اليُوم المنشود في بيت ام زيِد كان الكل مربوش الللي يرتب واللي يبخر واللي بجهز القهاوي ..اما في غرفتها كانت واقفه تناظر فستانها بحقد ودها تحرقه وتحرق البيت كله ولا تعدي هالليلة قطع عليها دخُول حصه زوجة زيد..التفتت لها وعيُونها ماليها الدمُوع وكانت نظرة حصه كفيلة بإنها تخلي دمُوعها تنهمر..سكرت الباب وراها وركضت تحضنها وتمسح على ظهرها بحنية:حبيبتي نجد خلاص يكفي بكاء -رفعت راسها -طالعي عيُوني شوفي فالهدنيا كل شي قسمة ونصيب سواءً رضيتي او لا ربك مابيعطيك الا المكتوب لك فا احنا ليه نبكي ونعترض على النصيب واحنا عارفين ان ربي اللي كاتبه لنا
تمسح دموعها بعنف وبصوت باكي:مو قادره استحمل شي ما ابيه ولا ابي احد ابي امي تكفين عمه خلاص تعبت
هزت اكتافها وبحّده:نجد امك الله يرحمها ماكانت بترضى يكون شكلك كذا بليلة عقّددك ..عارفه انك منهاره وماتبين شي بس لاتخلين الكل يشمتون فيك شوفي برا الكل يتكلم نجد مغصوبه حتى لو كان صدق لاتسمحين لهم يكملون بهالموال تعرفين هم وش كثر عادو امك لاتسمحين لهم الحين تصيرين سالفتهم بإن بنت هناء مغصوبه واكيد ورها شي وتربية امها انتي تعرفين وش كثر كلامهم مسمُوم لاتخلينهم يلقون عليك طريق
انصدمت من كلام زوجة عمها تستوعب الوضع اللي هي فيه لو حسُو عماتي بهالشي بينتشر بكل مكان واصير سالفتهم سنين
ربتت حصه على كتفها:انا الحين بخليك وانتي راجعي نفسك وشوفي وش الصح وسويه
وقفت دخلت الحمام تغسل وجهها وتناظره قد ايش تعبان وعيونها تحسست من كثر البكا مسحت وجهها -يارب قويني انت تعرف ضعفي وقلة حيلتي ساعدني ياربب-طلعت تصلي العصّر ..خلصت وحسّت براحه غرييبه ..اخذت شنطة مكياجها وبدات ..سمعت صوت الباب:ادخل
هيفاء:عادي نجيك
وقفت نجد :شدعووه تعالو اصلاً وينكم ضايعين
ورد:والله ابد حبيبتي جدتي مسكتنا ثلاث شغالات يالساعه تكرفنا
اميرة:بس لعيونك لو تبيه نكنس القصيم كنسناها
هيفاء:صدددق ااهخ كرفتنا
ضحكت على اشكالهم وحلطمتهم:والشغالات اللي جبتهم ليه ماينظفون
ورد:يختي ماتعرفين جدتك راصتهم يناظرونا واحنا نكرف
دخلت حصه:يلا بنات استعجلو اجهزو بيجون الضيوف وانتو للحين تتحلطمون
ركضت كل وحده تتجهز ومشغلين اغاني وكانت السعادة تعم المكان ..خلصت تطالع نفسها فالمرايه باعجاب ورضى التفتت للبنات:ها كيف صرت
ورد تصفر :والله العظيم ماعمري شفت وحده بكامل هالاناقه
اميرة:ماشاءلله نجد وش هالحلا كلّه تبارك الله تحصني
دخلت عليهم هيفاء بالبخُور وضاعت بجمال نجد :لا اله الا الله تبارك الله بسم الله عليك انتي لازم نرقيك ماينفع بس نحصنك
ضحكت ورجعت تناظر شكلها:تتوقعون باعجبه يعني
ورد:مهبوله انتي لو ماتعجبيه فعيونه البلا
اخذت اميره المبخر وحطت لها عُوده تبخر نجد:الله يوفقك ويسعدك ويفتح عليك والله يجعلها زيجة الدهر ان شاءلله
نجد من ورا قلبها :اميين
دخلت سعاد بنت عمهم:بنات اعمامي ينتظرونكم تحت ..ماشاءلله عليك طالعه قمر
نجد بمجامله:حبيبتي حتة منك
طلعت وقلدتها ورد:ماشاءلله طالعه قمر الحماره تقولها وتشمق لنا وش شايفتنا
نجد:ماعليك منها غيرانه صدقيني
اميرة:جعلها من كذا لاردى شفتوها بنات كيف تطالعنا واحنا نرتب ودي اكفخها
هيفاء:خلاص بسكم هواش يلا ننزل ولا جدتي بتطلع بعصاها
كانت هناي تختار بين الفساتين محتاره :ياخي مدري وش البس اخاف اصير اوفر واخاف اصير بزياده هاديه
الجوهرة:انا اقول البسي هذا اللي لونه زيتي احسه حلو وانيق
تطالعه بتفكير:تحسين؟
كانت الجوهره مركزه تسوي الكحل:همم-التفتت لها-شوفيهم سوا؟
تتفحص عيونها:اي اي سوا يلا خلصي قبل يجون
زفرت بتوتر :ليت امي معانا احس جتني ام الركب الحين
هناي:اي والله ليتها معانا كان عزيز الحين طاير من الفرحه شفتيه امس كسر خاطري مررره
الجوهرة:عشان الهدايا؟
هناي:ايييييه جته لحظة ادراك ان محد قال له بعدين صدق يعني لا ام ولا اب مين بيقوله
تنهدت بحزن:والله صدق الله يعينه بس
دخلت عليهم وجد :شراييكم
هناي:هذي اللي مو متحمسه ماشاءلله عليك مخلصه اول وحده
وجد:تعرفوني ما احب اتاخر على احد بعدين ترا اتصل علي خالد اللي عندها عوده تعطيه
لبست الجوهره عبايتها :انا بروح اعطيهم
هناي:عادي نقول لهم يجون ياخذوها
الجوهرة:لا انا بروح
خذت العودة والبخور طلعت تمشي ناحية جناحهم دقت الباب وفتح لها انصدم وتاه فعيُونها نسى حتى الكلام رجعت خطوه :عزيز مو هنا
اشاح عيُونه عنها :ايوه ادخلي هو جوا انا طالع
مشى من جانبها ولاكن داهمته ريحة عطرها اللي خلاه يرتبك ويننسى حتى كيف يطلع ..دخلت وسكرت وراها الباب ونبضات قلبها كل مالها تعتلي تحس الحراره تعلتي فجسدها شالت نقابها تناديهم:عزيز خالد
طلع عبدالعزيز مصدوم:انتي وش جابك
ابتسمت باحراج:جيت عشان ابخركم
يتلفت فالجناح :بس هنا فيصل كيف تدخلين
انحرجت من كلامه وماعرفت تنطق تحسّه يسمع نبضات قلبها اللي ماهدت..:شكله اللي كان فالممر طالع بعدين انا عندي نسخه من مفتاحكم عشان كذا دخلت
عبدالعزيز:زين خلصتو.؟
حطت العُوده على البخور واقتربت منه:ايه خلصنا والواضح لي انك خلصت
ابتسم من قُربها ومحاولتها في إنها تحسسه بإنها بجنبه:اي خلصت
رفعت غترته تبخرها:الله يسعدك ويكتب لك الخير ولا وصيك عزيز البنت حطها فعيُونك عارفه انك مارح تقصر معاها وبتحطها بعيونك بس حبيت برضو اوصيك خليك لها سند وذخر ولا تحسسها الا إنها قطعه منك ..بس هذا الكلام اللي بخاطري اقوله لك وبعد اي شي تحتاجه او ماعرفت كيف تتصرف فيه لايردك الا لسانك انا موجوده فأي وقت ..والله ودي احضنك بس اخاف اعبي ثوبك مكياج -مدت له علبه صغيره-وهذي هديتي اتمنى تعجبك
كانت مشاعره تعصف فيه يحس بقرب الجوهره بالحنان اللي كل عُمره يدور عليه وكلامها وكأنه بلسم على قلبه من جرُوحه القديمه اقترب منها يبوس راسها:والله ما ادري وش اقولك بس الله لايحرمني منك والهديه اكيد بتعجبني دامها منك
الجوهره :ولا منك يارب..الا خالد وينه مختفي
خالد من وراهم :قاعد اراقبكم من ورا وش هالدلع لعزيز ونا وين رحت لي الله
ضحكت واقتربت منه تبخره:افا عليك كلكم بعيُوني الثنتين
خالد باستهبال؛بالله شكلي مو عريس بس ناقصني بنت الحلال
عبدالعزيز:خلاص بس نخلص مني ندور لك ولا يهمك
الجوهره:يلا انا برجع دقايق ونخلص
عبدالعزيز:اعجلو
الجوهره:ابششر
