عيونً عشتها شعر وشعور..

البارت الثاني عشر

(بسم الله الرحمن الرحيم)
"الـــــبـــــارت الثاني عشر"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
سيف رفع الجوال ورد:هلا شفيك تصارخين
حنين: اللي سمعته صدق
سيف: وش سمعتي
حنين: انه عبدالعزيز صار له شلل؟.
سيف يضحك:لا قاعدين نضحك مع بعض
حنين عصبت:تستهبل انت وياه ترى
انا سامعه الدكتور زين
سيف:يالليل خلاص صار له والحين حظرتك
كيف بتقولين لزوجته الخبر؟.
حنين:حنا بنات ونتفاهم انتم خلوكم مع
عبدالعزيز وسكرت الجوال عليه
سيف عصب منها وحط الجوال بجيبه
راحت حنين عند البنات وكانت تمشي بهدوء
وماودها انها توصل لانها مو عارفه كيف تقدر
تنطق باللي حصل لهم ويوم وصلت
البنات توجهت انظارهم لها
ختمه:حنين عبدالعزيز فيه شيء
حنين ابتسمت:الحمدالله مافيه الا العافيه ابشرك
والبنات يحمدون ويباركون لها
ووجه حنين واضح انه ما يبشر
ختمه بصرامه:قلي اللي عندك مات ولا ايش؟.
حنين:لا بس هو صار له اااءءءء
ختمه:اخلصي قولي بسرعه
حنين بسرعه قالتها :عبدالعزيز صار له شلل
وماراح يقدر يمشي هالفتره
ختمه يوم سمعت الخبر كانه ماء بارده نزلت عليها
وارجعت تبكي من جديد:ليه ياربي ليه جعله
فيني ولا فيه جعله فيني وتضرب نفسها
وعد تضمها:بسم الله عليك وش هالكلام
حنين قربت منها:ختمه ذا مكتوب تصبري
لمى:شلل اهون من موته والله
اماني:والشباب بيكونون معه لاتخافين
حنين: والدكتور قال انه يقدر يرجع يمشي
بس يحتاج اعتنى زايد عن العاده
ختمه:ليه ياعبدالعزيز تسوي فيني كذا ليه
والبنات جلسوا حولها ويحاولون يخففون المصيبه
اللي حصلت لختمه لكن ماقدروا عليها
ولمى جابت الممرضه عشان تعطيها ابرة
التخدير وبعد دقايق عطتها 
عشان تنام وترتاح والبنات راحوا عند الشباب
سيف يوم شافهم:ها حنين بشري شصار
حنين:ماقدرنا عليها البنت تاثرت بقوة وماوقفتها
الا ابرة التخدير ولا كان مدري وش بيحصل
سيف:يووه الله يعينهم ويصبرهم على مابتلاهم
والكل دعاء لهم بتخفيف المصيبه اللي حصلت
زياد:شباب الاجازة بعد اسبوع وعرس صقر شالحل
تركي:ياربي لا نقدر نترك عبدالعزيز بالحاله ذي ولا
نسحب على الإجازة ومانشوف اهلنا وحتى صقر
ضروري نكون متواجدين معه من له غيرنا
حنين:سيف بسالك صقر ذا وش اسم زوجته
سيف:ليه وش طرى لك بالسوال؟.
حنين:في بالي شيء وابي اتاكد منه
سيف:على اللي اعرفه تقرب له واسمها شوق
حنين تضحك:يوه يالصدفه الرهيبه
الكل يطالعها "خبله ولامجنونه"
سيف:شعندك تضحكين وش صدفته والخرابيط
ذي اللي قاعده تتكلمين عنها
حنين:صديقتنا اسمها شوق وزوجها صقر 
بيعرسون الاسبوع الجاي بعد فممكن يكونون هم
سيف:اها احسب عندك سالفه
حنين:لا ماعندي لكن أنت المسؤل بتوديني
عرسهم ان شاء الله وقتها واذا ماهم هم
راح توديني بعد اول ثم بعدها تروح
سيف:يصير خير خلينا في مصيبتنا الحين
تركي:المهم شباب وبنات لازم نرجع الان
لان وجودنا عندهم ماراح يجيب اي فايده لهم
فلازم نرتاح اول ثم نرجع لهم 
سيف:صادق تركي يلا الكل يمشي ولا يبقى احد
هنا الكل يرجع للشقه نرتاح ونرجع بعدين
بعد مرور ساعه
"عند الشباب"
سيف دق على صقر
صقر:هلا والله سيف اخبارك واخبار الشباب
سيف:نحمدالله لكن مدري شلون اقولك
صقر: تكلم يا رجال ماعليك تطمن
سيف:العلم والله ان خوينا عبدالعزيز للاسف
صار له حادث هو و زوجته
صقر:لا اله الا الله عساهم بخير بشر
سيف: ابشرك زوجته بخير بس هو ماهو بخير
صقر:ليه حصل له شيء؟.
سيف:على كلام الدكتور صار له شلل
صقر:لاحول ولاقوة الا بالله شلل مره وحده
سيف:اي والله مدرى كيف بيتحمل الامر
صقر:الله يعينهم ويقومهم باقرب وقت
سيف:امين يارب العالمين
صقر:اجل معذورين خلوكم عنده هو
محتاجكم الان وتباركون لي بعدين
سيف:لا ياخوك مو مقصدي كذا لكن حنا
بنتاكد من الوضع اول وبنشوف ولكن اقل
شيء بيجي في زواجك كم واحد منا
صقر:والله ماتقصرون وتكفي صحبتكم
سيف:حبيبي والله صقر وباذن الله جميعنا
بنكون بعرسك ونزفك ونرقص بعد
صقر يضحك: ان شاء الله يلا انا اخليكم
وسكروا من بعضهم
"عند البنات"
كانو متجمعين لكن مو زي العاده كان
الهدوء سيد الموقف
لين تكلمت اماني:تتوقعون ترجع حياتهم طبيعيه
وعد:اي باذن الله كل شيء يرجع مثل ما كان
لمى:مرات المصايب تكون خيره وممكن
تقربهم لبعضهم اكثر ويعيشون مبسوطين
حنين:ختمه واضح انها تحبه رغم انه تعامله
معها اشوفه سيء لابعد حد ممكن
اماني تغمز لها:عادي مثلك مع سيوفي
حنين تطالعها:خير انتي وش سيوفي انطقي اسمه
زين اول بعدين تكلمي عنه
وعد تضحك:حركات يالغيره ماعرفك حنين
حنين:بلا طقطقه بنات جد بتكلم
لمى:كلنا اذاننا صاغية لك
حنين***^^^
#انتهى