🌱
" သား လူသစ်ရေ
ခြံရှေ့မှာ မောင်လင်းမြတ်မိဘတွေရောက်နေတယ်, .."
" ဗျာ ..."
" ကြီးကြီး တံခါးဖွင့်ပေးလိုက်ရမလားသား, .."
ကြီးကြီးမိုးကို အဖြေပြန်မပေးနိုင်ခင်
လူသစ်နေမှာ ဋီကာလေးကိုကြည့်လိုက်မိသည် ။
ဋီကာလေးကတော့ သူ့ကိုမကြည့်ဘဲ
မျက်နှာလေးကိုခပ်လွှဲလွှဲလုပ်ထားလေသည် ။
သူ့အခန်းထဲက ကုတင်ပေါ်မှာထိုင်နေသည့်ဋီကာလေးက
သူခေါ်လာသည့်အချိန်ကတည်းက အခုမိုးလင်းသည်အထိ
တမှေးမှမအိပ်ဘဲ မျက်ရည်တွေသာ တွင်တွင်ကျနေသည် ။
မျက်နှာနုနုလေးတခုလုံး နီရဲမို့အင့်နေပြီး
ခြေဖျားလက်ဖျားလေးတွေက အေးစက်နေသည် .. ။
ဒီကလေးလေးကို
ဒီလိုမြင်နေရသည့်လူသစ်နေမှာတော့
ရင်ဘတ်တွေအစိပ်စိပ်အမွှာမွှာကွဲရပါသည် ။
သူ မြတ်နိုးစွာတန်ဖိုးထားခဲ့ရသည့်မိန်းကလေးကို
တခြားလူတယောက်က နာကျင်စေခဲ့တာကိုတော့ဖြင့်
သူ့အတွက်ကတော့ ခွင့်မလွှတ်နိုင်သည့်ကိစ္စဘဲဖြစ်သည် ။
" ကြီးကြီးမိုး .."
" ဟေ .. သား ပြောလေ ..."
" အိမ်ထဲကို ဘယ်သူ့မှပေးမဝင်ပါနဲ့
ကျနော်တို့ကိုမေးရင် အိမ်မှာမရှိဘူးလို့ဘဲပြောပေးပါ .."
" ဟေ ..."
လူသစ်နေရဲ့စကားကြောင့်
အခန်းအပြင်မှ ကြီးကြီးမိုးရဲ့ အာမေဋိတ်သံကိုကြားရပြီး
မျက်နှာလွှဲထားသည့်ဋီကာလေးကလည်း သူ့ကိုကြည့်လာသည်။
" ကျနော်ပြောသလိုလုပ်ပေးနိုင်မလားကြီးကြီး .."
" အော် .. အေးအေး .. စိတ်ချသား စိတ်ချ .."
ကြီးကြီးမိုးအခန်းရှေ့မှထွက်သွားသံကြားမှ
လူသစ်နေလည်း ဋီကာလေးရဲ့လက်ဖဝါးလေးကိုဆွဲကာ
ပါးပြင်ပေါ်မှမျက်ရည်တွေကို ကြင်နာစွာသုတ်ပေးလိုက်သည်။
" ဋီကာလေး .."
" ဋီကာ ဘယ်သူနဲ့မှမတွေ့ချင်ဘူးကိုကို .."
YOU ARE READING
ပန်းပျိုးလက် 🌱
Romanceကိုကိုက မင်းရဲ့ရေသောက်မြစ်လေးပါဋီကာ မင်းဘဝလေးသာ စိုပြေစိမ်းလန်းရမယ်ဆိုရင်ဖြင့် ငရဲပြည်အထိလဲ ထိုးဖောက်ဆင်းသွားရဲပါရဲ့ဋီကာရယ် 🥀 #လူသစ်နေ ( ပန်းပွင့်မချိုး ပန်းပင်ပျိုး မြတ်နိုးသူသာ ပန်ထိုက်စေ ) 🥀 ကိုကိုက မင္းရဲ႕ေရေသာက္ျမစ္ေလးပါဋီကာ မင္းဘဝေလးသာ စ...
