Only with You《Completed》

Ch 23

Aqua တစ်ယောက် သူမ မျက်နှာကို public ၌ မြင်ရသည်ကို နေသားမကျသေးပေ။ ကျောင်း၀င်ပေါက်၌ သူမတို့ ပုံများကို ဗီနိုင်းနှင့်ချိတ်ထားပြီး လမ်းမတန်းများမှ ကြော်ငြာဘုတ်များ၌လည်း သူတို့ပုံများကိုတွေ့နေရလေ၏။ သူမ ထိုကဲ့သို့ စပွန်ဆာများကို ပိုက်ဆံရ၍သာ လက်ခံခဲ့ခြင်းပင်ဖြစ်သည်။ တစ်နေ့ တစ်နေ့ အိမ်ကို လာကြသည့် သတင်းထောက်များ၊ တက်လိုက်ရသည့် မည်သည့်အဖွဲ့အစည်းများက ကျင်းပမှန်းပင် သေချာမသိတော့သည့် ညစာစားပွဲများ၊ ဂုဏ်ပြုပွဲများနှင့် ဆုပေးပွဲများကြောင့် ခြေများနေရသည်ပေ။ Vivian နှင့် Noa မှာမူ ထို အရာများကို အတွေ့အကြုံရှိသည့် အတိုင်းပင် ဖြတ်သန်းနေကြပုံပေါက်‌သော်လည်း Aqua တစ်ယောက် အမှန်တကယ်ပင် အားအင်ချည့်နဲ့နေပြီ ပင်ဖြစ်သည်။ ဒရမ်မာကြည့်နေရင်း သူမမျက်နှာကြီးသည် ဘွားခနဲပင် ကြော်ငြာအနေနှင့် တက်လာတိုင်း သရဲတစ္ဆေမြင်သကဲ့သို့ပင် တီဗီကို ပိတ်ပစ်လိုက်လေ့ရှိသည်။

သူမဆီ ကမ်းလှမ်းလာသည့် ကုမ္ပဏီအများစုမှာ အစားအသောက်နှင့် ပတ်သက်သည်မှာများပြီး သူမသည် ထိုအရာများကို စားသုံး၍ စာတော်လာကြောင်း ကြော်ငြာပေးရ၏။ ထိုကျေးဇူးကြောင့် အိမ်၌ မုန့်မျိုးစုံ မပျက်ပေ။ Vivian မှာမူ အလှအပနှင့် ဆိုင်သည်ကို ကြော်ငြာပေးရ၏။ ထို့အပြင် model agency မျိုးစုံမှ ကမ်းလှမ်းလာခြင်းကိုလည်း ခံရ၏။ Kenji မှာမူ သူ့အမ poster များ၌ နှုတ်ခမ်းမွှေး လိုက်ဆွဲရင်းနှင့် အလုပ်ရှုပ်နေ၏။ သို့သော် Aqua ပုံပါသမျှ ကြော်ငြာများ စာ‌စောင်များကို‌မူ မှန်ဘောင်နှင့် သီးသန့် collection လုပ်ထားလေ၏။ Aqua ထိုမှန်ဘောင်ကို မြင်မြင်ချင်းမှာပင် ကြက်သီး ဖြန်းဖြန်းထခဲ့ရသေး၏။

Noa မှာမူ လေ့ကျင့်ခန်းအလုပ်များ၍ သူ့ခန္ဓာကိုယ်မှာ ကျစ်ကျစ်လစ်လစ်နှင့် ဆွဲဆောင်မှု ရှိလာ၏။ Clothing brand အများစု၏ ကြော်ငြာများ၌ ချောမော စွဲမက်ဖွယ်ကောင်းသည့် သူ့ပုံများကို တွေ့နိုင်ပြီး သူ့အတွက် သီးသန့် fandom တစ်ခုတောင်မှပင် ဖြစ်တည်လာကြလေ၏။ Aqua တစ်ယောက်မှာမူ Kenji နှင့်ပင် အရမ်းများနေပြီဟူ၍ ခံစားမိ၏။ Noa ကိုလည်း Model Agency များမှ ကမ်းလှမ်းကြ‌၏။ Noa နှင့် Vivian မှာ visual အားဖြင့်လည်း ဆွဲဆောင်မှုလည်း ရှိကြ၍ ကုမ္ပဏီတစ်ချို့သည် သူတို့နှစ်ယောက်ကို တွဲ၍ ကြော်ငြာရိုက်ကြသည်လည်းရှိ၏။ Vivian နှင့် ဘတ်စုံထူးချွန်ဆုတွဲရသည့် တခြားတိုင်းမှ ကျောင်းသား‌လေးမှာမူ ကြည့်မကောင်း၍မဟုတ်။ သူသည် technological ပိုင်းဆိုင်ရာ ပစ္စည်းများ၏ ကြော်ငြာများကိုသာ လက်ခံ၍သာဖြစ်ပေသည်။ ဖုန်းဆိုင်၊ လက်တော့ပ်ဆိုင်များ၌ သူ့ပုံကို တွေ့ရတတ်၏။ ထိုတစ်ယောက်မှာ သူတို့နေသည့် နေရာမှ မဟုတ်သဖြင့် တစ်ခါတစ်ခါ အပြင်၌ တွေ့ရခဲ၏။ သို့သော် သူသည် မနှစ်ကလည်း နိုင်ငံအဆင့်ရခဲ့သူပင်ဖြစ်သည်။ မှန်ကြောင်ပုဂ္ဂိုလ်ဟူ၍ Aqua နာမည်ပေးထား၏။ ဆုပေးပွဲတစ်ခု၌ ပုလင်းဖင်ကဲ့သို့ ထူနေသည့် မျက်မှန်ကိုတပ်ချလာသောကြောင့် ဖြစ်သည်။ ထိုတစ်ယောက် စီနီယာ Vivian နား တွဲရပ်ရသည့် အချိန်တိုင်း မော်ဒယ်လ်နှင့် မန်နေဂျာကဲ့သို့ ခံစားချက်ကို ပေးစွမ်းနေလေသည်ပင်။