🌱
" ဘယ်လိုဖြစ်တာလဲဆရာရယ်
ကျနော်ဖြင့် ကြားသာကြားခဲ့ရတယ်
ဘယ်လိုမှမယုံနိုင်လို့ အခုလိုဆရာ့ဆီကို
ဖုန်းဆက်လိုက်ရတာဘဲ တကယ်လားဆရာ
ဆရာတကယ်ဘဲ ဆရာ့ညီမလေးကိုခေါ်သွားတာလား "
တဖက်မှသီဟရဲ့မယုံနိုင်သည့်စကားတွေကို
ဖုန်းထဲမှတဆင့်နားထောင်နေရင်း လူသစ်နေမှာ
ပြုံးနေမိတော့သည် ။
မြစ်ကြီးနားကိုရောက်သည့် နောက်တမနက်မှာဘဲ
သီဟထံမှ ယခုလိုစကားမျိုးကို ကြားရခြင်းဖြစ်သည် ..။
အလျှင်စလို ထွက်လာခဲ့သည့်ဒီခရီးဟာ
စီစဥ်ပြီးသားဖြစ်လင့်ကစား ဋီကာလေးပါလာသည်ကတော့
သူ့ပတ်ဝန်းကျင်မှာ အထူးအဆန်းတရပ်ပင် ဖြစ်သွားခဲ့သည်။
အထူးတလည် ဖုံးကွယ်ထားဖို့မရည်ရွယ်တော့ပေမယ့်
ခရေစေ့တွင်းကျ လိုက်ရှင်းပြဖို့ရာလည်း စိတ်ကူးမရှိပေ။
ပတ်ဝန်းကျင်သည် သူတို့အလုပ်သူတို့လုပ်သလို
လူသစ်နေသည်လည်း ကိုယ်လုပ်စရာရှိတာကိုသာ
ရည်ရွယ်ချက်မပျက် လုပ်ဆောင်ခဲ့ခြင်းဖြစ်လေသည် ။
အခုတော့ ဋီကာလေးသည်
သူ့ဘဝ,သူ့ကမ္ဘာ ဖြစ်လာခဲ့လေသည် ။
ထို့ကြောင့်မို့
သီဟရဲ့အမေးစကားအားလုံးကို
အမှန်အတိုင်းသာ ပြောပြဖို့ရည်ရွယ်လိုက်သည် ။
" ဟုတ်တယ်သီဟ
ကိုယ် ကိုယ့်ညီမလေးကိုခေါ်လာခဲ့တာ
အဲ့ဒီမှာရော ဘာသတင်းတွေထွက်နေလို့လဲ , .."
" အစုံပါဘဲဆရာရယ်
ဆရာတို့ရပ်ကွက်ထဲမှာလည်း
ဆရာတို့သတင်းက တော်တော်လေးပျံ့နေတယ်
ဆရာ့ညီမလေးက လာမယ့်ဆန်းဒေးမှာလက်ထပ်တော့မှာဆို
အခုတော့ အားလုံးက ဆရာ့ကိုဘဲဝိုင်းအပြစ်တင်နေကြတယ် "
" မင်းကရော .."
" ဗျာ "
လူသစ်နေ၏မေးခွန်းကြောင့် သီဟ,က
အာမေဋိတ်သံပြုကာ တိတ်ဆိတ်သွားလေသည် ။
" မင်းကရော ကိုယ့်ကိုဘယ်လိုမြင်လဲသီဟ,
မင်းအမြင်မှာရော ကိုယ်က ဘယ်လိုလူဖြစ်နေလဲ .."
" အမှန်အတိုင်းပြောရရင်တော့
ပထမ ကြားကြားချင်း မယုံနိုင်ခဲ့ဘူးဆရာ
ဆရာ့လိုလူတယောက်က ဒီလိုဆိုတာကိုပေါ့
ဒါပေမယ့် ကျနော်နဲ့သိကျွမ်းခင်မင်ခဲ့တဲ့ ဆရာက
ဘယ်လိုလူမျိုးလည်းဆိုတာကို ကောင်းကောင်းကြီး
သိနေခဲ့တဲ့ ကျနော့်အတွက်ကတော့ သူများတွေလိုမျိုး
အများကြီးမအံ့သြမိတော့ပါဘူး ဘာဖြစ်လို့လဲဆိုတော့
ဆရာ့မျက်လုံးတွေထဲက အဆွေးရိပ်တွေအကြောင်းကို
ကျနော်က သိချင်နေခဲ့တာလေဆရာရယ် .. ဒါပေမယ့်
ဆရာ့ရဲ့နှလုံးသားက ဆရာ့ရဲ့ညီမလေးဖြစ်နေတယ်ဆိုရင်
ကျနော် ဆရာ့ကိုအပြစ်မတင်ချင်ပါဘူး ဆရာမှန်တယ်.. "
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
