မရှိမဖြစ် မင်း

Part 15

စက္ကန့်ပိုင်းလေး ၊တစ်ကယ့်ကိုစက္ကန့် ပိုင်းလေးတင်
သူမ ၏ အငွေ့အသက်လေး အား နီးနီးကပ်ကပ်
ခံစားလိုက်ရသည်။

" ဖြောင်း"

ပါးပြင်ပေါ်သို့လက်၀ါးဟာ ဖြောင်းခနဲ။ ပါးတစ်ဖက်
ဟာ အနည်းငယ်ပူထူသွားပေမယ့် ထိုအခိုက်အတန့်
လေးက တန်ပါတယ်။

"ရိုက်ပါဦး ဂျိန်း ထပ်ရိုက်လိုက်စမ်းပါဦး . .
ဂျိန်း ရိုက်သမျှကိုယ် ခံပါ့မယ် တန်ပါတယ်"

ပါးတစ်ဖက်အား သူမ ထံထပ် ထိုးပေးလိုက်သည်။
သူမ လက်ဖ၀ါးနုနုကလေးများဖြင့် ဘန့်၏ပါးပြင်
အားထိတွေ့မည်ဆိုလျှင် အရိုက်ခံရသော်ငြား
လည်း ဘန် ကျေနပ်သည်။

" ရှင် ရှင်. ."

မျက်ထောက်နီနီများဖြင့် ဘန့်အားစိုက်ကြည့်
နေသော ​သူမ ။ သူမ၏မျက်၀န်းထဲမှ ဒေါသရိပ်
တို့ကို ဘန် မြင်ရသည့်အခါ ရင်ဘက်ထဲက ဆစ်ခနဲ
နာကျင်သွားသည်။

" ရှင့် ကိိုဒီလောက်ထိအောက်တန်းကျလိမ့်မယ်
လို့ထင်မထားဘူး . "

"အောက်တန်းကျတယ်ပြောလည်းခံရမှာပါပဲ
ကိုယ် က မင်းလို သွေးအေးတဲ့မိန်းမ တစ်ယောက်
ကိုမှချစ်မိနေတော့လေ"

"ဟုတ်တယ်ကျွန်မ ကသွေးအေးတယ်
ဒါတင်မကသေးဘူး အဆိပ်လည်းပြင်းတယ်
အရင်ကတော့ ရှင်က ကျွန်မဆရာရဲ့ သားမလို့
အလိုက်အထိုက်ဆက်ဆံပြီး နေပေးခဲ့တာ
ခုတော့ ရှင့်ကိုကျွန်မ ရွံတယ်
ဒီနေရာကနေ ချက်ချင်းထွက်သွားပါ"

"ဘာဖြစ်လို့အဲ့ဒီလောက်တောင်ခါးသီးနေရတာ
လည်း ဂျိန်း၊ မင်းကိုယ့်ကို မမုန်းပါဘူး ကိုယ်
သိတယ်"

"ကျွန်မ အသားကိုအခုအချိန် အထိ ဘယ် သူစိမ်းမှ
လက်လွတ်စပယ်မထိဖူးဘူး . .ရှင်
မှားသွားပြီမာနိုဘန် ကျွန်မကိုအခူလိုလာမကြောနဲ့"

"ဂျိန်း ကိုယ် မင်းအချစ်ကိုလိုချင်ရုံလေးပါ
ကိုယ်ခံစားချက်တွေ မထိန်းချုပ်နိုင်လိုက်ပဲ ဖြစ်
သွားတာ ကိုယ်တောင်းပန်ပါတယ်ကွာနော်"

သူမ လက်ကို ကိုင်မည်ကြံရွယ်တော့ သူမက နောက်
သို့ခြေလှမ်းဆုတ်သွားသည်။