🌱
" ဋီကာ့မှာ ချစ်သူရှိနေတာလားနေရည်
ဘယ်သူလဲ ဋီကာ့ချစ်သူက ဘယ်သူတဲ့လဲ .."
" ဘယ်သူရယ်လို့တော့ မေးလို့မရသေးဘူးကိုသစ်
ဒါပေမယ့် ဋီကာ့မှာ ချစ်တတ်တဲ့စိတ်လေးတော့ရှိနေပြီ
သူ ဘယ်သူ့ကိုချစ်နေသလဲဆိုတာ မေးလို့မရပေမယ့်လို့
သူချစ်တဲ့လူက သူ့ကိုပြန်မချစ်တာလဲ ဖြစ်နိုင်တယ် .. "
" ဘယ်လို .."
သူ နားမရှင်းသလိုပင်ဖြစ်သွားရသည် ။
သေသေချာချာတွေးကြည့်လိုက်တော့
ဋီကာလေးချစ်နေတဲ့သူက ဋီကာလေးကိုမချစ်ဘူး ။
ဒါဆိုရင် ဋီကာလေးချစ်နေတာဘယ်သူများလဲ ။
ကောင်းစည်သူ ။
ဒါကတော့ မဖြစ်နိုင်ဘူးလို့ထင်သည် ။
ကောင်းစည်သူက
ဋီကာ့ကိုချစ်သည်ဟု ဖွင့်ပြောထားဖူးသည် ။
" ဋီကာက အရမ်းငိုနေတယ်ကိုသစ်
နောက်ပြီးတော့ နေရည့်ကိုလည်းမေးတယ်
လူတယောက်ကိုချစ်ရင် အဲ့ဒီလူကိုယ့်ကို ပြန်ချစ်လာအောင်
ဘယ်လိုအပြုအမူတွေ ဒါမှမဟုတ် ဘယ်လိုပုံစံမျိုးနဲ့
ပြန်ချစ်လာအောင်ကြိုးစားသင့်သလဲတဲ့ .."
" ................. "
" အချစ်ဆိုတာ ကိုယ်ဖြစ်စေချင်သလို
ဖြောင့်ဖြောင့်ဖြူးဖြူးသွားတာမျိုးမှမဟုတ်တာကိုသစ်ရယ်
နေရည်ကိုယ်တိုင်လည်း သူ့ကိုဘာမှနှစ်သိမ့်မပေးနိုင်ခဲ့ဘူး
မချစ်ပါနဲ့လို့လဲမတားရက်ဘူးလေ နေရည်ကိုယ်ချင်းစာတယ်
မဖြစ်နိုင်တဲ့အချစ်ကို မျှော်လင့်တောင့်တ,မိရင် အဲ့ဒီအတွက်
နာကျင်ခံစားရမယ့်ဝေဒနာတွေက သေးမှမသေးဘဲနော် "
" ................. "
သူ ဘာစကားမှမဆိုဖြစ်သေးဘဲ
နေရည့်မျက်နှာကိုသာ ငေးစိုက်ကြည့်နေမိသည် ။
နေရည်သည်လည်း သူ့မျက်နှာကိုကြည့်ကာ
စကားတွေကို ပြတ်ပြတ်သားသားတခွန်းချင်းပြောနေသည်။
" ဋီကာ့နှလုံးသားလေးက နုနယ်ပါသေးတယ်
အချစ်ဦးဖြစ်မယ့်သူရဲ့ ဥပေက္ခာဆန်မှုတွေကိုတော့
ဋီကာလေးကိုမခံစားစေချင်တာအမှန်ဘဲ ..."
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
