🌱
ပူတာအိုရဲ့ မနက်ခင်းကတော့
ဆောင်းရာသီအဦးရဲ့ထုံးစံအတိုင်းပါပဲ ။
မြူနှင်းများနဲ့ ပိတ်ပိန်းထူထပ်ကာ အေးစိမ့်နေသည်။
ဋီကာလေးနဲ့အတူ ဟိုတယ်မှ စက်ဘီးတယောက်တစီးဖြင့်
ထွက်ခဲ့ကြပြီး ဈေးသို့ရောက်ချိန်မှာတော့ ပူတာအိုဈေးသည်
လူစည်ကားလျှက်ရှိလေသည် ။
လူသွားလူလာတွေနှင့်မို့
စက်ဘီးကိုတွန်းပြီး လမ်းလျှောက်ကြစဥ်
ဈေးသည်များက အပြိုင်အဆိုင်ဈေးခေါ်နေကြသည် ။
" အကို ဝယ်သွားပါဦး အသီးတွေလတ်ဆတ်တယ်နော "
" ဘုရင်သီးလေအကို အားပေးပါဦး "
" ဆတ်သားစစ်စစ်တွေလည်းရတယ်နော်အကို "
" .................."
ဈေးသည်တွေ၏ ဈေးခေါ်သံတို့နှင့်အတူ
လူသစ်နေသည်လည်း အပြုံးဖြင့်သာတုန့်ပြန်မိသည် ။
အနွေးထည်အိပ်ကပ်အတွင်းကို
လက်တဖက်ထိုးထည့်ကာ အနွေးဓာတ်ကိုရယူနေသော်ငြား
အေးစိမ့်လို့သာနေသည်။
တိုက်ခတ်လာသော နှင်းဆမ်းသည့်လေနုအေးတို့သည်
နှာသီးဖျားဝဆီမှာ ခပ်စိမ့်စိမ့်လေး ကျီဆယ်နေလေသည် ။
အနွေးထည်အင်္ကျီနှင့်ဆက်လျှက်ပါသည့်ခေါင်းစွပ်ကိုသာ
တထပ်ထဲဆောင်းထားသည်မို့ နားရွက်ဖျားတို့မှာ ကျင်ခဲနေ၏။
ပါးစပ်ကိုအနည်းဟ,ကာ
လေတို့ကိုမှုတ်ထုတ်လိုက်တိုင်းမှာတော့
အဖြူရောင်အခိုးအငွေ့တို့ကို မြင်နေရလေသည် ။
" ကိုကို အရမ်းအေးနေလို့လား "
" ဟင် .. အင်း သိပ်တော့မအေးပါဘူးဋီကာရဲ့ "
" ကိုကို့နားရွက်ဖျားတွေနီနေပြီ "
" ဟုတ်လား .. ဋီကာလေးရော မချမ်းဘူးလား "
" ချမ်းတော့ချမ်းတယ် ဒါပေမယ့်
အဲ့ဒီအရသာကို ဋီကာကတော့ ကြိုက်တယ် "
အင်္ကျီသုံးလေးထပ် ထပ်ဝတ်ထားသည့်ဋီကာလေးက
ခေါင်းစွပ်ကိုလည်း နားရွက်လေးတွေ ဖုံးအုပ်သည်အထိ
လုံလုံခြုံခြုံလေးဆောင်းထားသည်မို့ အအေးဒါဏ်ကိုတော့
သူ့လောက်မခံစားရဘူးဆိုတာ မျက်နှာလေးကြည့်ရုံနှင့်သိပါသည်။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
