သက်တန့်သတိရလာသောအခါ နန်းဆက်ကိုတွေ့လိုက်ရသည်။သက်တန့်ကိုကြည့်၍ နန်းဆက်က စကားဆိုသည်။
"သတိရလာပြီပဲ။အဖျားတွေတက်နေတာ၃ရက်တောင်ရှိနေပြီ"
"ရှင့်ကိုထပ်ပြီးပြဿနာရှာမိပြန်ပြီထင်တယ်"
"အင်း....အဲ့ဒါကမင်းကိုတွေ့တွေ့ချင်း ရက်ရက်စက်စက်သေခိုင်းမိတဲ့အတွက်လက်စားပြန်ချေတာလို့ကိုယ်ထင်တာပဲ"
"တကယ်ပြန်တွေးကြည့်တော့ရှင်မှန်ခဲ့ပါတယ်။သက်တန့်က ကိုယ့်ရဲ့ဒုက္ခတွေအတွက် တစ်ခြားသူကိုအမှုပတ်အောင် လုပ်ခဲ့မိတာ။ရှင့်လုပ်ခဲ့တဲ့လုပ်ရပ်က မှန်ကန်သားပဲ"
နန်းဆက်ကသက်တန့်ကိုခပ်လှောင်လှောင်မျက်နှာဖြင့်ကြည့်ရင်းပြောသည်။
"မင်းကို ဘာမှကောင်းကောင်းမတွေးနိုင်တဲ့ ခပ်စွာစွာကောင်မလေးလို့ထင်ထားတာ။မင်းက ဒီလိုလည်းမှန်ကန်စွာတွေးခေါ်နိုင်သေးတာပဲ။မဆိုးဘူး"
"အမြဲတမ်းစကားကိုအပေါ်စီးကပြောတယ်နော်။ဘယ်တော့မှ လူတစ်ဖက်သားကိုညှာတာလေ့မရှိဘူး"
"အဲ့ဒါ မင်းအမြဲတမ်းတွေ့ရမယ့်ကိုယ့်ရဲ့ပုံစံပဲကလေးမ"
"နောက်ထပ် ရှင်နဲ့တွေ့စရာ၊ပတ်သက်စရာအကြောင်းရင်းရှိသေးလို့လား"
"ရှိကောင်းရှိလိမ့်မယ်လို့ကိုယ်တော့ထင်တာပဲ"
"ဘာကြောင့်လဲ"
"ကိုယ်ကမင်းရဲ့ပန်းချီပြပွဲအသက်ဝင်လာစေဖို့အတွက်ကူညီပေးရင်ကောင်းမလားလို့"
"ရှင်က သက်တန့် ဖြစ်ချင်တဲ့အရာကိုဘယ်လိုသိတာလဲ"
"ကိုယ့်ရဲ့ကားပေါ်မှာကျန်ခဲ့တဲ့စာအုပ်ကတစ်ဆင့်ပေါ့"
"ရှင်က သက်တန့်ရဲ့စာအုပ်ကို ခွင့်ပြုချက်မရပဲကိုင်ခဲ့တာပေါ့"
"မင်းစည်းကမ်းမရှိလို့ကျန်ခဲ့တာလေ။အဲ့ဒါအတွက်စောင့်ထိန်းဖို့ကိုယ့်မှာတာဝန်မရှိဘူး ကလေးမ"
"ရှင်က အပြစ်လည်းလုပ်သေးတယ်။လေသံကမလျှော့ဘူးနော်။ရှင့်ကိုယ်ရှင် ဘာထင်နေတာလဲ"
"ကိုယ့်ကိုရန်တွေ့ဖို့ကြိုးစားနေတာပဲလား။တကယ်ဆို အခုကိစ္စနဲ့ပတ်သက်ပြီး မင်းကိုယ့်ကို ကျေးဇူးတင်သင့်တာ"
YOU ARE READING
သက်တန့်မျှော်စင်💛
Fantasyနန်းဆက်ထည်ဝါက သက်တန့်မျှော်စင်ကိုသိပ်ချစ်တာ.....။ နန်းဆက်က စုန်းလိုက်မုဆိုးတစ်ယောက်ဖြစ်နေခဲ့ပြီး ချစ်ရသူ သက်တန့်မျှော်စင်က စုန်းမတစ်ယောက်ဖြစ်နေခဲ့သောအခါ......။ စုန်းလိုက်မုဆိုးရဲ့လက်ချက်နဲ့သက်တန့်မျှော်စင်က သေဆုံးသွားမလား.....ဒါမှမဟုတ်......စုန်းလို...
