أَطباع ضِباع
"البارت التلاتون "
+18
لقــد كُـنت لهـم الشخـص الـذي أتمنـاه لنفـسي 🥀
ضمت غزه شفايفها بميلت راس ناظره لـ امها لـ سالو دموعها علي خدودها وهيا ترفع في يدها محركتها في الهواء : خلاص امشي مابعرفك انتي موش بنتي خلاص امشي من هون امشي
رفعت غزه عيونها في خالها لنزل عيونه منها بـ ملامح حاده خلت غزه توخر بخطواتها لـ الخلف بدموع سالو علي خدودها بـ ندم في نقطه لا رجوع فيها ، نقطه غيرت دينها وتزوجت ، استوعاب انها زادت دخلت روحها للغريق بدل ما اطلع روحها للبر .
تلفتت طالعه بخطواتها السريعه كاتمه شهقاتها لـ طلعتهم بـ استسلام اول ماركبت السياره مخليه ياسين يتلفتلها بـ تنهيده بدون ماينطق ولا حرف فقط ناظر لـ دموعها ، لـ شهقاتها ، لـ ندمها الواضح ، من حالتها اللدي لا يرثي لها ، قبل ماتنطق معترفه بيه من بين شهقاتها : انت ، انـ ـت خديت لتبـ ـيه مني ، انـ ـت انتقـ ـمت ، انت مـ ـاساعدتنـ ـيش ، انـ ـت دمـ ـرتني ، اهو ، اهـ ـو وليـ ـت بروحي ، اهـ ـو امـ ـي وخالي خـ خـ ـلوني ، خلـ ـوني بروحي
وتلفتتله قبل ماتكمل كلماتها : دينـ ـك خلاني من غيـ ـر عيله ، دينـ ـك خلاني يتيـ ـمه
قرن ياسين حواجبه : اولاً هدا قرارك ماتقعديش تلومي ، وتانياً اكيد مش حـ يتقبلوك ويفرحولك من اول مايشوفك بعد ماكانو ظانين انك مخطوفه تجيهم تقولهم اسلمت وتزوجت
هزت غزه راسها : مـ مـ ـاعاش نبي ، مـ ـانقدرش من غيـ ـر امـ ـي ، اني ، انـ ـي درت هدا كلـ ـه علي خاطـ ـرها
تلفت ياسين قدامه مولع السياره لـ تحرك بيها قبل مايرجع يتلفت لـ غزه : مافيش حاجة تجي بساهل ، كملي مدام بديتي ، واكيد مش حـ تقعد زعلانه منك ديما ،يجيها وقت وتلين ، انتي بنتها الوحيده
ورجع شبح قدامه رافع يده جابد تليفونه من علي الفودره ناظر لـ المتصل ...
.
تلفت الحارث حوالينه : ايوا وينك قعد ماجيتش
ياسين : حطيت اختي وعندي مشوار درته واهو جو 10 دقايق و نوصل فيكم
الحارث شبح لـ قصي لـ قرب منه بـ صياحه : هيا تعالا فيه تخطيط لطلعه ، زمن خود روحك واطلع فات في ناس بدت عندهم نساوين بروحو بيهم مش زينا خفيفين
دفه الحارث من عليه ماسح خده من دفالات قصي لـ خلا ياسين يضحك تحت نظرات غزه لـ رفعت مسحت دموعها متلفتتله بـ غرابه كبيره ، لـ وهلة او لا هيا فعلا صدقت انه مش بشر زيهم ، مايضحكش ، مايبصرش ، ماعنداش حد ، و وحيد ، هزت راسها مبعده افكارها بـ نتباه علي صوت ياسين لـ طلع : هههههه هي هي جاي
سكر الحارث الخط من ياسين متلفت لـ زياد وبلال لـ طلعو من المربوعه لـ شاورلهم قصي بـ صيحه : شنو منو صار منها
