🌱
" လှလိုက်တာကိုကိုရာ .. ဟိုမှာကြည့်ပါဦး
နေဝင်ခါနီးအလှက ဘာနဲ့မှမတူဘူးနော်ကိုကို.. "
တောင်ရိပ်တောင်ဖျားတို့ဆီမှ
ပုန်းဝင်ပျောက်ကွယ်တော့မယ့်နေဝန်းနီနီဟာ
ကွယ်ပျောက်ခါနီးမှ ပိုပြီး သက်ဝင်လှပနေလေသည်။
ကျယ်ပျောလှသည့်မနောကွင်းကြီးထဲမှာ
တယောက်နဲ့တယောက် လက်ချင်းတွဲကာ
လမ်းလျှောက်ရသည့်အရသာက ဘာနဲ့မှမတူပေ ။
အနားမှာ ကိုကိုရှိနေသည်ဆိုတဲ့အသိက
ဋီကာ့ရဲ့ စိတ်နဲ့ကိုယ် နှစ်ရပ်လုံးကို လုံခြုံစိတ်ချစေပါသည် ။
ကိုကိုက လည်ကပ်ဆွယ်တာခဲရောင်ကိုဝတ်ထားပြီး
အနက်ရောင်ဘောင်းဘီရှည်နှင့်မို့ ကြည့်ရတာပိုပြီးသန့်နေသည်။
ခပ်တိုတိုညှပ်ထားသည့်ဆံပင်တွေကို
သပ်သပ်ရပ်ရပ်နဲ့ ဘေးသို့ခွဲထားသည်မို့
ဘယ်အရပ်မှကြည့်ကြည့် ကိုကို့ပုံရိပ်က ထင်းနေသည်။
အနည်းငယ်ပိန်သွယ်ချင်သည်မို့
ရှည်ကိုင်းကိုင်းဖြစ်နေသည့်ကိုကို့အရပ်က
ဋီကာနဲ့ယှဥ်လိုက်ရင် ဦးခေါင်းတလုံးစာမျှမြင့်မားနေသည်။
အနီးကပ်ရှိရတိုင်းမှာ
ကိုကို့မျက်နှာကိုမော့ကြည့်ရတာလည်းရင်ခုန်မှုတမျိုးပါဘဲ ။
" ဒီview က ဓာတ်ပုံရိုက်လို့လှတယ်
ဋီကာလေးသွားလိုက် ကိုကိုရိုက်ပေးမယ်, .."
" ကိုကိုနဲ့အတူတူရိုက်ချင်တာ .."
" ပြီးရင်ရိုက်ကြမယ်လေ
အခုက ဋီကာလေးတယောက်ထဲရိုက်လိုက် .."
" လှလှလေးနော်ကိုကို .."
" ကိုကို့ရဲ့ဋီကာလေးက လှပြီးသားပါကွာ .."
" ဟီး .. ကိုကိုက အရမ်းတော်တာဘဲ .."
ကလေးလေးတယောက်လို
လွတ်လပ်ပေါ့ပါးနေသည့် ဋီကာလေးရဲ့လှုပ်ရှားမှုတွေကို
မျက်တောင်မခတ်လိုက်ကြည့်နေသည့်လူသစ်နေမှာတော့
ဋီကာလေးရဲ့ အရိပ်အငွေ့လေးတွေကအစ,လှနေတော့သည်။
ဂျင်းဘောင်းဘီရှည်လေးနဲ့
ဂျင်းဂျက်ကပ်လေးကိုလည်း ထပ်ဝတ်ထားသည်မို့
ပုခုံးအတိရွှေအိုအောင်ဆံပင်လေးတွေရဲ့ပိုင်ရှင်လေးဟာ
ဘာဂုဏ်ပုဒ်တွေမှမရှိတော့တဲ့ ကလေးငယ်လေးလိုပါဘဲ ။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
