Treacherous Heart 1: Ever The Same

Pahina 10

Fancy

"Koa, nakakuha ka na ng shampoo?" Dungaw ko sa guest room na katabi ng kwarto ko— dito matutulog si Anton at Koa habang tabi naman kami ni Willow.

"Yep! Amoy bulaklak tuloy ako, Ave! Mababawasan ang pogi points ko nito! Bukas ay kay Kuya Archer mo ako i-hiram ha?"

Tinaasan ko siya ng kilay at ni-ngisihan. "Choosy ka pa? Deal with that. At anong pogi points? May lakad tayo bukas, we'll celebrate Willow's Birthday, remember? Tayo-tayo lang ang magkakasama."

Bumagsak siya sa kama at pinadyak-padyak ang paa na parang bata! "I smell like little ponies!"

I chuckled.

This kid! "Koa! Magugulo ang bedsheets! Gusto mo ba sa labas ka patulugin ni Anton, hah?" Banta ko sa kanya.

"Edi sa kwarto mo nalang ako 'non."

"Kuya ko naman ang magpapalabas sa'yo."

"Oo na! Tanggap ko na. Tsaka nalang ako magpapa-pogi." Umahon siya at pagod akong tinignan.

"Tulog na ba si Willow?"

I nodded. "Nakausap mo na si Gab?" Balik kong tanong.

Umiling si Koa.

"Yung gagong 'yon. 'Wag talaga magpapakita!"

"Hayaan mo na. Kausapin nalang natin bukas. Sigurado ay nandyan na siya bukas."

Koa glared at the wind. "Dapat lang, dahil kung hindi, talagang bigwas 'yon sa akin."

I stifled a smile and shook my head. "Magpahinga na kayo. Babalik na ako sa kwarto ko, good night, Koa."

"Yeah, hintayin ko lang matapos maligo si Anton. Baka sipain ako paalis ng kama 'eh, mahirap na." Biro niya.

Muli akong natawa ng kaunti at kumaway para magpaalam. Sinara ko ang pintuan at lumakad na pabalik sa kwarto ko nang makita kong ang isang unread message mula kay Gabriel.

I stopped to read his message.

Gabriel: Hey, Avery. Sorry to disturb you. Nasa labas ako ng bahay niyo. Can you go out for a while? Don't tell the others.

Tinignan ko ang time stamp at halos sampung minuto pa lang naman ang lumipas. Agad akong nag tipa ng sagot habang mabilis na tinatahak ang pababa ng hagdan hanggang sa makarating ako sa labas.

Avery: Wait for me. Pababa na.

Pinagbuksan ako ng guard namin ng pinto at nakita ko agad ang Civic niya. Naka-hilig siya rito, nakapasok ang kaliwang kamay sa bulsa habang ang isa ay hawak-hawak ang cellphone. Wala na ang kanyang coat, tanging ang inner vest at button down long sleeves niya nalang ang suot niya.

Lumapit ako sa kanya at naramdaman ng kaunti ang malamig na simoy ng gabi. I am only wearing my red satin pajamas.

Nakita ko ang tinitignan niya sa cellphone niya. It was the collage instagram story posted by Koa, kanina habang kumakain kami. Apat na tile iyon, ang una ay ang picture namin pagkatapos hipan ni Willow ang cake, ang pangalawa ay ang ni-drive thru namin na mga pagkain, ang pangatlo ay stolen shot ni Willow na kumakain ng french fries, at ang pang apat ay kami ulit apat sa hapagkainan namin.

"Are you okay?" Tanong ko nang makita ang malalim niyang pag titig doon.

Napasinghap siya at napaangat ng tingin sa akin.

Mabilis siyang nag ayos ng tayo para salubungin ang presensya ko.

I smiled. "Kumain ka na?"

He shook his head. "Sa condo na ako kakain."