🌱
" လူကြီးမင်းခေါ်ဆိုသောတယ်လီဖုန်းမှာ သတ်မှတ်ချိန်... "
" ကျွတ် .. ဖုန်းကိုင်စမ်းပါဋီကာရယ် "
" ................ "
အကြိမ်ကြိမ် အထပ်ထပ်ခေါ်နေပေမယ့်
ကိုင်သူမရှိသည့်ဖုန်းလေးက ဖြေမြဲတိုင်းသာဖြေသည် ။
ဆေးရုံမှာဆိုရင်လည်း
ခွဲခန်းတွေဘာတွေ ဝင်နေရလို့ဆိုပြီး
ဖြေသိမ့်အတွေး တွေးလို့ရပေမယ့်လည်း
အခုက အဆောင်ပြန်ရောက်ရင်ဆက်သွယ်မယ်လို့
နာရီပိုင်းလေးအတွင်းကမှ ပြောသွားခြင်းဖြစ်သည် ။
စိတ်မချသည်မို့ ပြန်ရောက်နိုင်မည့်အချိန်ကိုမှန်းပြီး
ဖုန်းခေါ်ကြည့်နေပေမယ့် ကိုင်မယ့်သူ,မရှိဘဲဖြစ်နေသည် ။
ဘာတွေလုပ်နေတာလဲဋီကာရယ် ။
ကိုကိုခေါ်တဲ့ ဖုန်းလေးတော့ကိုင်ပါ ။
လင်းမြတ်နဲ့လား ။
ဘယ်သူတွေနဲ့ရှိနေတာလဲ ။
" ................... "
ဒီအချိန်ထိတော့ မွေးနေ့ပွဲမှာ
ရှိမနေလောက်တော့ဘူးဆိုတာ သိပေမယ့်
ဘယ်မှာရှိနေသည်ဆိုတာကိုလဲ လူသစ်နေမှာ မသိရပေ ။
အဆောင်ကိုဘဲပြန်ရောက်လို့ အိပ်နေပြီလား ။
သူ ဆက်သွယ်နေတာကြာပြီမို့
ဒါလည်း မဖြစ်နိုင်ဘူးဆိုတာသိနေပြန်သည် ။
တွေးရင်းဖြင့် ရင်တွေပူလာရသည် ။
လင်းမြတ်နဲ့အတူရှိနေသည်ဆိုသည့်အသိက,
သူ့ရင်ကို မီးတစ,လို ပိုပြီး ပူလောင်စေပါသည် ။
" လူကြီးမင်းခေါ်ဆိုသောတယ်လီဖုန်းမှာ စက်ပိတ်ထား,.."
" ဟာကွာ, .. တောက်! ,,."
စက်ပါပိတ်သွားတာမို့
ထိုင်နေလို့မရတော့သည့်လူသစ်နေမှာ
အခန်းထဲမှာ ခေါက်တုန့်ခေါက်ပြန်လျှောက်ရင်း
အောက်ထပ်သို့ ဆင်းလာခဲ့မိလေသည် ။
ဆယ့်နှစ်နာရီကျော်ခဲ့ပြီမို့
ကြီးကြီးမိုးနှင့်သူသာရှိသည့် အိမ်ကြီးထဲမှာ
အပ်ကျသံပင်မကြားရဘဲ တိတ်ဆိတ်နေသည် ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
