🌱
" ဋီကာ .."
" လင်း .. လင်းသတိရလာပြီ .."
" သား .. "
" မောင်လေး .."
လင်းမြတ်က သတိရလာသည်နှင့်
ဋီကာ့နာမည်လေးကိုသာ ရေရွတ်လေသည် ။
အကြည့်တွေကလည်း ဋီကာ့ထံမှာသာရှိနေသည် ။
အမေနဲ့အစ်မက
ဘေးနားမှာခွန်အားဖြစ်ပေးဖို့ ရှိနေကြပေမယ့်
လင်းမြတ်ကတော့ ဋီကာ့လက်ကိုသာ ဆွဲထားသည်။
ထိုအဖြစ်အပျက်တွေကိုတော့
လူသစ်နေ နောက်နားဆီမှ မြင်တွေ့နေရတာမို့
သက်ပြင်းမောကိုသာ ခပ်ဖွဖွချမိတော့သည် ။
တစုံတယောက်အတွက် တစုံတယောက်က
အဆင်သင့်ရှိမနေနိုင်သည့် အခါမျိုးတွေမှာ
ဘယ်လောက်ထိ နာကျင်ခံစားရသလဲဆိုတာကို
လူသစ်နေ ကိုယ်ချင်းစာနိုင်ပါသည် ...။
သူ့ဘဝရဲ့ နာကျင်ချိန်တွေက
ကုန်လွန်ခဲ့ပြီထင်ရပေမယ့် လင်းမြတ်အတွက်တော့
အခုမှ ရောက်ရှိလာတော့မယ်ဆိုတာ သိနိုင်ပါ့မလား ။
ဋီကာရယ် ။
မင်းအတွက် ခက်ခဲမယ်ဆိုတာသိပေမယ့် ..။
ကိုကို့အနေနဲ့ မတရားသဖြင့်လုပ်မိနေတယ်ဆိုပေမယ့် ။
ဒါတွေက ဋီကာလေးကိုသိပ်ချစ်လို့ပါ ။
ကိုကို့ရဲ့ဋီကာလေးကို အဆုံးရှုံးမခံနိုင်တော့လို့ပါ ..။
" .............. "
" သားဆေးရုံကဆင်းရင်တော့
မာမီတို့နဲ့ဘဲ လိုက်နေပါသမီးရယ် နော်
သားကိုပြုစုဖို့အတွက်ခေါ်တာမျိုးမဟုတ်ပါဘူး
သားလေးက သမီးကိုမျက်စိအောက်ကအပျောက်မခံဘူး
အခုချိန်သားရဲ့စိတ်ကို အားဖြည့်ပေးနိုင်တဲ့သူက သမီးဘဲ
သားက သမီးလေးရှိရင် ဆေးတိုက်ရတာလဲ လွယ်တယ်
သမီးမရှိရင် စိတ်တိုစိတ်ကောက်ဖြစ်နေတာသမီးရဲ့ ..."
လင်းရဲ့မာမီပြောတာလည်းမှန်ပါသည် ။
လင်းက သတိရလာပြီးကတည်းက
ဋီကာ့ကိုအပျောက်မခံဘဲ အမြဲမေးနေတတ်သည် ။
စိုးရိမ်သည့်မျက်ဝန်းတွေနဲ့လည်း အမြဲကြည့်တတ်သည် ။
ဋီကာလည်း လူနာတွေကိုအလှည့်ကျကြည့်ရ
အားသည်နှင့် လင်းအနားမှာဘဲ အချိန်ကုန်ရနဲ့
ကိုကို့ဆီတောင် မရောက်ဖြစ်တာကြာသွားသည် ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
