أطباع ضباع
"البارت السادس"
إلتــزام الصمت في المواقف التـي تحتاج النقاش بـشده ليس إستســلام وإنمــا الحِـفاظ علي علاقــات يُـمكن خرابها علي يد نِهـاية ذاك النِقــاش العقيـم 💔
اللهم بارك لها فيه ، وبارك له فيها ، واجمع بينهم في السراء والضراء ، وجعلها زوجة راضيه مرضيه ميمونة له ، واجعله زوج مبارك مرضي ميمون لها ، وأجعل الحب والمودة والرحمة يؤلف بين قلبيهم ياااارب العالمين ، الفــــاتحة ...
رفع الحارث نظره علي الشيخ متنقل بـ بصره علي الموجودين بـ عجز استنزف كل قواه لـ ضاعت في محاولاته الفاشله لـ تفركيس زواجه لـ صار حقيقه الان .
نزل بصره لـ الارض عـ عكس جود لـ رفعاته في جواهر لـ خشت عليها الدار هيا وبنت خالتهم حور لـ قربت هجمت عليها ماسكتها من كتافها : تزوجتيه خذيتيه مني ، كسرتيني بيه الله ياخدك ياجود الله ياخدك
ختمتم حور كلماتها بـ دموع غرت وجها دافه جود لـ طاحت علي السرير مغمضه عيونها بـ دموع سالت بـ فقد امل لـ المرة لـ ماتعرفش فعلياً قداش عددها ، ولكن مش حـ تكون اقسي من لسبقتها لـ خلتها ترجع بـ داكرتها لـ قبل تلات شهور ...
خدت نفسها ناظره لـ جواهر لـ رصت علي الاتصال ماده التليفون ليها : ان شاءالله يدير حل
خدت جود التليفون منها حاطاته علي وذنها تسمع فيه ينادي بـ قلب ينبض بسرعة بشوق لسمع صوته ، وامل زاد اكتر اول ماسمعت صوته : الو
بلع جود ريقها رافعه عيونها في جواهر : ياسين
ضيق ياسين عيونه : مني معاي
شدت جود التليفون بـ يديها الاتنين ضاغطه عليه لين مفاصلها بيضت من التوثر : اني ، جود ، اختك
وقف ياسين الحايس يدور علي جاكيته بـ ملامح غير مفهومة ، وشعور مبهم خلاه يلتزم الصمت خلا جود تتحمحم راجعه مبادره في الحديث : شـ شـن حالك
ياسين : شن تبي
رفعت جود حواجبها بـ خوف رجع تسال لقلبها النابض بقوه من لهجته البارده ، شبحت لـ جواهر لـ قربت منها هامسه : خشي في الموضوع طول
هزت جود راسها واخده نفسها لـ طلعاته مع صوتها مختصره حاجتها ليه: طلال طلقني بتلاته ، وجدي ناجي وجدي عبدالعاطي يبو يزوجوني لحارث باش يحللني لطلال
وسكتت لـ للحظه واخده نفسها وكملت بـ ترجي خلا دوعها يلمعو في عيونها : انت خوي ، انت المسؤول عليا ، وموافقتك كان تعطيني ولا لا تمشي حتي علي جدي ، باللهي عليك كلم جدي ، ماتخليشي يعطيني ، ويلعب بيا ، باللهي عليك ياسين ، خوالي ماقدروش عليه لكن انت تقدر
وسكتت بـ انفاس لاهته منتظره رده لـ تعطل عليها وخلا ملامحها تخوف جواهر لـ هزت راسها هامسه : شنو
