(Extreme Wifey Episode)
လေးနှစ်ကြာပြီးနောက်...
"အားလုံးပဲ မင်္ဂလာပါ။ အခုဆိုရင် 'Chatting with Celebs' အစီအစဉ် တင်ဆက်ချိန် ကျရောက်လို့ လာပါပြီ။ ကျွန်တော်တို့ ပြောခဲ့သလိုပါပဲ။ ဒီနေ့ကတော့ ခုတလော နာမည်ကျော်နေတဲ့ ဒါရိုက်တာကို ကျွန်တော်တို့ အင်တာဗျူးမှာ ဖြစ်ပါတယ်။ အခုချိန်မှာ လူတိုင်းလိုလို ဒီနာမည်ကြီးနေတဲ့ 'Love Shook Up' ဆိုတဲ့ ဇာတ်ကားကို ကြားဖူးကြမယ် ထင်ပါတယ်။ အဲဒီတော့ ကျွန်တော်တို့ရဲ့ Khai Khunpol Krichpirom ကို ကြိုဆိုလိုက်ကြရအောင်"
"မင်္ဂလာပါ"
"ဟာ.. အရည်အချင်း ရှိရုံတင် မဟုတ်ဘူး ရုပ်လေးကလည်း ချောတယ်နော်"
"မြှောက်နေပြန်ပါပြီ"
"ဒီနေ့တော့ ဒီဇာတ်ကားလေးရဲ့ ပရိသတ်တွေရော ကြည့်ရှုသူတွေကပါ ပေးပို့ထားတဲ့ မေးခွန်းလေးတွေ ရှိပါတယ်။ မေးခွန်း ကောင်းကောင်းလေးတွေကိုလည်း ကျွန်တော်တို့ရဲ့ staff တွေက ရွေးချယ်ပေးထားပါတယ်။ ဒီနေ့ Khai က အားလုံးကို အမှန်ဆုံး ဖြေပေးမှာမို့ အဆင်သင့်ဖြစ်ရင် စလိုက်ကြရအောင်"
ကိုယ့်ကိုယ်ကိုယ် မိတ်ဆက်ပြီး ပညာရေးနောက်ခံလေး ပြောပြပါ။
မင်္ဂလာပါ။ ကျွန်တော်ကတော့ Khai Khunpol Krichpirom ပါ။ ကျွန်တော် အနုပညာဌာန ရုပ်ရှင်မေဂျာနဲ့ ဘွဲ့ရထားပါတယ်။ အသက်ကတော့ ၂၆ နှစ် ရှိပါပြီ။
ဘယ်ဇာတ်ကားတွေ ရိုက်ခဲ့သေးလဲ။
ကျောင်းတုန်းကတော့ ကျွန်တော့်သူငယ်ချင်းတွေနဲ့အတူ 'Friends... Train... Rain...' ရယ် 'Platform Long for Love' ရယ် ရိုက်ခဲ့ပါတယ်။ ဘွဲ့ရပြီးတဲ့နောက် ကျွန်တော့်ရဲ့ ပထမဆုံးအလုပ်က 'Lost: I'm fine if you're gone' ဆိုတဲ့ ဝက်ခြံလိမ်းဆေးကြော်ငြာပါ။ အဲဒါပြီးတော့ ကျွန်တော် နာမည်ကြီး အဆိုတော်တွေ ဖြစ်တဲ့ Room 25, Scrapp, Tomato နဲ့ Oam from Alcoh သူတို့ရဲ့ music video တွေ ရိုက်ခဲ့ပါတယ်။ ကျွန်တော် ရိုက်ခဲ့တဲ့ music video တွေ များလွန်းလို့ အချိန် သုံးရက် ပေးတောင် ပြောကုန်မယ် မထင်ပါဘူး။ ပြီးတော့ ကျွန်တော် ပထမဆုံး ရိုက်ခဲ့တဲ့ ဇာတ်ကားကတော့ အခု ထွက်ရှိနေတဲ့ 'Love Shook Up' ပါ။
ဒီဇာတ်ကားက ဒီ box office မှာ ကြည့်ရှုသူ hundred millions ကျော်မယ် ဆိုပြီး မှန်းခဲ့ဖူးလား။
YOU ARE READING
Theory of Love (Official Myanmar Translation)
Romance-BOTH ZAWGYI/ UNICODE Available- Official Myanmar Translation Novel of Jittirain by Calico Published by Shwe Luck Book House Translation Start Date - 20/12/2018 Translation End Date - 12/4/2019
