🌱
" ကိုကို ဋီကာရုပ်ရှင်ကြည့်ချင်တယ် "
လူသစ်နေတယောက်ထဲ
ဧည့်ခန်းထဲမှာအလုပ်ရှုပ်နေစဥ်မှာဘဲ
အနားကိုရောက်လာသည့်ဋီကာလေးက
ရုပ်ရှင်ကြည့်ချင်သည်ဟုဆိုလာတာကြောင့်
လုပ်လက်စ,အလုပ်တွေအားလုံးကိုရပ်ထားလိုက်ပြီး
ဋီကာလေးကို လှမ်းကြည့်လိုက်မိလေသည်.. ။
ဆယ်တန်းဖြေထားသည်မို့
ဒီကလေးမှာ အချိန်တွေအားနေတာကိုသိပါသည် ။
သင်တန်းတခုတက်ခိုင်းဖို့စဥ်းစားထားပေမယ့်
နားပါစေဦးဆိုပြီးတော့ လွှတ်ထားပေးမိသည် ။
တနှစ်ပတ်လုံး စာတွေကြိုးစားသည့်ကလေးမို့
သူ့အနေနှင့် အလိုလိုက်အကြိုက်ဆောင်ပေးဖို့လည်း
အမြဲအဆင်သင့်ဖြစ်နေခဲ့ပေမယ့် ချင့်ချိန်ရသေးသည် ။
စားချင်တာ သွားချင်တာလေးတွေကို
သူ့မှာ အလုပ်မအားသည့်ကြားမှ စီစဥ်ပေးရသည် ။
စားချင်တာကိုအိမ်မှာလုပ်ကျွေးလို့ရပေမယ့်
သွားချင်လည်ချင်တာတွေကိုတော့ သူ့အနေနဲ့
အရင်လိုလက်ဆွဲပြီး လိုက်မပို့ဖြစ်ခဲ့တာကြာပါပြီ ။
မသင့်တော်တော့ဘူးလို့ ကိုယ့်ကိုယ်ကိုရိပ်မိလာချိန်မှာ
ပတ်ဝန်းကျင်၏ မျက်စိဆံပင်မွှေးစူးစရာကိစ္စမှန်သမျှကို
သူ့အနေနှင့် အမြဲသတိကပ်ကာ ဆင်ခြင်နေခဲ့မိလေသည်။
" ကိုကိုမအားပြန်ဘူးလားဟင် .."
အမြဲတမ်း အကြောင်းတခုခုပြကာ
လိုက်ပို့ဖို့အတွက် ငြင်းဆန်ခဲ့သည်မို့ အခုလည်း
ဋီကာလေးက သူ,မအားဘူးဟုထင်နေပြန်သည် ။
" နေရည်နဲ့သွားလေဋီကာရဲ့
ကိုကိုလက်မှတ်ဝယ်ပေးထားမယ်လေ
ဘယ်အချိန်ကြည့်မှာလဲ ကိုကို့ကိုအချိန်ပြော "
" ဋီကာက ကိုကိုနဲ့ကြည့်ချင်တာ "
သူ့ရင်ထဲမှာ နွေးသွားရပြန်သည် ။
ဒီကလေးရဲ့ချစ်ခင်တွယ်တာတတ်သည့်
အပြောအဆိုအပြုအမူလေးတွေကိုမြင်ရတိုင်းမှာ
သူ့ရင်မှာအနွေးဓာတ်ကလေး အမြဲစီးဆင်းရစမြဲပါဘဲ ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
