صَلَداً "مي الفخراني "

الفصل الخامس

عقد هو حاجبيه قائلاً باستفسار :
_ فلوس أيه ومستشفي إيه ؟؟

تنتحنت ميرنا قائله بتوضيح :
_ الفلوس إلي حضرتك دفعتها للمستشفي ، أنا اخت عمر إلي أنت ، قصدي حضرتك خبطته بالعربيه ٠٠

ضيق جاسر ما بين عينيه ثم هتف باقتضاب :
_ مفيش داعي ٠٠

حركت ميرنا رأسها رافضه قائله باحتجاج :
_ لا حضرتك دي مستشفي خاصه  ، المبلغ إلي ادفع تقدر تخصمه من مرتبي ٠٠

حدقها جاسر بنظرات قويه قائلاً بحزم :
_ قولت مفيش داعي ، تقدري تتفضلي ٠٠

حركت ميرنا رأسها برفض قائله بإصرار :
_ بس أنا مصممه يا فندم ، ياريت حضرتك تدي تعليمات أن يتم خصم من مرتبي ٠٠

طرقات على الباب يعقبها دلوف السكرتيرة وهي تحمل مجموعة من الملفات قائله بنبره رسميه :
_ اتفضل حضرتك دي الاوراق الخاصه بالمرشحين أنهم ياخدوا مكاني ٠٠

التقط جاسر منها الملفات ووضعها جانباً ، لتتحرك السكرتيرة خارجه بعد أن رمقت ميرنا نظره عابره ٠٠

_ واقفه عندك لسه ليه ٠٠

قال جاسر تلك الكلمات بغلظه ، فهدرت ميرنا بتصميم بالغ :
_ أنا مش هتحرك من مكاني حضرتك إلا ما تواقق أنك تخصم من مرتبي ، من فضلك أنا مش هبقي مرتاحه غير كده ٠٠

حدقها جاسر بنظرات جامده جعلتها تتوتر لكنها ظلت واقفه بثبات ، ليسألها هو بنبره هادئة :
_ إنتي شغاله إيه هنا ؟؟

اجابت ميرنا بثبات :
_ مهندسه يا فندم تحت التدريب ٠٠٠

ظل يحدقها للحظات بصمت ثم هتف فجأه بنبره جاده غريبه :
_ طيب ، أنا مواقف اخصم من مرتبك بس بشرط ٠٠

عقدت ميرنا حاجبيها متسأله :
_ شرط إيه حضرتك ؟؟

أجابها هو بنبره جامده :
_ هتشتغلي مكان السكرتيره ٠٠٠

هتفت ميرنا معترضه بتوتر :
_ بس يا فندم ، أنا مهندسه ٠٠

قاطعها جاسر بنبره صارمه :
_ القرار ليكي ، لو عايزه تردي المبلغ ده يبقي تحضري نفسك تستلمي الشغل مكانها ٠٠

ظلت ميرنا واقفه لبضع لحظات تشعر بالحيره ، ليقول هو بجفاء :
_ خلصي أنا مش فاضيلك ٠٠

ابتلعت ميرنا ريقها وفكرت سريعاً ثم أجابت موافقه على مضض :
_ موافقه حضرتك

_ من بكره هتستلمي شغلك ٠٠

قال تلك الجمله باقتضاب ٠٠

ظلت ميرنا واقفه ، ليهدر هو بها بقوه :
_ هتفضلي واقفه كده كتير ، اتفضلي يلا ٠٠

زفرت هي بشده وغادرت المكتب وعقلها مشوش ٠٠
٠٠٠٠٠٠٠٠٠٠٠٠٠
_ أطمن  ، معرفتش حد

هدر مصطفى بتلك الكلمات وهو يقود سيارته إلي ذلك الشخص الجالس بجانبه ، ليهتف الأخير بحماس :
_ مصر وحشتني ٠٠