قطع عليه اتصاله..طلع يكلمه برا..:حي الله ابو حاتم
ابو حاتم:كيفك عبدالعزيز ان شاءلله بخير
عبدالعزيز:الحمدلله طيب انت اخبارك
ابو حاتم:والله الحمدلله على مايحبه قلبك..كلمني ابو منصور وعلمني بإنك راح تروح معاهم للمهمه
مسح دقنه بخفه:اي والله بنروح انا وحاتم
ابو حاتم:الله يوفقكم ويسدد خطاكم بس حبيت اخبّرك عن مها اليوم كانت عمليتها
تنهد بضيق:هذي ثالث عمليه لها صحيح؟
ابو حاتم؛للاسف بس نقول الحمدلله باذن الله تتحسن
عبدالعزيز:اجل سلم لي عليِها وتحمد لها بالسلامه عني
ابو حاتم:مو ناوي تكلمها
بهاللحظه كانت واقفه وراه من غير مايحّس فيها..ابتسم لسؤاله:والله ياعمّي ماودي اكلمها وتشُوفها مها من منظور ثاني وانا الحين متزوج والاكيد لو عرفت زوجتي مستحيل تتقبلها تعرف قلب المراه ينعمي وقت الغيِره ونا ماودي افكر حتى اني اختبر غيرتها غلاها عندي كبيِر
تنهد بضيق:الله يخليكم لبعض ويرزقكم الذريه الصالحه ياولدي هذي نجد صح اللي كلمتني عنها
ابتسم يستذكر:ايه نجد العذيِه اللي أسرتني من سنين
ابو حاتم:اجل وصلت لمناك ياعزيز
بعثر شعره وبابتسامه:الحمدلله وصلت لمنُاي ومبتغاي بهالحياة
ابو حاتم:الله يوفقكم يارب يالله ماطول عليِك
عبدالعزيز:الله معَاك
تخبّت من حست انه بينهي مكالمته تنهدت تحاول تخبي فرحتها بكلامه كانت تجهل من تكُون مها بس بعد كلامه تأكدت ان مالها وجود بحياته ..
ناداها عبدالعزيز:نجد يلا تاخرنا
طلعت له ومدت لها شنطتها الصغيره:يلا خلصت
اخذ منها الشنطه ومشت قبلّه ..انحنى واخذ ورده من البوكيه وطلع معاها ..ركب السيارة ومّد لها الورده :اتمنى تقبليها
ابتسمت بحّرج تحسه يسمع نبضات قلبها كان ارتجافها واضح عليِها:شكراً
تنهد براحه وحّرك وكان الهدوء هو سيد هاللحظه وصلُو المخيم ووقف لها ناحية مخيم الحريِم والتفت لها:انتبهي لنفسك وتدفي زين لايضربك هوا -مسّك يدها-وتراني كل الوقت انتظرك وانتظر اشاره منّك وانتثر عندك
عضت شفايفها من الحرج :ان شاءلله ..وانت بعد انتبه على نفسك
ابتسم بعذوبه؛من عيُوني
ترّك يدها ووصلها للباب وركب سيارته ومشى لمخيمهم كان مقابله وبينهم مسافه بسيطه..
وصل والكل مجتمع وبدأو يشبون نار ويحطون عليها الدلال كانت لحظّات حنونه حيِل على قلبه..
دخلت عند قسم النساء نزلت عبايتها وعدلت شكلها ودخلت سلمت عليهم وطلعت للبنات ..كانو يحاولون يشبون النار ..
نجد:السلام عليكم
الكِل:وعليكم السلام
هناي:واخيييرا مابغيتي تجين تفكيني من بنات عمك الفاشلات
ضربتها هيفاء:وجعع ان شاءلله ما الفاشل الا انتي ولا بالله عليك احد يشغل حطبه كبر راسها بهالولاعه
ضحكت عليهم واخذت كوب قهوه:وللله طلعوني من محارشتكم مقدر عليكم
ورد:والله صدع راسي من الحين كيف بتحمل اربع ايام هواشهم
اميره:معليكم اجر اجر
وجد:الله نجد شكلك طالع حلو مع القصير
نجد:حبيبتي والله انتي الحلوه
جت الجوهره وبيدها اكواب قهوه:اهلللاً نجد مابغينا
نجد بحرج كانت عارفه إنهم تاخرو وينتظروهم:هلا فيك يابعدي
هيفاء:ياربي ببكي اتركي هالولاعه يبنت الحلال يبي لها غاز
ضحكت هناي بهستريه:انتي حماره اكيد الغاز يطير قولي بانزين
ضربت كتفها:صححح صح بانزين
هناي:اميره انتي عندك خبره يقولون
عقدت حواجبها:والله هالحطب كبيره مره ماعرف له اللي عندنا مره صغار ويشتغلون بسرعه
هناي:مالها الا اخوي سندي وسنايدي يفزع لنا
نجد:عزيز؟
هناي:ايه او مشعل
نجد:بدق عليه اشوف
-اخذت جوالها واتصلت عليه وماهي الا ثواني ورد-:ياهلا
نجد:عزيز ماقدرنا نشغل النار كيف نسوي
طلع من عندهم يكلمها براحته:تبين اجيكم اشغلها
نجد:والله مانقول لا
عبدالعزيز:اجل يالله بجيكم وادخلو كلكم لان حاتم بيكون معاي بننزل عندكم العشااء
نجد:تمام -قفلت الخط-يقول بيجي يشبها وبينزلون هو وحاتم العشا ندخل جوا
هيفاء:زين يلا ندخل
من سمعت طاريه حسّت بالحماس إنها تشوفه دخلت معاهم وجلست قبال الشباك تراقب دخُولهم..
