صَلَداً "مي الفخراني "

الفصل الثاني عشر

الفصل الثاني عشر
صَلَداً

وجدت ميرنا زياد يدلف إلي الداخل ، فنهضت و هي تبتسم بحماس فقد أخبرته في الهاتف بخبر حملها ٠٠

عضت على شفتيها وهي تقترب منه مبتسمه قائله بحماس :
_ ها بقي قولي ، هنروح للدكتور أمتي عشان نتابع معها ؟؟

كانت ملامح زياد مقتضبه ، ليتحرك نحو الداخل قائلا بايجاز :
_ نتكلم بكره يا ميرنا ، أنا جاي تعبان و عايز أنام ٠٠

قال زياد تلك الكلمات ثم دلف إلي الغرفه تاركا إياها تحدق باثره بتعجب فلم تكن تتوقع رد الفعل الجاف هذا ٠٠٠٠٠٠٠٠٠٠٠٠
مر اسبوعين ، لينفذ جاسر رغبة ساره على الفور بعد أن صممت الاخيره على قرارها تم الطلاق بينهم دون أن يعلم أحد سوي مصطفى و أمجد ٠٠

_ يعني إيه اطلقتوا ، إنتوا اتجننتوا ؟؟

صاحت بتلك الكلمات السيده هبه بنبره غاضبه فور أن أخبرتهم ساره بذلك الخبر ٠٠

مال مصطفى علي جاسر الجالس بحانبه قائلا بتهكم :
_ قابل بقي ، مرات خالك هتقومها حرب ٠٠

تحدثت السيده شريفه بنبره غير مستوعبه و قد كانت ملامحها منكمشه :
_ ليه كده !! ، إيه إلي حصل وصلكم لكده !!

هدرت ندا بعدم فهم الجالسه بجانب أمجد الذي يراقب بصمت:
_ طيب ممكن نعرف إيه إلي وصلكم لكده ؟؟

ابتلعت ساره ريقها ونظرت إلي جاسر ثم إلي ندا وأجابت بحزم :
_ الموضوع يخصني أنا و جاسر بس و إحنا شوفنا أنه قرار مناسب لينا ٠٠

حدقتها السيده هبه قائله بحده :
_ منااسب!! إنتوا لازم ترجعوا عن القرار ده ، سامعين !!

قالت السيده هبه تلك الكلمات وهي تنقل بصرها بين جاسر و ساره فهتفت الاخيره بنبره مقتضبه :
_ بس إحنا أطلقنا خلاص يا ماما ٠٠٠
٠٠٠٠٠٠٠٠٠٠٠٠٠٠٠
_ مالك يا زياد متغير ليه من وقت ما عرفت بخبر حملي و أنت بتتعامل بطريقة غريبة ٠٠

هدرت ميرنا بتلك الكلمات وهي تجلس بجانب زياد على الاريكه داخل منزلهم ٠٠

وضع زياد جهاز التحكم مكانه وتحدث و بصره معلق بالتلفاز قائلا بجفاء :
_ مالي مفيش حاجه ٠٠

حدقته ميرنا بنظرات متضايقه قائله بنزق :
_ لا يا زياد بقالك اسبوعين من وقت ما عرفت بخبر الحمل و أنت متغير ، مش بتتعامل بطبيعتك زي الأول ، هو الموضوع الحمل مضايقك !!، اتكلم معايا بس فهمني مالك ، أنا حاسك حد تاني ، مش زياد إلي أعرفه ٠٠

زفر زياد وبصره مازال معلق بالتلفاز قائلا ببرود :
_ قولتلك مفيش يا ميرنا ٠٠

التقطت ميرنا جهاز التحكم ثم أغلقت التلفاز ، لينظر لها زياد بانزعاج و قال بنبره حاده :
_ إيه إلي إنتي بتعملي ده ،هاتي الزفت ده ٠٠