🌱
" ကိုကို .."
" ဟင် .."
" အိပ်နေတာလား .."
ခုံကိုကျောမှီပြီး မျက်လုံးတွေကိုမှိတ်ထားကာ
ငြိမ်သက်နေသည့်သူ့ကို အိပ်နေတယ်အထင်နဲ့
ပုခုံးလေးကိုဖွဖွကိုင်ပြီးမေးလာသည့်ဋီကာလေးကြောင့်
မျက်လုံးတွေကိုဖွင့်ကြည့်ပြီး ခုံမှာမတ်မတ်ထိုင်လိုက်ရသည်။
" မအိပ်ပါဘူးဋီကာရဲ့ ဘာဖြစ်လို့လဲ
ကိုကို့ကိုဘာပြောချင်လို့လဲ ပြောလေ .."
သူ့ဘေးနားမှာရှိနေသည့်ဋီကာလေးကတော့
သူ့ပုခုံးပေါ်မှာတင်ထားသည့်လက်တွေကို မဖယ်သေးဘဲ
လေယာဥ်ပြတင်းမှအပြင်ဘက်ဆီကို မက်မက်မောမောနဲ့ငေးနေလေသည် ။
" ကိုကိုကြည့်ပါဦး .. ဟိုဟာ ရေခဲတောင်တွေမို့လား
ဖွေးနေတာဘဲနော်ကိုကို အရမ်းလှတာဘဲ ကြည့်ပါဦးဆို ..."
သူ့လက်မောင်းတွေကိုကိုင်လှုပ်ပြီး
ဝမ်းသာအားရပြောနေသည့်ဋီကာလေးကြောင့်
လူသစ်နေလည်း ဋီကာလေးရှေ့သို့ သူ့ခန္ဓာကိုယ်ကို
အနည်းငယ်ကိုင်းပြီး အပြင်ဘက်သို့လှမ်းကြည့်လိုက်သည် ။
တကယ်ကိုလှပသည့် ရေခဲတောင်တွေကို
လှမ်းမြင်နေရသည်မို့ ဋီကာလေးလိုဘဲ သူသည်လည်း
ရင်ထဲမှာ လှိုက်ခနဲပျော်သွားမိလေသည် ။
ရေခဲတောင်ဆိုတာ မြင်ချင်တိုင်းမြင်လို့ရတာမဟုတ်ဘဲ
ရာသီဥတုနဲ့ အလျင်းသင့်မှသာ မြင်ခွင့်ရတာမျိုးဖြစ်သည် ။
ဒီအခိုက်အတန့်လေးနဲ့
ဋီကာလေးကိုလည်း ကြုံစေချင်သည်မို့
လေယာဥ်ခရီးကို စီစဥ်ခဲ့ခြင်းဖြစ်သည် ။
ကိုဖေရင်းကတော့
သူနဲ့အတူလိုက်မယ့်ကလေးမလေးက
လေယာဥ်မစီးရဲဘူးဆိုတာကြောင့် ကားနဲ့သွားဖို့သာ
စီစဥ်ခဲ့ရပြီး အခုဆိုရင်တော့ လမ်းမှာဘဲရှိလိမ့်ဦးမည်ထင်သည် ။
၂၁၈မိုင်ကွာဝေးသည့် မြစ်ကြီးနား_ပူတာအိုခရီးကို
ဟိုအရင်ကတော့ လေယာဥ်နဲ့သာ သွားလို့ရပေမယ့်
အခုချိန်မှာ ထိုခရီးကိုကားနဲ့ ၁၂ နာရီတည်းနဲ့ နေ့ချင်း
သွားလာနိုင်ပြီဖြစ်တာမို့ အချိန်နဲ့ပြန်တွက်ကြည့်ရင်လည်း
လေယာဥ်နဲ့သွားရတာက ခရီးပိုတွင်တယ်လို့ ပြောလို့ရသည် ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
