هذه الصورة من منشور.
عرض المنشور
AL Yaqut
6 أكتوبر 2023 ·
أَطباع ضِباع
"البارت التاني والثلاثون
هُـناك اشخـاص فـي حياتِـنا كـلامهم أثّـره عَـلينا يا كـ البَـسم يا كـ الجَـحيم 🤚🏻
بعض ردود الافعال خداعه لصاحب ردت الفعل ، تكون ناتجه من ضغط نفسي ، وضغط كلام من لحولك ، ضغط وكلام يأثر عليك تأثير خطير يخليك تشكك في مبادئكـ ، في افكارك ، وحتي في الحقيقه لواضحه قدام عيونك وضوح الشمس ، يرموك للغلط بكلامهم ، المحفز بـ طريقه مباشره جداً لفعل الغلط ، اللي من وراهم ترتكبه وتغطس فيه ، باش تلقاهم اول من يلوموك ، ويسبوك ، مطلعيم روحهم اولياء صالحين ، كانو ينصحو فيك ، ويحذرو فيك ، ومانعينك عن الغلط ، وكان حواس عيونك وأذانك شاهدات بعكس كلامهم المنافق نفاق مجرم حد الرعب كنت صدقت كلامهم المصطنعين فيه البرائه بـ شكل مبهر للأنظار ، وبرغم انهم المسؤولين عن الغلط لدرته مسؤوليه تامه ، الا انك تقعد انت الخسران الوحيد ، والمولام الوحيد ، والنادم الوحيد ، ندم لا ينفعك بشي غير طلب السماح في وقت لا سماح ولا مغفره فيه ...
.
رجعت غزه بـ خطواتها للخلف بأنظار ناظره بيهم لـ كل مايحيطها الا جواهر : اسألي خوك احسن ، عفوا مطره نسكر
قالت غزه اخر كلمه وهيا تسكر في الباب ، مخليه جواهر تضغط علي قبضات يديها بـ غضب كاتماته داخلها ، متلفته موليه للشقه لسكرت بابها بـ قوة وصل صدا صوته لـ غزه لكانت قعده واقفه قدام الباب لـ سندت عليه جبهتها لـ لحظه واخده انفاسها لطلعتهم بزفير قبل ماتتلفت بخطواتها السريعه لـ وسط الحوش مقربه من طاولة الاكل لجبدت من عليها تليفونها ناويه الاتصال بـ ياسين لـ بعد مافتحت قفل التليفون مستوعبه انه ماعندهاش رقمه ، الادراك اللي خلاها تحذف التليفون علي الطاوله بـ نفخه صاحبها تأنيب ضمير علي ردها الجاف لـ اختها .
.
"الموت" كلمه تختصر جميع مشاعر الخوف والرعب ، حتي وان كنت تتمناه في لحظه ، اول ماتستوعب انك بين يديه تدعر وتتراجع عن تمنيه بـ التعوذ منه ، وان كنت عابد لله ليل ونهار ، وان كنت صلاي فرض ونافله ، الادرينالين حـ يرقا للمليون عندك فقط ان مر بجانبك ، كـ مروره علي الحارث لـ كان واقف علي حافت جبل شاهق العلو ناظر تحت بـ رعشه سرت في كل خليه في جسمه خلاته يرفع عيونه بـ شهقه غص بيها اول ماشاف طلال الباكي واقف جنبه بوجه غارق في دموعه بـ صوت شهقات عاليه ، رفع يده محاول يقرب منه الا انه شهق اول ماحس رجليه مش تابته وكـ انه قعد علي خيط رفيق خلاه يرجع يشبح لتحت مصعوق من منظر النيران المشتعله تحته لـ مش فاصله بيتا وبينها الا خيط سميك نوعاً ما وعريض شوي لـ برغم عرضه دابح رجليه الداميه .
