🌱
" ကိုကို့ဆီကိုလာလည်တာလား
ဋီကာလေးလာမယ်မှန်းသိရင် စောပြန်လာပါတယ်ကွာ "
" ကိုကို့ဖုန်းကို ဆက်သေးတယ် "
" ဟုတ်လား ကိုကို့ဖုန်းကို silentလုပ်ထားမိတယ် "
" .............. "
လက်ဖဝါးပြည့်ပြည့်လေးတွေကို
တချက်သာဖျစ်ညှစ်ဆုပ်ထွေးလိုက်ရင်း
အသာအယာ လွှတ်ပေးလိုက်ရလေသည် ။
အခုလို အိမ်အထိရောက်လာတာကိုဘဲ
သူ့မှာ ကျေနပ်လို့မဆုံး ၊ ပျော်လို့မဆုံးပါဘဲ ။
အရင်လိုရင်းနှီးမှုလေးပြန်ရလိုက်ချိန်မှာ
သူ့စိတ်တွေသည်လည်း ဟိုးအရင်အချိန်တွေကို
ပြန်ရောက်သွားသလို ခံစားသွားရသည် ။
မီးရောင်ရဲ့စူးလဲ့တောက်ပမှုကြောင့်
မြင်နေရသည့်မျက်ဝန်းလေးတွေထဲမှာတော့
ဝမ်းနည်းခြင်းအရိပ်အယောင်တွေနှင့်ပြည့်သိပ်နေသည် ။
သူ့အပေါ်မှာ သံယောဇဥ်ကျန်နေပါသေးလားဆိုတာကို
သိခွင့်ရလိုက်သည့် ဒီအခိုက်အတန့်မှာဘဲ သူ့စိတ်နှလုံးမှာ
နာကျင်စူးရှသည့်ဝေဒနာကို ခံစားလိုက်ရပါသည် ။
" ဒီည ဂျူတီမရှိဘူးလား "
" ဟင့်အင်း "
" အိမ်မှာထမင်းစားသွားလေ
ကိုကိုရေချိုးလိုက်ဦးမယ် ခဏစောင့်နော် "
" ဟက်ပီးဘတ်ဒေးကိုကို "
" ............. "
ခေါင်းလေးကိုဖွဖွအုပ်ကိုင်ကာ
အခန်းထဲလှမ်းဝင်ဖို့ပြင်လိုက်သည့်သူ့ခြေလှမ်းတွေက
မွေးနေ့ဆုတောင်းစကားသံကြောင့် ရပ်တန့်သွားရသည်။
ဟတ်ပီးဘတ်ဒေးတဲ့လား ။
ကိုကို့မွေးနေ့ကို မင်းသတိရနေခဲ့တာလားဋီကာရယ် ။
" ဒီနေ့ ကိုကို့မွေးနေ့မဟုတ်လား
ဋီကာမှတ်မိပါတယ် မနက်က မအားလို့ "
" ................... "
" သုံးဆယ့်ခွန်နနှစ်ပြည့် ကိုကို့မွေးနေ့ "
ဋီကာရယ် ။
သူ့လှုပ်ရှားမှုတွေအားလုံးကို
စကားသံတိုးတိုးလေးက ချုပ်ကိုင်ထားလေသည် ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
