🌱
" ကိုကိုဘာလုပ်နေတာလဲ "
" ဟာ ပန်းနုလေးပါလား
ကိုကိုအိမ်ပြင်နေတာပန်းနုလေးရဲ့ "
" ဟုတ်လား မီးမီးဝိုင်းပြင်ပေးရမလား "
" အောင်မလေး နေပါစေဗျာ
အခု ပန်းနုလေးဘာစားပြီးသွားပြီလဲ "
" ငှက်ပျောသီး "
" ဝါး မိုက်လှချည်လား
မနက်စောစောဆိုတာ ထမင်းစားရတယ်ပန်းနုရဲ့ "
" မေမေမှမကျွေးတာ
မနေ့က ထမင်းမကျန်လို့တဲ့ "
ပန်းနုလေးရဲ့စကားကြောင့် သူ နှုတ်ဆိတ်သွားမိသည်။
လက်ထဲမှတုံးတိုတခုကို မြေကြီးနဲ့ဆောင့်ထုနေရင်းမှ
အနားမှာလာရပ်ကြည့်နေသည့်ပန်းနုလေးရဲ့မျက်နှာကို
ဂရုဏာမျက်ဝန်းတွေနဲ့ မော့ကြည့်နေမိလေသည် ။
ငါးနှစ်မပြည့်သေးသည့် ဒီကလေးမလေးရဲ့မျက်နှာမှာ
ဘာအရိပ်အယောင်မှမရှိဘဲ ကြည်လင်လို့နေခဲ့သည် ။
မိဘတွေရဲ့မကြာခဏရန်ပွဲတွေကြားမှာလည်း
ဘာမှမဖြစ်သလို ထုံပေပေနဲ့ နေတတ်နေခဲ့သည် ။
ပန်းနုလေးရဲ့အဖေက မကြာခဏမူးရူးနေတတ်သလို
အမေဖြစ်သူမှာလည်း ပါးစပ်ထဲတွေ့ရာတွေပြောဆိုပြီး
ရန်ဖြစ်တတ်သည်။
မနက်ခင်းဆိုရင်တော့ ပန်းနုလေးက
သူတို့အိမ်ဘက်မှာဘဲ လာကူးနေတတ်ပြီး
မိခင်ဈေးမှပြန်ရောက်မှ ပြန်ကူးသွားတတ်သည်။
သူကျောင်းတက်နေစဥ်တုန်းကတော့
ကျောင်းကိုသွားတော့မှ ပန်းနုလေးကိုခေါ်ပြီး
သူ့အမေရှိတဲ့ဈေးကို ဝင်ပို့ပေးရသည် ။
ပန်းနုလေးအမေက ဈေးမှာပန်းရောင်းသလို
သူ့အမေသည်လည်း ပန်းနုလေးရဲ့အမေနဲ့အတူတူ
ဈေးမှာ ကုန်စိမ်းအမျိုးမျိုးကို ရောင်းချသူဖြစ်သည်။
အမေကုန်စိမ်းရောင်းသည့်အတွက်တော့
သူ့စိတ်မှာ တခါမှ အရှက်ရသည်လို့မခံစားခဲ့ရဖူးပေ ။
အမေ့ကိုဝိုင်းကူရင်းနဲ့ဘဲ
သူ့ရဲ့ကျောင်းတက်ချိန်တွေကို ကုန်လွန်စေခဲ့သည် ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
