صباح اليُوم الثاني..
صحو الكل عند الرجال ..فيصل:اقولك شفت عزيز
حاتم:لا والله كان نايم معاي فالغرفه بس طلع وماعد رجع
سعود:ياعيال شفتو عزيز
حاتم:لا والله ماندري وينه
صحى مشعل بصعوبه:صدقوني ندم عمري اني جيت هالمكان مايخلون الواحد ينام
دخل عبدالعزيز وانصدم من اجتماعهم..ابتسم بحرج:صح النوم
حاتم بلعانة:وين الناس مالك حس
مشعل:وين كنت اعترف
ضحك باحراج:نمت فالحوش
سعود:اي شايفك امس مثل الحرامي طلعت من المخيم
عبدالعزيز:ماعندكم سالفه -دخل غرفته وبدل ملابسه وطلع-
...
صحت من النُوم بعد ماسمعت ام عبدالعزيز وجدتها فالحوش يسولفون -قبل نص ساعه-كانت غارقه بالنوم لين صحت على اصواتهم قامت مفجوعه:عزيز اصحى
اقتلب وبنعس:شوي انام
نجد:عزيز امك وجدتي فالحوش صاحين اخاف يصحون الباقي وانت للحين هنا
مسح وجهه بضيق:يالله صحيت
قامت وغسلت وجهها والتفتت له وهو جالس ومغمض عيُونه من النوم:عزيز حبيبي يلا قوم
فتح عيُونه بصدمه والتفت:وش قلتي
عقد حواجبها:ماتكلمت
وقف ومشى ناحيتها:الا سمعتك تقولين حبيبي
ضحكت :وش فيك تتخيل اشياء ماصارت
عبدالعزيز:والله قلتيها
رفعت كتوفها:مدري يمكن
شالت الفراش ورتبت المكان وعدلت شكلها :يلا انا بطلع
عبدالعزيز:يالله شوفي لي درب
طلعت نجد امام انظار ام عبدالعزيز وجدتها استغربو من وجودها بهالمكان لاكن سرعان ماتحول الاستغراب لضحكه من شافو طلوع عبدالعزيز ..بلعت ريقها بحرج واقتربت لهم :صباح الخير
ام زيد:صبحك الله بالنور والسرور
ام عبدالعزيز:صباح النُور
شابكت كفوفها بتوتر:يالله انا بطلع عند البنات
مشت بخطوات سريعه ودخلت الغرفه كانو نايمين دخلت فراشها وتغطت تكمل نوم..
المغرب
كانو فيصل وعبدالعزيز يتمشون ويسولفون باندماج وحولهم ظلام ..التفت فيصل وتعوذ من الشيطان :عزيز تشوف اللي اشوفه
عقد حواجبه باستغراب:بسم الله
كان شخص يركض اتجاههم شكله غريب اسود وومربع ..
رجعو بخطوات صرخ فيصل:اعوذ بكلمات الله التامات من شر ماخلق
اقتربت لهم وبان لهم انها وحده بصوت مقطوع:عزيز
التف فيصل وقلبه بيطلع من مكانه من كثر ماينبض
عقد حواجبه باستغراب:هناي
هناي بدموع:والله ما اسامح مشعل تخيل خذاني ونزلني بعيد وراح
ضحك على منظرها وتأكد ان تحت هالعبايه جاكيتها الفرو كانت عبايتها معدومه تراب ..:طيب انتطري بوصلك عند مخيمكم
مشى فيصل لسيارتهم ووقف لهم وركبت وراه كان حابس الضحكه على شكلها الغريب ..وصلت ونزلت ..التفت لعبدالعزيز:هذي مين؟
عبدالعزيز:اضحك معليك هذي اختي
ضحك فيصل بهستيريا يتذكر شكلها :امانه وش مسويه ذي ليه شكلها غريب
ضحك معاه:لابسه جاكيت فرو تحت العبايه عشان كذا طلعت جني
مسح دموع الضحك:الله يوفقها ضحكتني والله
..
دخلت عندهم تبكي لحقوها البنات نزلت عبايتها:ببببكي بنهار ياربي
وجد؛بنت صار لك شي
هيفاء:وش هالشكل اللي انتي فيه
هناي من بين دموعها:تخييييلو شافني صاحب عزيز بهالمنظررر تخيلللو
ضحكت هيفاء بسهتيريا:تمززززحين شكلك يموت ضحك
مسحت دموعها:تخيلي شفته ماسك الضحكه اصلاً اول ماشافني واضح مخروش يحسبني جني
الجوهره بضحك/ما الومه كم مره اقنعتك لاتلبسيه
هناي: كنت بسوي جلسة تصوير
نجد:والله رحمتك مررره
تنهدت بضيق تستذكر اشكالهم وهم مخروشين منها...
