قطع عليهم صوت جواله المُتصل-حاكم- رفع نظره لهم :بطلع اكلمه برا خذو راحتكم
طلع البلكون استنشق الهواء لعله يخفف توتره فتح الخط:هلا
حاكم:السلام عليكم
عبدالعزيز:وعليكم السلام
حاكم:كلمت البنت وموافقه تعال بعد يومين
عبدالعزيز:ماشاءلله عليك بهالسرعه
حاكم:بس بشرط واحد
عبدالعديز:انا اللي احط الشروط مو انت
حاكم يمسك اعصابه ومن بين اسنانه:اسمعني محد بيدري ان الزواج تم بهالشكل يعني اللي صار بيننا يكون بيننا
عبدالعزيز:دام هذا شرطك ابشر ولا يهمك
حاكم:صدقني راح اخليك تندم وتعض اصابعك ندم
قفل الخط متجاهل كلامه دخل لهم وهم مندمجين فالسوالف
الجوهرة:اقولك انصدمت لما قال نجد
هناي:عاد الصدق لايقين على بعض يبنت هي آيه فالجمال وعزيز تبارك الله وسيم اهخ ابي ترجع الجامعه عشان اكشخ فيه
الجوهرة: بيطلع انتاجهم حريييقه
تنحنح يعلن وصوله:هاه وش تسولفون فيه
هناي:قاعده اقول للجوهره اذا جت الجامعه بكشخ فيك
رفع حجاجه:شنطتك انا؟
هناي:شدعوه بس بعلمهم ان اخوي قمر
ضحك وبابتسامه:ماخذ حته منك ..الا الحين بتروحون معاي ولا كيف
هناي:انت قول تجهزو وارتز قدامك انا وشنطتي
الجوهرة:اي اكيد بنروح معاك بس متى؟
عبدالعزير:بكره
هناي:تمزح؟-التتفتت للجوهره-بنت هذا من جده
الجوهره:بكره بدري بعدين ماجهزنا شي
عبدالعزيز يناظر ساعته :معاكم ٧ساعات قبل تقفل المحلات اذا تبون ملابس
هناي:طيب متى الزواج؟
عبدالعزيز:بنسوي الملكه والزواج مره وحده يعني حفله بسيطه اهلها وانتو
الجوهره:منجدك عزيز؟اكيد البنت تبي تتعرف عليك وتعرف اطباعك على طول بتروح معاك
عبدالعزيز:هذا كلام ابوها مقدر اقول عليه شي
القصيم ..
قبل ساعتين ..
رجعت بيت جدتها تسوي الغدا مندمجه تسمع سواليفها القديمة وكيف إنها كانت هالحاره ماتخلى من الضيوف والاعراس وكيف ان كانو الكل قلوبهم على بعض ..
نجد:والله ياجده ان امنيتي اني كنت اعيش بزمانكم اكثر من هالحين
ام زيد:اي والله زمنكم ذا زمنن اقشر
نجد:عاد مو مره لاتجحدينا
ام زيد كانت تتامل نجد بكل دقه وكيف إنها ناسخه اطباع أُمها وشكلها
نجد:يمه شفيك ماتسمعيني
ام زيد:سبحان الخالق كيف انتس ناسخة امك
لمعت عيُونها بالدموع لفت وجهها عنها تخبي دموعها:الله يرحمها الكل يقولها اني صرت اشابهها كل ما اكبر
ام زيد:الله يرحمها يارب
قطع عليهم صوت الباب ينفتح يناظرون الباب يترقبون الداخل
استهل وجه ام زيد وبدموع:هلا والله بولدي ضّي عيني
باس راسها ويدها :تو ما رجعت لي الحياة يايّمه بشوفك
نجد تراقبهم ودموعها ماوقفت تمنت تركض له وتحتضنه غيابه عنها اسبوعين كانت كثيييرة على قلبها هي اللي تعودت تصبح وتنام على وجوده تمر اسبوعين ماتشوفه ولا تسمع صُوته ..التفت لها يناظرها تنتظر منه الاشاره اللي تريّح قلبها ..فتح يدينه:تعالي يا فرحة ابوك
ركضت لحضنه وانهارت تبكي يقطع قلب اللي يسمع :يبه اشتقت لك ليه خليتني ورحت ليه
حاكم:بسم الله عليك انا موجود ماخليتك بعدين انا فقلبك مابروح
كانت دموع ام زيد كفيلة إنها توصف مدى حزن الموقف
التفت لامه:يايمه وانتي تبكين بعد انا وش اسوي فيكم
طلعت امه لغرفتها ماتحملت بكى حفيدتها اللي يقطع القلب
حاكم:خلاص يابابا اهدي
نجد من بين دموعها وشهقاتها:يبه كيف تخليني كيف قوى قلبك تدري اني كنت كل ليلة اوقف فالشباك انتظرك من لما جيت الديره ما وقفت ونا انتظر وادور لاخبارك من جدتي وعمي يرضيك اني صرت احاول اعرف اخبارك من غيرك
حاكم يحتضنها:خلاص اسف وحقك علي ما بكررها
مسحت دموعها:يعني سامحتني
حاكم:هو انا زعلت عليك اصلاً
نجد:ايه زعلت علي كثير
حاكم:طيب اغسلي وجهك وتعالي لي الصاله انتظرك
طلع من عنده يجّر رجوله صعب عليه إنه يفاتحها بالموضوع كيف يقولها ان اللي عاقبتك عشانه بيصير زوجك ابتسم لدخولها ومعاها صحن القهوه جلسّت وصبّت له ومدته له:سم
حاكم:سم الله عدوك ..جدتك وين
نجد وقفت؛بروح اناديها
حاكم:لالا تعالي جنبي
جلست بجنبه وسندت راسها على صدره:يوه يبه توبه اخبي عليك شي اذا بتحرمني منك اوعدك من اليوم ورايح حتى النسمه اذا جرحتني بعلمك
حاكم:ايوه ابيك كذا
التفتت له :احسك مو على بعضك صاير لك شي
حاكم يبتسم لبرائتها وعيُونها اللي غارقه من دموعها:مافيني شي الا اني اشتقت لك
حضنته :والله اني اكثر الله لا يحرمني منك
حاكم:نجد لو اطلبك شي بتوافقين
نجد:موافقه من غير تفكير
حاكم:بس لازم تدرين اول
نجد تاشر على عيونها:اقولك من عيوني الثنتين موافقه بس امرني وش تبي
حاكم:تتزوجين
ذبل وجهها وجمدت اطرافها :ا..اتزوج؟
نزل راسه يحس بالعار والخيبة:عبدالعزيز
شهقت بخوف من اسمه:يبه عبدالعزيز ماغيره اللي ..
حاكم:ايه ولد نايف
ابتعدت عنها تهز راسها بالرفض:مستحيل يبه لا انت قلت بلسانك انه خطير كيف تقول لي اتزوجه؟
حاكم بحدة:لازم تتزوجيه ولا بدخل السجن
غطت فمها بيدينها تمنع صوت شهقتها:تنسجن؟
حاكم:ايه قال يا انتي يا السجن
نزلت دمعه احرقت قلبها قبل خدها:واخترت انك تضحي فيني
وقف يضغط على قلبه:بعد يومين بيجون جهزي نفسك وعلمي جدتك -التفت ورفع اصبعه بتهديد-ولا اشوفك تعلمين احد باللي صار الكل راح يعرف باننا مرتاحين له فاهمه
نجد من بين دموعها وشهقاتها:بس يب..
حاكم بصرخه:لابس ولا شي زي ماقلت لك فاهمه؟
نجد:لا مو فاهمه وش يعني تبيعني له بهالسهوله وين اللي قال اني مارح اتخلى عنك ولا راح اضحي فيك شفت شفت قلت لك اني بصير ضحيتك الثانيه امي وذبحتها بسبت افعالك اللي تسود الوجه والحين صار دوري تذبحني بس كيف تذبحني انك تبيعني لعدوك عشان تتخلص من السجن
كان كلامها مثل النار يحرق قلبه ماحّس بنفسع الا ورفع يده ضربها كف طاحت على الارض بلحظة دخول زيد عليهم ركض لنجد:نجد يبه-رفع نضره له-انت وش فيك ليه تضرب البنت
اما نجد كانت دموعها تنزل من غير اي ردة فعل تحسها غايبة عن الوعي ماتسمعهم ولا تشوفهم نبضات قلبها تتسارع وقفت تطلع من عندهم مرت من جنب جدتها متجاهله نداها له دخلت الغرفه قفلت الباب كان هدوئها مريب رُغم ان وجهها غرقان دموع انفاسها تضيق ونبض قلبها يتسارع تتذكر صوته وكلامه-نجد العذيه بتنأسر-فتحت الشباك تحاول تستنشق الهوا لعلّه يخفف حدة انفاسها دخلت الحمام تغسل وجهها ..ناظرت شكلها الذبلان والمكسور ماتوقعت انه بيُوم ابوها يمد يده عليها وبسبب مين بسب عبدالعزيز..تسمع صوت الباب كان عمها يترجاها تفتح الباب مسحت وجهها وفتحت الباب..
زيد:وش فيك نجد ووش فأبوك
نجد بابتسامه :افا ما قالك -سحبته من يده-يبه ماقلت له افا هذا اخوك لازم تشاركه الفرحه
حاكم بعصبيه:نجد لاتخليني اقوم
نحد:ليه بتضربني؟توك ضاربني ماتفرق معاي بس ابيكم تباركون لي بتزوج واخيراً الحمل اللي على ابوي بيتخلص منه وانتو بعد بتفتكون مني -التفت لجدتها الي تناظرها بصدمه من كلامها -وانتي جده ابشرك مو الصبح قلتي لي من لك بعدي ابشرك بعدك في عبدالعزيز بس
وقف مسكها من معصمها:انتي يبي لك تربيه من اول وجديد
زيد مصدوم من حدة حاكم وعصبيته دفعه عنها:انت وش فيك انهبلت ابعد عن البنت
نجد :لاتخاف يبه اللي صار بيننا محد بيدري فيه بيروح معاي لقبري اوعدك
مشت تاركتهم بحيرتهم من كلامها الغامض
زيد:وش فيك وش صاير زواج ايش وعبدالعزيز مين
حاكم:بعد بكره بيجون يخطبوها ونا عطيتهم موافقتي
زيد:مين هذا وكيف تعطيه موافقه وانت مو مستشير البنت انت صاحي؟
حاكم:لا تتدخل بنتي وبكيفي
زيد يضرب كتفه:وانا عمها ولا لايكون نسيت
حاكم:مانسيت بس لاتتدخل باللي مايعنيك لا مّت وقتها تدخل بقرارات نجد
ام زيد تناظرهم بصدمه ماعمرها شافتهم بهالمنظر:انت وياه بسكّم مناقر خلاص
التفت حاكم لامه:يمه جهزي نفسك وقولي لحريم اخواني يجون يساعدوك بعد يومين بيجون الخطاب هنا ..يلا سلام
انصدم من كلام اخوه يناظر امه:اللي صار تو حقيقي ولا اتوهم مستحيل هذا حاكم
ام زيد:والله يايمّه مادري وش فيّه عود على خراباته القديمه وبيضيع بنته معاه
زيد:لازم نكنسل هالزواج مستحيل اسمح نجد تاخذ واحد ماتبيه
طلع عندها دق الباب ينتطر اجابتها بس لارد يدق مره ثانيه:تفضل
زيد:عادي اكلمك؟
نجد:اي عمي تفضل
زيد:وش فيك وش صاير لابوك غاصبك على الزواج؟انتي بس قولي مو موافقه والله احرق الدنيا ولا اخليك تتزوجين
نجد بابتسامه:لا عمّي بالعكس بس كنت مصدومه انه كل بيصير بسرعه
زيد:طيب ليه ضربك
نجد:قليت ادبي شوي لاني كنت زعلانه منه
زيد:حتى ولو مايمد يده عليك
نجد:لاعادي ولا يهمك
زيد:تبين اقول للبنات يجوك؟
نجد تتصنع الاهتمام؛لازم اطلع اجيب اغراض اذا بيجون بعد يومين
زيد:خلاص تجهزي وبوديك تبين معك احد
نجد:لالا بروح السوق لحالي
زيد:بس..
نجد:ابي اخذ راحتي
وقف وناظر ساعته :خلاص ساعه بالكثير واجيك
نجد:تمام
طلع من عندها ودموعها ما وقفت تحس هالمره كان فعل ابوها اكبر من انه يتحمله قلبها معقوله يتخلى عنها لعدوه اللي بسببه تركها وابعدني عنه مسحت دموعها دخلت الحمام تتوضى تبي تصلي لعل قلبها يهدا من الضيق ..سلمّت ورفعت يدها تدعي يارب اخرجني من الضيق للنور يارب
طلعت من غرفتها لجدتها ..كانت تقرا قران
نجد:عادي اجي
ام زيد:تعالي يمه
مشت لها وحطت راسها على فخذها:العبي بشعري ابي احس اني مع امي
ام زيد ودمعه خانتها مدت يدها تلعب بشعرها وتقرا عليها لين حسّت ان انفاسها هدت ونامت دخل زيد:يمه نجد تبي السوق صحيها
ام زيد :خلها شوي بعدين وديها
زيد:تمام
ام زيد:كلمت ابوها؟
زيد:مو راضي يكلمني وكلم اخواني الكبار بيحركون بكره للديره خلاص الموضوع صار جدي
ام زيد:الله يكتب اللي فيه الخير
زيد:آمين يارب
صحت على اصواتهم:يوه انا نمت؟
ام زيد:ايه يمه غفيتي شوي ارجعي كملي
نجد:لالا لازم اخلص اشغالي
زيد:يلا انتظرك فالسيارة
نجد:تمام الحين جايه ..
