🌱
" ကိုသစ် သောက်လေဗျာ ငြိမ်လှချည်လား "
" ထားလိုက်ကိုစိုးထွဋ်ရေ
ကိုသစ်က အဲ့ဒီလိုမျိုးတွေမသောက်ဘူး "
" ဟာဗျာ လုပ်ငန်းရှင်တယောက်လုပ်နေပြီး
ဒါမျိုးတွေမသောက်ဘူးဆိုတာ ဖြစ်သင့်လို့လားဗျာ
မသောက်တတ်တာလား နို့မဟုတ် အလာ့ဂျီရှိလို့လား "
" မဟုတ်ပါဘူးဗျာ "
" မဟုတ်ရင် တခွက်တော့လုပ်ဗျာ
မိတ်ဖြစ်ဆွေဖြစ်သဘောမျိုးပေါ့ ရမလား "
" ............... "
ခဏခဏလည်း ငြင်းလို့မကောင်းသည်မို့
လူသစ်နေမှာ ကိုစိုးထွဋ်ကမ်းပေးလာသည့်
ဘီယာတခွက်ကို လှမ်းယူကာ သောက်လိုက်ရသည် ။
" အငွေ့နဲ့တော့မရဘူးနော်ကိုသစ်
အဲ့ဒီတခွက်ကိုတော့ ကုန်အောင်သောက်ရမယ် "
" ကိုစိုးထွဋ်ကတော့လုပ်ပြီဗျာ "
တကယ်တော့ လူသစ်နေမှာ
အဖျော်,ယမကာတွေကို မသောက်တတ်တာတော့မဟုတ်ပါဘူး ။
သူလည်း ယောကျ်ားတယောက်ပေမို့
သောက်တတ်စားတတ် ပျော်ပါးတတ်ပါသည် ။
သို့သော်လည်း
လူသစ်နေသည် တကိုယ်တည်းသမားမဟုတ်ချေ ။
သူ့ကိုမှီခိုနေသည့် ဋီကာလေးရှိလေသည် ။
သွေးမတော်သားမစပ်ကြသည့်
ဖိုမ,ကွဲသည့်လူသားနှစ်ဦး အတူနေကြတာမို့
အသိစိတ်ကို ထိန်းချုပ်ရခက်သည့်ဘယ်အရာကိုမှ
သူ့အနေနှင့် အကဲမစမ်းမိအောင်နေထိုင်ခဲ့ပါသည် .. ။
ပတ်ဝန်းကျင်မှာလည်း အမြင်မတင့်သလို
သူကိုယ်တိုင်သည်လည်း သတိထားရှောင်ကျဥ်ရသည်။
သူ့ကြောင့်နဲ့ ဋီကာလေးကိုမထိခိုက်စေလိုပါ ။
မဖြစ်မနေသောက်ရမည့်ပွဲတွေရှိလာလျှင်လည်း
အဲ့ဒီညကိုတော့ အပြင်မှာဘဲအိပ်ဖြစ်တာများပါသည် ။
လူသစ်နေအိမ်မပြန်သည့်ညတွေဆိုလျှင်
အိမ်မှာဋီကာလေးနှင့် အဖော်သွားအိပ်ပေးဖို့
နေရည်ယွန်းကို အကူအညီတောင်းရလေသည် ။
လူသစ်နေသည်
ဘဝ,ကို ဤသို့ဖြတ်သန်းခဲ့ပါသည် ။
သူ့ဘဝ,တလျှောက်လုံးသည်
ဋီကာလေးကိုအကာအကွယ်ပေးဖို့သာဖြစ်၏ ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
