الطباع ضِباع
"البارت الخامس والثلاثون"
مَــاخفي عنـا رحمة من الله بِـنا ، وما ظَـهر لنا رحمـة الله عـلي من حُـولنا 🍂
-ماتهبلونيش وتقعدو نكدبو وتفلمو عليا ، شنو مافيها شي ، تي كيف مش كانت مرته مش كانو متزوجين ماتخوخمونيش
رفع الحارث يده ليمين ماسح علي يده ليسار لاحس بالألم فيها من طيحته لـ قعد مش مستوعب انه نفذ منها وقعد علي قيد الحياة لـ قهراته لـ المره الرابعه في صاحبه ، متمني لو طاح وكان الموت حليفه هوا الاول قبل مايلتف حوالين رفيقه بتهديد كبير انه ياخده ، نطق الحارث بـ هدوء معاكس لـ ثورة زياد : مافيها شي ، وقدامك الدكاتره خليهم يحلالولها
ضيق زياد عيونه لـ قبل مايزيد يهجم بـ اسئلته علي الحارث طلع ياسين لـ خلاهم يتلفتوله مع بلال لـ كان واقف بعيد شوي سامع نقاش زياد مع الحارث لـ قرب من ياسين بـ خطواته : شن حالك توا
رفع ياسين عيونه في الحارث بنظره صامته لـ لحظه بعتت شعور الخزي والعار لـ الحارث وكـ انه هوا المذنب وكـ انه هوا الظالم شعور خلاه ينزل عيونه من عيون ياسين لـ نطق بـ هزت راس : مش كويس
تحمحم بلال لـ قرب منه بـ خوف: خيرك طلعت باهي ، ولي خش وتو اندو الدكتور يجيك
نتقل ياسين بعيونه من الحارث لـ بلال قبل مايتلفت لـ زياد لقرب بخطواته البطيئه منه ، ناطق بهدوء كـ ملامحه التاعبه : مانبي حد يسمع باللي قاله الدكتور ، وبدات جدي ياخالي
شد زياد علي سنونه كـ ضغطه علي قبضات يديه ، هاز براسه بـ الايجاب : تمام ، غير خلينا نشوفو الدكتور توا
تلفت ياسين قبل ماينطق بكلماته : بنشوف اختي
تحرك ياسين بخطواته تارك زياد لـ لحقه ومخلي وراه الحارث لـ خدي انفاسه لـ نسحبت منه بـ ضيق من شعور العار لـ مالي كيانه ، وكـ انه هوا صاحب الافعال الشنيعه مش لـ ذاك المسمي بـ خوه .
وقبل مايتلفت حس بـ يد بلال لـ نطق قبل مايبعد الحارث يده منه : رد بالك توطي راسك ، رد بالك ياصاحبي انت راجل وتقعد راجل واني في ظهرك ومعاك
رفع الحارث عيونه في بلال لـ كمل كلماته : حيدر عنده باقي القصه الناقصه
قعدت نظرات الحارث معلقه في بلال لـ لحظه قبل مايضيق عيونه ناطق بـ تنهيده :حتي انت ، ربي ستره وهوا عايش وفضحه لما مات
سيب بلال يد الحارث بـ تضيقت عيون ونطق كلماته بهزت راس : شنو اني ، ومن ربي ستر وفضح مش فاهم عليك
و وخر خطوه للخلف مطلع تليفونه من جيبه لـ علن عن مكالمة :ستني نرد باش نطلع نوصلك
وبرغم الألم ، والقهر ، والخزي لـ حرفياً طاغي علي كل جزء من تفكيره وعقليته الا انه بتسم ، بسمة امتنان ، وشكر كبير ، وحب اكبر .
