب ألمانيا كلها عليكي بس ملقكيش وعمره ما يأس انه يلاقيكي بلاش تقسي عليه يا اسيل سيف مش هيتحمل اتهاماتك
اسيل: انتي ليه قولتي لليث انه عنده اخت تانيه
شمس اتنهدت: علشان ده حقه لازم يعرف انه عنده اخت حتي لو احنا كنا مش عارفين هي فين ولا عايشه ولا ميته بس كان لازم يعرف برغم انه تعب فتره بس برضو على الاقل عرف
اسيل: انا مش بحبك
شمس اتوجعت من الكلمه دي واسيل كملت: ولا حتى بكرهك انا مش حاسه ناحيتك بأي حاجة
شمس بحزن: اانا انا مش مهم بس متقوليش كده قدام سيف عامليني عادي بس اهم حاجة ترجعي لابوكي واخواتك... ليث يبقى اخوكي حتى لو مش من نفس الام انا عارفه انك مش بتحبيني بس بلاش تعاملي ليث زي ده اخوكي
اسيل ورغم تأثرها بكلامها قالت ببرود: هاروح اشوف آسيا ومتخافيش انا مش بكره ابدا حد مني
اسيل مشيت وعيون شمس دمعت كلام اسيل جارح اوي سمعت صوت عشق من وراها
'' والله البنت دي عندها كميه قسوه رهيبه ازاي تقولك كده ''
شمس لفت للبنات اللي كانوا استمعوا للحوار من المطبخ
'' اذا كانت هي بتكرهه امها هتحب مرات ابوها يعني ''
جين: بس امها ست بنت 60 في 70 اما انتي معملتيش اي حاجة
شمس: معندهاش اي ثقه في الناس طبيعي تعمل كده بس مش عايزاها تعمل كده مع سيف
Back
آسيا اخدت نفس عميق: متوقع من شمس تعمل كده
اسيل: هو انا فعلا كلامي جارح
آسيا: ايوه يا اسيل جارح اوي انتي لما قولتيلها مش بكره حد مني كأنك بتقولي انتي من ضمن قائمة اللي بكرههم
اسيل: بس انا فعلا مش بحبها ولا حتى بكرهها
آسيا: علشان مجربتيش حنيتها يا اسيل
اسيل بضيق: مش عارفه بقى انا مش عارفه اتأقلم معاكم مش عارفه انا عايزه ارجع....
آسيا قاطعتها: عايزه ترجعي إسرائيل يا اسيل دي مش بلدك ولا حتى فيها اهلك..... مصر هي بلدك واحنا اهلك الموضوع مجرد وقت طب بصي انا عندي فكره حلوه
اسيل: ايه هي
آسيا بمكر: اسمعي يا ستي
           ~~~~~~~~~~~~~~~~
في الحاره وبالتحديد في البيت الكبير كان وصل الشباب على الساعه 4 كده وقعدوا على الأرض تحت المكيف وقال فارس وهو بيهوي على نفسه بالملف
'' ااااه اااااااه يخربيت الحر حاسس اني بدوب ''
حلا قعدت جنبه لأنها هي الوحيده اللي مش بتشتغل فيهم واللي اتضطرت تساعد البنات في المطبخ وما ادراكم بأول فطار في رمضان بنقوم من الصبح علشان نجهز ليه
'' ااااه يا ضهري اه يا عضمك يا رضا يخربيت الكوسه على السلطه على البطاطس ''
ريان قلع الجاكيت اللي لابسه وفك الكرافيت وقعد جنب طيف اللي بتهوي على نفسها
'' ضهرك ايه يا اختي ده انا من صباح ربنا رايح جاي زي التور اللي بيلف الساقيه ''
غرام جات وهي سانده على أحمد اكنها اخدت ضربه شمس
'' كويس انك عارف انك تور يا ريان ''
احمد زقها وقعد على الكنبه وهو حران اوي
غرام/ ايه يا عم انت.... هو انت بترمي زباله
عمار: معلش أصله غشيم مش بيفهم ازاي يعامل الجنس اللطيف اللي زيكم
لين: قوله وحياتك يا عمار شكله محتاج دروس
رعد: أخص عليك يا احمد عريتنا وسط الجنس اللطيف
احمد: لا بقولكم ايه انتوا هتحفلوا عليا
طيف بصت لداليدا اللي كانت قاعده ببرود وبتسمتع ليهم
'' وانتي يا ام شعر تلجي مش حاسه بالحر ولا البروده عندك عاليه ''
دال بهدوء: اولا التكيف شغال انتوا حرانين بس علشان المشوار يعني 5 دقايق كده ومش هتبقوا حرانين
ريان: طب انتي مش حاسه بالجوع ولا العطش ولا اي حاجة من دي
داليدا رفعت كتافها بلامباله: لا عادي متعودين على الجوع والعطش مش مشكله يعني
رحيل قعدت جنبها بتعب ومن الناحيه التانيه فجر وقال الأتنين في صوت واحد
'' اتكلمي عن نفسك يا حبيبتي احنا هنا هنموت من العطش ''
داليدا ببرود: هي اول مره يعني
عمار: بالله انا عايزه افهم ازاي الاتنين اخوات وازاي دي بنت عمك لا يوجد شبه واحد لا شكل ولا شخصيه
فجر: الكل بيقول كده
حلا: اصلكم تافهين
رحيل: لا لو سمحتي انا مش تافهه
فجر بصتلها بمعنى طب قولي وربنا وانفجر الاتنين في الضحك فأي شخص مهما كان عندما ينظر اليه بسته (صديقه المفضله يعني) تذهب عندها الجديه الي الجحيم
داليدا: شوفوا ده أكبر دليل على تفاهتكم
غرام: ومالها التفاهة يعني مش عيب وربنا
فجر: وربنا البت دي عسل بشعرها ده
رحيل بتذمر: يعني انا كنت قاعده وسط 3 ملونين + خالد وكنت صابره دلوقتي اقعد وسط خشروميت واحد ملون وانا الوحيده اللي ابيض واسود
ريان بضحك: معلش احنا مش بنمشي بالعنصريه
فجر باستفزاز لرحيل: بس انا بمشي
رحيل بصتلها بقرف: ربنا يخلي ليا جاد حبيب قلبي وقره عيني ولا الحوجه ليكي يا معفنه
غيث اتضايق ميعرفش ليه بس قبل ما يتكلم دخلت ورد هي وليث بعد ما لفوا الحاره كلها علشان يرجعوا
ليث: اوف اخيرا رجعنا
ورد قربت من الشباب اللي قاعدين على الأرض وقالت
'' 200 جنية من كل واحد فيكم يلا ''
الشباب بصولها وكل واحد طلع 200 جنيه فعلا وحلا فتحت بوقها بذهول وهي بتبص لورد اللي بتعد في الفلوس
'' في دقيقه واحده بقى معاها ده كله ''
لين: قسما بالله انا بشتغل وعمري ما عملت الفلوس دي في يوم واحد
ورد بغرور: فيه فرق لما تشتغلي زي التور وفيه فرق لما تشتغلي بذكاء
ليث: وانتي بقى عندك ذكاء
ورد بصتله بغيظ: ولاه مش لسه من كام ساعه بس واخدين هدنه
ليث: صح نسيت
داليدا لاحظت اني فارس بيبص ليها بس وكعادتها لم تهتم
سكت الجميع مره واحده وشموا رائحه الجميع يعرفها وبص الكل ليوسف اللي كان خارج من المطبخ وهو بياكل سندويتش شاورما🥙 بكل استمتاع بس لقي الكل بيبص عليه فهو خاف
'' ايه فيه ايه يا جدعان هو انا عملت حاجة ''
فارس بغيظ: بتاكل قدامنا في نهار رمضان يا يوسف
فجر وهي تكاد تبكي: لا وكمان شاورما حسبي الله ونعم الوكيل
ديانا خرجت وهي بتاكل في سندويتش زي يوسف
'' فيه ايه بتزعقوا ليه ''
ليث: لأ بقى كده حرام.... حرام عليكم تعملوا فينا كده بتاكلوا قدامنا في نهار رمضان
ديانا: طب هو طفل وانا حامل نعملكم ايه يعني وبعدين ما انا كنت باكل في المطبخ وهو اللي طلع يلا يا يوسف سيبك من الناس الحقوده دي
يوسف رفع رأسه بغرور كأنه شخص مهم كونه فاطر في رمضان
'' يلا ''
فجر حطت ايدها تحت خدها: طب احنا هنعمل ايه دلوقتي المغرب لسه فاضل عليه ساعتين
اسيل وآسيا دخلوا: هتعملوا ايه يعني هنستني الفطار طبعا
بعد شويه وصل الكبار وشافوا الكل قاعدين في الصاله وشكلهم أشبه بمن يعانون من العطش في الصحراء فكان الكل قاعد على الارض تحت جهاز التكيف باستثناء داليدا اللي قاعده على الكنبه وهي بتلعب في التليفون بملل
مالك: فيه ايه مالكم عاملين كده ليه
رعد: عطشان يابا
مالك بقرف: يابا
ورد: هو ليه الوقت ماشي اكنه حلزون حد يفهمني
ليث: لا السؤال هنا ليه نهار الصيف طويل اوي كده مش كفايه حر لا وكمان طويل
سيف: معلش يا اخويا استحمل شويه
آسيا قعدت جنب سيف وقالت: سيف حبيبي
سيف باستغراب: ايه؟؟!؟
آسيا: ما تاخدني في حضنك مش انا بنتك ولا ايه
سيف ابتسم وحضنها وقال بمرح: كويس انه مصطفى مش هنا
ليث: بس انا هنا يا حج وانا ابنك علي فكره ولا اروح لأمي
سيف: لا تعالي هنا وربنا اضربك لو روحتلها
ليث: يخربيتك الغيره
سيف حضنه هو كمان وبص لاسيل واستغرب اوي من الابتسامه اللي كانت بتبتسمها بس قبل ما يتكلم كانت آسيا بعدت وطلعت فوق وليث بص لطيفها وابتسم لانه عارف اني اللي كانت في حضن سيف دي مش آسيا دي كانت اسيل
(اصبروا بس ده انا هلخبطكم بالشبه اللي بينهم ده )
حلا :ايه ده ايه ده طب وانا يا فهد
رسيل مسكتها من قفاها: وانتي ايه يا روح امك عايزه تحضنيه انجري يلا قدامي على المطبخ وباقي البنات ورايا اخلصوا
           ~~~~~~~~~~~~~~~~

Sabreen 🧡