ဂိမ်းလေး အေးဆေး ဆော့ပါရစေ Book 2 ( Ch 991 - )

1181 - 1185

အခန်း(၁၁၈၁) ညစ်နွမ်းသွားပါပြီ…။

အနည်းကိန်းစကြာဝဠာအတွင်း ကြယ်တစ်ပွင့် ဖျက်ဆီးခံခဲ့ရ သည်။ တစ်ချိန်တည်းမှာပင် ကျိုးဝမ်၏ ခန္ဓာကိုယ်ပေါ်ရှိ တွဲဖက် သားရဲတစ်ကောင်ကို လီရွှမ်ထံသို့ လွှဲပြောင်းပေးခဲ့သည်။ လီရွှမ်၏ လက်ဝါးတွင် ထူးဆန်းသော အမှတ်အသားတစ်ခု ပေါ်လာ၏။

သင်္ကေတသည် ဂြိုဟ်ဝါးမျိုသူ၏ အမှတ်သညာပင်..။ ကျိုးဝမ် က လီရွှမ်ထံသို့ လွှဲပြောင်းပေးရန် စီစဉ်ထားခဲ့သည် တွဲဖက်သာားရဲ ဖြစ်သည်။

        သူ အကူအညီတောင်းဆိုသောအခါ လီရွှမ်သည် မည်သည့် မေးခွန်းမျှမမေးခဲ့သည့်အပြင် စကားတစ်ခွန်းမှ မပြောဘဲ လိုက်လာ ခဲ့သည်။ သို့သော်လည်း ဤခရီးသည် အလွန်အန္တရာယ်များ လွန်းသည်။ စစ်မှန်သော မြေအောက်ကမ္ဘာတွင် မည်သည့်အရာများ နှင့် မည်သည့်အန္တရာယ်များရှိနေမည်ကို မည်သူမျှ မသိနိုင်ကြပါ..။

ကျိုးဝမ်သည် ဂြိုဟ်ဝါးမျိုသူကို လီရွှမ်သို့ လွှဲပြောင်းပေးခဲ့ပြီး သူ့ကိုယ်သူကာကွယ်နိုင်စွမ်း ပိုရှိလာမည်ဟု မျှော်လင့်မိ၏။ အကယ် ၍ မြေအောက်ကမ္ဘာအစစ်အတွင်း သူ့အပေါ် တစ်စုံတစ်ရာဖြစ်ပျက် လာခဲ့ပါက ဤအရာကို အသုံးပြုနိုင်လိမ့်မည်..။

အမှန်တကယ်တော့ ဤအရာသည် အဆိုးဆုံးကိစ္စများအတွက် မှန်းဆထားခြင်းသက်သက်မျှသာ ဖြစ်သည်။ တောင်ဆိတ်လိုမျိုး ဘေးဥပဒ်ကပ်ဘေးအဆင့် ဆရာကြီးတစ်ဦး အနီးတွင် ရှိနေခြင်းနှင့် အတူ သူတို့သည် မြေအောက်ကမ္ဘာအစစ်သို့ ရောက်ရှိသွားခဲ့လျှင် ပင် မည်သည့်အန္တရာယ်မှ ရှိနိုင်မည် မဟုတ်ပါ..။

        “ အိုးမိုင်ဂေါ့… ကြောက်ရွံ့ခြင်းအဆင့်တွဲဖက်သားရဲလား..”

   လီရွှမ်သည် ဂြိုဟ်ဝါးမျိုသူကို ရရှိပြီးနောက် ၎င်းနှင့် ပတ်သက် သည့် အချက်အလက်အချို့ကိုလည်း ရရှိခဲ့သည်။ ဂြိုဟ်ဝါးမျိုသူ၏ အဆင့် နှင့် အရည်အချင်းမျးကို လေ့လာပြီးနောက် သူသည် ကျိုးဝမ် ကို အံ့ဩတကြီး ကြည့်နေမိသည်..။

ကျိုးဝမ်က ကြောက်ရွံ့ခြင်းအဆင့် တွဲဖက်သားရဲတစ်ကောင် အမှန်တကယ် ပေးလာခြင်းကို သူ အံ့အားသင့်သွားခြင်း မဟုတ်ဘဲ ဤအရာသည် ဥဖောက်ပျိုးထောင်ပြီးသား တွဲဖက်သားရဲဖြစ်နေ သောကြောင့်ပင်..။ ထိုသို့သောစွမ်းရည်မျိုးကို လုံးဝမကြားဖူးခဲ့ပါ..။