اسطوره النسل (أبناء الجارحي)

11- مـامـا حـامـل

هو برغم ولا واحده فيكم جابتها صح بس حبيت انزل بارت هديه للناس اللي فكرت يا ريماس ماشي وفكروا تاني انتوا عرفتوا مين ورد بعد ما تعمقتوا في الشخصية فكروا تاني وبالاخص انتي يا أرزاق انتي شاطره وهتجيبها بغض النظر عن اني فرح وريماس معندهمش بصله انا مش بشتم ماشي 🙂
..................................
صلي على من بكي شوقا لرؤيتنا 🧡
عم الصمت في المكان ونظر لهم الجميع بغباء شديد وقاطع هذا السكوت الطويل صوت عدي
'' مين دي اللي حامل معلش ''
شمس: مراتك هي اللي حامل
عشق بتأثر: يا كبيره على الهم يا ديانا
فجر: كبيره ايه مش المفروض تتقال يا صغيره على الهم
ملك: في الحاله دي تبقي كبيره
طيف بجنون: انتوا بتقولوا ايه هي حامل ازاي اصلا
عدي بصلها: هو ايه ده اللي حامل ازاي اومال انا ابقى يا بنت الهبله
طيف: بابا انت كسرت الخمسين خلاص وهي وصلت 47 سنه ازاي ده شئ مش منطقي
اسيل: عادي يعني بتحصل هي بتحصل بنسبه قليله بس بتحصل
شمس: عامة هي هتفوق كمان 5 دقايق
وبعد شويه بدأت ديانا تفوق ولقيت الكل فوق دماغها معادا الصغيرين كانوا لسه برا
'' ايه يا جدعان مالكم واقفين كده ليه ''
رسيل بابتسامه شامته: حمد الله على السلامة يا برق
ديانا بلعت ريقها: برق انا مش مرتحالك هو حصل ايه بالظبط
عدي: اغمى عليكي
ديانا :طب وهي بتبصلي كده ليه اكني عملت جريمه وراحه اتعدم
حسن: احم انتي حامل يا ديانا
ديانا رمشت كذا مره كده اكنها بتستوعب الكلمه
'' ايه يا ابو علي الهزار ده  ''
رسيل: مكنتش اعرف اني أبواب السماء مفتوحه يوم ما دعيت عليكي ربنا استجاب ليا اهو يا ديانا
ديانا قامت بفزع: ايه ده يعني الموضوع بجد يا أدى الفضيحه
عدي: فضيحه ايه انتي كمان انتي مراتي يا هبله
ديانا: بس بس اسكت انت السبب
عدي كشر: هو انا كنت السبب لوحدي مثلا
شمس: بقى حامل في شهرين ونص وانتي مش عارفه
ديانا وهي تكاد تبكي: كنت فاكره اني خلاص العاده بطلت تيجي اه يا اني منك لله يا رسيل الكلب
فهد: وهي مالها رسيل؟؟!؟
رسيل: تستاهلي الحمد لله ربنا اخدلي حقي منك
فهد: مش فاهم برضو
شمس: اصل زمان....
Flash back
نرجع 20 سنه لوراء لما البنات كانوا مشيوا بسبب تملك الشباب الشديد وكانوا راحوا قنا عند جد عشق... ورسيل اغمي عليها هناك ولما فاقت لقيت البنات حواليها
'' اااخ ايه حصل ايه ''
شغف :احم بصي مش عارفين نجيبهالك ازاي
رسيل: هي دي اللي تجيبوها
جين: بصي انتي اغمى عليكي
رسيل: اكيد بسبب قلة الاكل
ديانا: لا يا اختي ده انتي حامل
رسيل بصراخ: ايـــــه يا لهوي
واغمى عليها تاني
شمس: رسيل يا بت الله يخربيتك يا ديانا مش تمهدي الموضوع ليها الأول
رسيل فاقت تاني وقعدت تعيط
ديانا: طب انتي بتعيطي ليه دلوقتي
رسيل: منك لله يا ديانا الكلب ربنا ياخدك
ديانا: وانا مالي انا
رسيل: روحي الهي اللي فيا يجي فيكي بس وقتها تبقى قربتي على الخمسين
Back
رسيل: ربنا اخدلي بحقي
ديانا: طب انا هنقول لطيف ايه دلوقتي
مصطفى: عادي هنقولها ماما حامل
ديانا: يا سلام عادي كده
جين: طيف اصلا عرفت وواقفه برا
ديانا: يا لهوي يعنى مفيش حتى وقت اعرف اهئ نفسي فيه للكلام
مراد: هو انتي رايحة الحرب
شمس: الموضوع ابسط من كده
ديانا: ابقى جربي الأول وبعدين ابقى شوفي بسيط ولا لأ الهي اللي فيا يجوا فيكم
البنات في صوت واحد: لا طبعا الله الغني
سليم: ليه كده ده انا كنت بفكر نعمل زيهم
جين: اعمل انت لوحدك
أما برا كانت طيف مضايقه اوي
رعد :يا بت افردي وشك ده شويه بقى دي خلقه هتستقبلي بيها اخ جديد ليكي
طيف: بس يلاه أخرس
آسيا  بت يا طيف هو انتي متضايقه اني ديانا هتجيب طفل ولا ايه
طيف بتذمر: بصراحه اه انا فضلت حياتي كلها انا اللي اخد الاهتمام والحنان وكل حاجة صعب عليا لما يجي واحد ياخد ده كله
احمد: بس عدي وديانا عمرهم ابدا ما هيفرقوا ما بينكم
طيف بحيره: مش عارفه
داليدا بهدوء: لو هتدخلي بتكشيرتك دي يبقى تستنى لحد ما تتقبلي الفكره لأنها لو شافتك كده هتفتكر انك مش حابه كونها حامل وده غلط عليها خصوصا وهي حامل في السن ده
طيف زعلت لأنها حست انها انانيه: صح معاكي حق
فجر بمرح: ايه ده يا دودي انتي بقيتي عاقله كده من امتا
داليدا نزلت لتحت وقالت ببرود: من قبل ما تبقى أنتي مجنونه
فجر بغيظ: روحي يا شيخه يخربيت برودك ده
بعد شويه طيف دخلت لأمها وكانت متوتره وديانا مش اقل توتر منها وخرج الكل وفضل ديانا وعدي وطيف بس
طيف: احم حمد الله على السلامة يا ماما
عدي: طيف انا عارف فكره اني ماما حامل وهي في السن ده ممكن تأثر عليكي بس صدقيني يا حبيبتي عمرنا ما هنفرق في المعامله ابدا ما بينكم
طيف اتنهدت وقربت من ديانا حضنتها: هو أنا أطول يبقى عندي اخ صغير العب معاه
ديانا حضنتها وهمست بخفوت: انتوا الاتنين ولادي يا طيف اوعي تتضايقي
طيف رسمت الابتسامة على وشها: مش مضايقه ويلا شدي حيلك كده علشان انا اللي هسميه ماشي
           ~~~~~~~~~~~~~~~~
عند آسيا كانت نايمه على السرير بس مش نعسانه برغم انها هتموت وتنام بس مستنيه مصطفى يجي علشان تنام في حضنه زي كل يوم ابتسمت وهي بتفتكر شهر العسل
Flash back
في مطار أسبانيا
آسيا: مصطفى احنا هنروح فين بالظبط
مصطفى: بصي مش هنروح شاليه ولا فندق ولا اي حاجة من بتاعت الروايات دي
آسيا: اومال هتودينا فين على سطح القمر مثلا
مصطفى ابتسم وحاوط كتفها بايده: لا على مكان بعيد عن كل البشر
آسيا: اممم ومالوا طالما معاك انا موافقه
بعد كذا ساعه وقفت آسيا قدام مكان أخضر واسع جدا وفيه بيت بسيط وشكله جميل اوي