ဂိမ်းလေး အေးဆေး ဆော့ပါရစေ Book 2 ( Ch 991 - )

1056 - 1060

အခန်း(၁၀၅၆) အရိုးအိုး

လပေါ်တွင်ရှိနေသောကြောင့် လူတိုင်း စိတ်လှုပ်ရှားနေကြ၏။ အကယ်၍ တစ်စုံတစ်ခုဖြစ်ပျက်လာခဲ့လျှင် အာကာသဝတ်စုံများကို ပျက်စီးစေရုံမျှဖြင့် သူတို့၏သေဆုံးခြင်း ရလဒ်ဖြစ်နိုင်သည်။

လပေါ်သို့ရောက်ရှိပြီးနောက် သူတို့သည် ပတ်ဝန်းကျင်ဧရိယာ ကို စကင်န်ဖတ်ရန် ရေဒါကို အသုံးပြုထားပြီးဖြစ်သော်လည်း ပုံမှန် မဟုတ်သည့် မည်သည့်အရာကိုမှ မတွေ့ခဲ့ရပေ..။

ကျိုးဝမ်လည်းသတိလက်လွတ်မနေဝံ့ပါ။ အမှန်တရားနား ထောင်သူကို ဆက်လက်ထားရှိသော်လည်း ဤနေရာတွင် ၎င်း၏ စွမ်းရည်အပေါ် သက်ရောက်မှုရှိပုံပေါ်သည်။ ကမ္ဘာပေါ်မှာလောက် အသုံးမဝင်တော့ပါ..။

အခြေစိုက်စခန်းသို့ သူတို့ဦးတည်သွားသောအခါ လူတိုင်း အဆင်မပြေ ခံစားနေရသည်။

ဒဏ္ဍာရီလာအဆင့်တွဲဖက်သားရဲစီးတော်ယာဉ်များဖြင့် သူတို့ သည် လျင်မြန်စွာ ရွေ့လျားသွားကြသည်။ ကြီးကျယ်ခမ်းနားသော ဗာရာဂျာနွားသိုးသည် ဤနေရာမှ ဆွဲငင်အားနှင့် လျင်မြန်စွာ လိုက် လျောညီထွေဖြစ်သွားပြီး ကမ္ဘာမြေထက်နှေးကွေးခြင်း မရှိပါ..။

   ရှန်းယွိချီက ဒဏ္ဍာရီလာအဆင့်တွဲဖက်သားရဲတစ်ကောင်ကို ဆင့်ခေါ်ခဲ့သည်။ ဧရာမကြံကြီးတစ်ကောင်ပင်..။ ကျန်သူများ ထိုင် ရန် လုံလောက်သည်ထက် ပိုနေခဲ့သည်။

    သူတို့သည် မရောက်ခင်က ဓာတ်ပုံများကို မြင်ဖူးကြသော် လည်း စခန်းကိုရောက်သောအခါ သူတို့ရှေ့မှမြင်ကွင်းကြောင့် ထိတ် လန့်နေကြဆဲပင်..။

မီတာရာနှင့်ချီ ရှည်လျားသော အခြေစိုက်စခန်းသည် သတ္တဝါ အချို့ကြောင့် တွင်းထဲသို့ နစ်မြုပ်သွားခဲ့သည်။ အဆောက်အဦး အများစုမှာ ပြိုကျနေခဲ့သည်။ အဆောက်အဦးများမှာ ပြားချပ်သွား ခြင်း မပြုလျှင်ပင် ကျောက်လွှာအတွင်းသို့ ခြေမွခံထားရသည်။

     ကြည့်စရာ မလိုအပ်တော့ပါ။ အတွင်းပိုင်းတွင် သက်ရှိလူသား တစ်ဦးရှိရန်ဆိုသည်မှာ မဖြစ်နိုင်ပေ..။