AL Yaqut
6 أكتوبر 2023 ·
أَطباع ضِباع
"البارت التاسع والعشرون"
قَسوة الحيـاة تَـظهُـر حِـين تلتَـقي الأعيُـون 🍂
وقف ياسين في النص بـ نظرات تنقلت بين غزة وجواهر لـ قربت بخطواتها لجولتها من غزه لـ ياسين لـ رجع شبح لـ غزه لـ علامة الاستفهام محاوطتها بـ شدة في لحظتها الا انه اول مانطق ياسين نحل لغز الموقف بـ صدمة حاوطتها بـ قوة .
ياسين : جواهر ، خيرك ؟! تبي حاجة ؟!
رفعت غزة حواجبها بـ همس كررت بيه الاسم : جـ ـواهـ ـر
ضيقت جواهر عيونها لثبتو علي ياسين : من هدي
تلفت ياسين بأنظاره لـ غزه قبل مايرجع يشبح لـ جواهر : خشي توا شوي ونجيك
زاد ضيق عيون جواهر لـ قبل ماتنطق كلماتها قطع عليها ياسين وهوا يقرب يشد يديها : بعدين جواهر بعدين مش وقته توا بعدين نقولك
رجعت جواهر انظارها لـ غزه الثابته في مكانها بـ جمود غلفها من صدمتها ، وكتفت بـ تتبع الموقف بـ صمت ، عكس ياسين لـ الارتباك غلف ملامحه وكلماتها وهوا يزيد من قبضات يديه علي يدين جواهر لـ دفها قدامه بـ خفه مع همسه : خشي
دخل ياسين جواهر لـ الشقه بـ نظره حاول يوصللها فيها الاظمأنان قبل مايسكر الباب ، واول ماتلفت نطقت غزه من بين صدمتها : هـ هـ ـدي ، هدي اخـ ـتي
قرب ياسين منها بـ خطواته السريعه ودفها داخل الشقه لـ قبل مايسكرها قال : لعشيه نجيك نمشو لشيخ باش تكملي اسلامك ونرفعك لأمك ، ورد بالك تطلعي من الشقه رد بالك ولا تفتحي لحد
وسكر ياسين عليها الباب وخلاها تاخد انفاسها لـ مشت مع جواهر ، مع اختها ، يالله علي الشعور ، يالله علي الموقف ، يالله علي الشبه ، واضح وضوح الشمس انها اختها ، لـ لحظه ستغربتها ، لـ لحظه حست بالغرابه ، لكن اول مانطق اسمها ، حست بالانتماء ، حست بشبه لـ واضح ، حست بالصله لبينهم ، حست بالحاجة ، ايه حست بالاحتياج لسند ، ليهم ، لخواتها .
.
هز راسه بهزت رجل مستمره زادت من توتر نسايم لـ نطقت بـ تنهيده :ماعاش مستريحه لزواج ولًـ مجد
ضيق بلال عيونه لتلفت لأمه لكملت برفعت كتاف: كله نصيبات ياوليدي ومدام مش مستريحه خلاص المهم راحتها
رفع بلال حواجبه بهزت راس : هكي ببساطه عادي ، بجديات حتي انتي يمه
وزادت خشونت صوته لطلعت بغضب:تي الراجل كيف مكلمني يبي يجي يشوفك ، والعرس مزال عليه شهور ، وانتي جايه تبي تفسخي وتنهي كل شي ، شن هيا لعب مفرح ولا شنو فهموني باش نفهم وناخدها بسيطه زيكم
