الحاضر..
فتحت عيُونها بتعب تناظر حولها وشافت وعد تحاول تتذكر وش صار لها ..تذكرت تهديد عبدالعزيز لها ولأبوها :وعد
وعد بابتسامه :اخيراً صح النوم ياشيخه نجد وش هالنُوم مابغينا
ابتمست نجد لطريقة كلامها:كم صار لي نايمه
جلست وعد جنبها ومسكت يدها تشد عليها:والله ياحبيبتي هو الدكتوره قالت ساعتين وتصحى من المسكنات بس انتي ماشاءلله عليك نمتي ٨ساعات
تحس الصداع ينهش راسها :احس راسي بينفجر ..متى بنطلع
وعد :الحين اذا تبين كم عندنا نجوده
نجد:وعد عادي اطلبك شي
وعد:عيُوني لك يشيخه
نجد:يمديك تجين معاي البيت تنامين عندي ودي اقولك اشياء كثيير
وعد بتفكير كانت ملكة اخوها بعد يومين ولازم تكون مع امها بس ماحبت تكسر طلب نجد:بشرط
نجد بابتسامه:اعشيك طبعاً
ضحكت وعد :يمه لهدرجه واضحه
ضحكت نجد:ياختي من يوم يومك حركتك ذي بس انتي آمريني
خرجت وعد من الغرفه تنادي الممرضات يفكون المغذي وطلعو من المستشفى للبيت
وصلُو البيت في غرفة نجد..:بنت اخلصي ساعه تنقين بجامه
وعد بتفكير:اسكتي ترا البجامه لها دور كبير عندي يعني شخصيتي تكون على حسب اللي البسه
ضحكت نجد :اجل البسي الورديه عشان تصيرين غنوجه
كشرت وعد:الشي الوحيد اللي مايلوق علي -رمتها بالبجامه-الا تعالي مين اللي اسعفك اعترفي عمي مادرا مين بس انه من شركتكم
غطت وجهها بيدينا:سكتي بموت تخيلي وش صار
ركضت لمّها وجلست :شفيك شصار
نجد تحكي لها من اول ما شافت صورة عبدالعزيز لين طاحت عليه عند المواقف شهقت وعد :تمزززحيين يشيخه هذا من جده يهددك بكل بجاحه صدق انه قليل حيّا
نجد بتفكير:مدري اعلم ابوي ولا اسكت خايفه مدري وش اسوي
وعد بتأييد:طبعاً عمي لازم يدري لازم يوقفه عند حده بعدين يصير لك شي لاسمح الله يكون عنده خبر
نجد:بس..
وعد:لابس ولا شي انتي علميه بالتهديد عشان يتصرف نجد ترا هذا ناوي عليك انتي وانتي مو ناقصه
نجد بدات تقتنع:خلاص ان شاءلله بعلم ابوي باسرع وقت
وعد:شطوره حبيبتي اسمعي وش بتلبسين بعد بكره
نجد:ليه وين بروح
شهقت وعد وضربة راس نجد:مو منجدك هذا كيف يشتغل يبنت بعد بكره ملكة اخوي وترا هاه امي وخواتي متوصين فيك وبيجلدوني لو ماتجين
نجد:يوووه راح عن بالي مره تعالي بوريك فستان شريته اخر مره رحت السوق
في الفندق ..يلّم اغراضه وغارق بالتفكير فيها ماطلعت من باله ولا دقيقه عيُونها الغرقانه دموع و برودة كفّها للحين يحس فيها كانت مشاعره غريِبة هو اللي ماعمره التفت لبنت معقوله يحس بمشاعر لبنت عدُوه معقوله الزمن يلعب لعبته ويخليني أحبها بس لا عُمره الحب ما تغلب على الكُره ..رمى التيشرت من يده "يعني عزيز تارك كل المشاكل اللي فوق راسك وتفكر ببنت مستحيل تكُون لك"تعوذ من الشيطان وبدا يخلص تجهيز اغراضه بهاللحظة دخل فيصل:ولد وين رايح
عبدالعزيز:بروح بيتي
فيصل باستنكار:بيتك؟قصدك عند امك
التفت عبدالعزيز بغضب:يعني وين مثلاً بعدين انا مو رايح عشانها بس رايح عشان أخذ كل حق لي منها
فيصل:طيب ماتحس إن الوقت مايناسب توك متهاوش مع مشعل يعني خلها مره ثانيه
عبدالعزيز:ومين مشعل عشان أأجل روحتي عشانه
فيصل:بس ماقلت لي وش ناوي عليه
عبدالعزيز:بتشُوف مع الوقت
فيصل يحاول يسحب منه الكلام:افا ونا خويك من سنين فالاخير ماتعلمني وش خطتنا
عبدالعزيز يحاول يمشي ورا احساسه بإن فيصل وراه شي:بعدين نتناقش عن هالموضوع الحين مستعجل
كان عبدالعزيز يتهرب من فيصل يخاف شكّه يكون بمحله كان هالموضوع صعب على قلبه حييّل إنه صاحب عُمره من سنييين طويلة يشك فيه يتمنى لو يكُون غلطان ..بس الاكيد مارح ينبش وراه لإن مصير الايام تبين الحقيقة
بيت آل فهاد..
