🌱
နှလုံးသားတွေနာကျင်လွန်းလှသလို
ခန္ဓာကိုယ်သည်လည်း မတ်မတ်မရပ်နိုင်လောက်အောင်
လူသစ်နေ၏ စိတ်နဲ့ကိုယ်ဟာ အလဲလဲအပြိုပြိုဖြစ်နေသည်။
ခြေလှမ်းတွေရှေ့ဆက်နိုင်ဖို့က
ဒီအချိန်မှာ တကယ်ကိုခက်ခဲပင်ပန်းလွန်းနေသည် ။
လင်းမြတ်ပြောသည့်ကွန်ဒိုအောက်ကို ရောက်နေပေမယ့်
အပေါ်အထိတက်သွားဖို့အတွက် ဆုံးဖြတ်ရခက်နေသည်။
ဋီကာလေးက တကယ်ဘဲ လင်းမြတ်နဲ့အတူရှိနေတာလား ။
အကယ်၍ အတူတူရှိနေပြီဆိုတာ သေချာရင်ရော ။
သူ့အနေနဲ့ ဘယ်လိုမျိုးတုန့်ပြန်သင့်သလဲ ။
သူအနေနဲ့က ဘာဖြစ်ဖြစ်ကိစ္စမရှိပေမယ့်
ဋီကာလေးတယောက် ဘယ်လိုများရှိနေမလဲ ။
အဆင်မှပြေနိုင်ပါ့မလား ။
အတင်းအကြပ် အနိုင်ကျင့်ခံနေရပြီလား ။
ဒီနေရာအထိ
ဋီကာဟာ သူ့စိတ်သဘောနဲ့သူ လိုက်လာခဲ့သလား ။
ဒါမှမဟုတ် လင်းမြတ်ရဲ့
ဘယ်လိုပရိယယ်တွေကြောင့် ရောက်လာခဲ့ရသလဲ ။
ယောကျ်ားတွေမာယာများပြီဆိုရင်
မိန်းမတွေရဲ့သဲကိုးဖြာတောင် လိုက်မမှီဘူးဆိုတာကို
ကိုကို့ရဲ့ဋီကာလေး သိမှသိပါလေစ, ။
ဋီကာရယ် ။
" ................... "
အချိန်ဆွဲနေလို့လည်း
ပြီးသွားမယ့်အခြေအနေမဟုတ်တာမို့
ကြုံလာသမျှကိစ္စအားလုံးကို ရင်ဆိုင်ဖို့အတွက်
လူသစ်နေသည် ကားပေါ်မှ ခပ်မြန်မြန်ဘဲဆင်းလိုက်သည် ။
ထိုအချိန်မှာဘဲ သူရပ်ထားသည့်ကားနားသို့
ကားတစီးက ကွေ့ဝိုက်ကာ ပါကင်ထိုးရပ်လာသည် ။
မျက်နှာကိုလာစူးသည့်မီးရောင်ကြောင့်
လက်တဖက်မြှောက်ကာ ကာကွယ်လိုက်ရင်း
လှေကားဆီသွားမည့်ခြေလှမ်းတွေက ထိုကားထဲမှ
ဆင်းလာသည့်လူကြောင့် ရပ်တန့်သွားရသည် ။
" ဟာ .. မောင်လူသစ် ..."
" အန်ကယ်လ် .."
လုံးဝထင်မှတ်မထားသည့်ဒီအချိန်မှာ
ဦးကျော်သက်လင်းကို ဒီနေရာမှာတွေ့လိုက်ရတာကြောင့်
လူသစ်နေသည် မျက်လုံးတွေကိုဖိမှိတ်ချလိုက်မိတော့သည်။
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
