🌱
" ဒီဆေးလေးနှစ်ပြားသောက်လိုက်နော်
ဘာစားထားသေးလဲ သူ့ကိုဘာကျွေးထားသေးလဲအန်တီ "
" ဘာမှမစားဘူးဒေါက်တာ
ကျမလည်း ဘာကျွေးရမှန်းမသိဖြစ်နေတာ "
" ဘာမှမစားရသေးဘူးလို့ပြောတာဋီကာ "
ကိုဖေရင်းအမျိုးသမီးရဲ့စကားကို
သေသေချာချာနားမလည်သည့်ဋီကာ့ကို
ကိုကိုက ကြားမှစကားပြန်လုပ်ပေးလေသည် ။
ကိုဖေရင်း၏အမျိုးသမီးက
ကချင်လူမျိုးစစ်စစ်ဖြစ်ပြီး ဗမာစကားပြောတတ်ပေမယ့်
ပီသမှုမရှိသည့်အဖြတ်အတောက် အသုံးအနှုန်းတွေကြောင့်
ဋီကာ့မှာ ယောင်တောင်တောင်လေး ဖြစ်နေရသည်။
ကိုကိုကတော့ ထိုကဲ့သို့အကွဲအပြားလောက်ကို
ကောင်းကောင်းနားလည်နေသူမို့ အဆင်ပြေနေသည် ။
လူနာအတွက်လိုအပ်သည်များကို
အသေးစိပ်ပြောပြရင်း ဆေးတချို့ကိုပေးလိုက်သည် ။
ကိုဖေရင်းက သူ့အမျိုးသမီးစကားကို
ဋီကာနားမလည်မှန်းသိတာမို့ သူ့အမျိုးသမီးကိုယ်စား
သူကိုယ်တိုင်ဘဲ ဝင်ရောက်မေးမြန်းပေးလေသည် ။
" မနေ့က ဆာဖြယ်တွေအများကြီးစားလိုက်လို့ဖြစ်မယ် "
ဆာဖြယ်ဆိုတာကို ကြားသာကြားဖူးပေမယ့်
အသေအချာမစားဖူးသည့်ဋီကာက ကိုကို့ကိုလှမ်းကြည့်မိသည်။
" ဆာဖြယ်ဆိုတာ အသုတ်တမျိုးပဲဋီကာရဲ့
ဆာဖြယ်တို့ ဆာခုံတို့လေ မစားဖူးဘူးမို့လား "
" ဟုတ် စားတော့စားဖူးတယ်ကိုကိုရဲ့
ရန်ကုန်မှာတုန်းက ကော့ဒါတခါလုပ်ကျွေးလို့လေ
ဒါပေမယ့် ပါဝင်ပစ္စည်းအပြည့်အစုံမရလို့ စားမကောင်းဘူး "
" ဟုတ်တယ်ဋီကာရဲ့
သူက ပစ္စည်းအစုံထည့်မှ စားလို့ကောင်းတာ
ငါးညှီရွက်နဲ့ ကျူးဆိုင်ကတော့ ရန်ကုန်မှာရှားမယ်ထင်တယ် "
ကိုဖေရင်းက ဝင်ပြောတော့
ဋီကာက ခေါင်းလေးညိမ့်ပြမိသည် ။
ကိုဖေရင်း၏ဇနီးကတော့
ဋီကာတို့ပြောနေသည်များကို
အပြုံးလေးဖြင့်သာ ကြည့်နေလေသည် ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
