ظل البقية يحدقون بها بذهول، ما الذي تهذي به هذه الفتاة ؟
وعندما لم تجد منهم أي تعبير يظهر تعاطفهم أو تصديقهم لها لتقول وقد ندمت لأنها أتت من الأساس فعهد محقة :- على العموم أنا ماشية ولو عاوزين تيجوا وتعرفوا الحقيقة المستشفى في ******
قالت ذلك ثم ركضت بسرعة للخارج، ولم تعيرهم أي اهتمام ولم تر مدى الصدمة التي حلت عليهم.
تحدثت ندى بصدمة :- هي البنت اللي كانت هنا مين وايه اللي بتقوله دة ؟
تحدث يوسف بتفكير :- متخافوش أنا هروح العنوان اللي أدتهولنا دة وهشوف إن كلامها صح ولا بتنصب.
قالت ندى بخوف عليه :- لا يا يوسف لأحسن تكون بتكدب هي أكيد كدابة وعازوة تعمل شوشرة مش أكتر، عدي ابني استحالة يعمل حاجة زي كدة .
تحدث فريد بريبة وهو ينظر لعدي قائلًا:- هنشوف يا ندي هنشوف .
على الجانب الآخر وصلت بسمة المشفى وصعدت بسرعة عند زوجة خالها لتقول بأنفاس متقطعة :- ها يا مرات خالي إيه الأخبار ؟
هزت رأسها قائلة:- لسة ماحدش طلع من العمليات ربنا يسترها عليها وتقوم بالسلامة.
أردفت برجاء :- يارب تقوم بالسلامة أنا خايفة عليها أوي.
بعد دقائق خرجت الطبيبة لتسرع بسمة قائلة بلهفة :- طمنينا يا دكتورة .
هتفت بابتسامة متعبة :- الولادة كانت صعبة علشان هما تلاتة، بس الحمد لله عدت على خير والام والأطفال بخير، هي ولدت طبيعي ودي حاجة كويسة جدا، تقدروا تشفوها بعد ما ينقلوها من أوضة العمليات .
وبعد مرور ثلاث ساعات تتمدد عهد على الفراش بوهن، وهي تحمل إحدى الأطفال وهي ترضعه وتبتسم له بحنان فطري، بينما تحمل بسمة طفلًا آخر وكذلك زوجة خالها، لتقول بسمة بتذمر:- إيه دة مفيش بنت ليه ؟
ضحكت زوجة خالها وهي تقول :- قولي ما شاء الله والحمد لله على كل حال .
هتفت بسمة بحماس :- هتسميهم إيه بقى ؟
أردفت بابتسامة بسيطة :- هسميهم تميم ويوسف وفريد .
قالتها بوجع وهي تتذكر أن هذه الأسماء قد اختارتها مسبقًا، لتقول بسمة بمرح :- ما تسيبك من يوسف دة وسميه مرعي، يوسف بيجيب حموضة اسمعي مني .
وبختها زوجة خالها قائلة:- وبعدين معاكي نقطينا بسكاتك العيال عيالها وهي حرة .
بلعت ريقها بصعوبة وهي تقول:- عهد أنا عملت حاجة كدة بس ما تزعليش مني، أنا عملت كدة من خوفي عليكي والله .
نظرت لها عهد بتعجب قائلة:- عملتي إيه يا بسمة ؟
رددت بتوتر :- أنا روحت لأهل اللي ما يتسمى وقولتلهم، وكمان اخوكي يوسف احتمال يجي هنا .
شهقت عهد بصدمة وهي تردد بعتاب طفيف :- ليه عملتي كدة ؟ أنا مش محتاجة حد منهم .
أردفت بسمة بتعقل:- بس يا عهد ولادك محتاجين يعرفوا أهلهم أنتِ مش هتفضلي كدة علطول في الوضع دة .
أنت تقرأ
المتاهة ( الجزء الأول والثاني)
Randomنتوه في دروب الدنيا بحثًا عن الحقائق، نصل لأهداف قد تهدأ من روع أمورنا ولكن هل سنجد طريقًا أم سنظل في متاهة لا خروج منها . كوميديا دراما رومانسية كل هذا الخليط تجدونه في المتاهة .
