الطباع ضِباع
"البارت التاني والعشرون"
بَـــــــــعض الحَقائِق مِن الافضَل أنْ تَبقي مسجُونه فِي القلــــــــــب 🫀
شهقه عالية طلعت من جواهر خلت من ياسين يقرن حواجبه سائل بقلق :شنو
فتحت جواهر فمها واخده نفسها بدموع سالو علي خدودها بـ مسمع مع جود لـ كملت بـ عصبيه باكيه فاقده لـ اعصابها لنتلفت : الـ ـولد في خـ ـطر ، يمـ يمـ ـكن يموت فـ ـي أي ، أي لحظه ، شنـ ـو فيه باللـ ـهي عليك ، بالـ ـلهي عليك قوليـ ـلي شنو فيـ ـه ، شنو مدايـ ـرين باش نتـ ـحر
ورفعت يدها المرتعشه لجبهتها قبل ماتكمل كلماتها المتقطعه بستعاب مرعب : نـ نـتحر ، تـ ـخيلي نتحـ ـر ، راهو المـ ٌوضوع كبر ، كـ ـبر وخوالـ ـي مش حـ حـ يسكتـ ـو ، قوليلي شنـ ـو فيه عـ ـلاش احمـ ـد انتحـ ـر وعـ ـلاش خالي ضـ ـاربك ، باللـ ـهي عليك جـ ـواهر اني ضيعـ ـت روحـ ـي باش ماندخـ ـلكش في مـ مـ ـاكلي بـ ـاش مانخليهـ ـمش يظـ ـلموك في جـ ـرتي ماتـ ـجيش توا وتسحبـ ـي روحك لـ الظليـ ـمه ، ادوي ، باللـ ـهي عليك ادوي
هزت جواهر راسها بدموع سالو علي خدودها ناطقه بصعوبه : و و و اللهـ ـي مـ مـ ـادرت حـ ـاجه واللـ ـه مـ مـ ـادرت شـ ـي
.
وفي لحظه تظن من إظمأنان حياتك يعني طريقك صحيحه ، ولكن في اللحظه التي تليها يتبعثر كل ماحولك وتكتشف ان طريقك السابق والحالي عباره عن إثم وذنب تتعاقب عليه تدريجياً شر عقاب .
مسح دم خشمه لألمه يكاد يفجر راسه بالصداع ، قبل مايفتح عيونه ناظر لـ البحر بدموع تسيل علي خدوده بدون اي تعبير ، دموع مش من ألم خشمه وكدمات وجهه وكتفه وانما وجع من فوضت الوضع الحالي لـ السبب الرئيسي فيها هوا ، لو كان مركز اكتر ماكانش احمد خدي منه صور الفتوشوب متع جواهر ، لو كان اذكي بشوي كان فكر بطريقه يهدد فيها جواهر غير الصور ، لو كان واحد حدره اكتر ماكنتش جواهر شافاته هوا واحمد في المخزن ، و لو ؟!
الـ الو لـ فعليا جاته علامة استفهام فيها ، هل وصل لمرحه فكر فيها في لو ماكان فيها مع احمد ، هل وصل لمرحلة لو ماكان شاذ ، مرحلة الندم .
رجع حيدر غمض عيونه ناطق بصوت : مانيش عارف ياربي ، مانيش عارف الا اني ماكانش قصدي نوصل حد للموت ، ماكانش قصدي ياربي نفسد حياة حد ، ماكانش ياربي قصدي ندير هدا كله ، انت خلقتني هكي ، واني رضيت وسكتت
ورفع يديه حاوط بيهم راسه لضغظ عليه بقوة محاول يوقف صوت جواهر لـ كلامها قعد يتردد في راسه ...
"" هدي مش فطره ربي خلقها ، هدا اسلوب زرعة الشيطان فيكم .
ربي ستركم ودارا عليكم لسنين صح ، لكنه يمهل ولا يهمل ، زي ماخلاني نكشفكم قادر يفضح امركم قدام العيلة كلها ، حطها في راسك ربي كشفكم قدامي لانه يمهل وينذر فيكم يوري فيكم انه اني قدرتو تسكتوني لاني ضعيفه ولعلا وعسي تفيقو علي عمركم وتوبو ونقدر نستركم زي ماستركم ربي ، لكن لو ستمريتو وكشفكم حد مش ضعيف زي خالي زياد متلاً وفضحكم حتي لو ثبتو بعدها بصمة العار ح تقعد فيكم طول عمركم
