بارت اول

الثامن عشر

(بسم الله الرحمن الرحيم)
"الـــــبـــــارت الثامن عشر "✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
"نسرع الوقت"
بعد مرور يوم ارجعو لبيوتهم واهلهم
"في بيت ابو سيف"
ابو سيف: ها شصار معك؟.
سيف:الوضع نفس ماخططنا له
ابو سيف:وش اثبت لك انه نفس ماقلت لك
سيف:انا خطبتها واقرب شيء بتوافق
ابو سيف:تمام نروح ونشوف رأيها
سيف:الان!!
ابو سيف:تعال معي بس وراحوا
وكانوا ام سيف وابرار وحنين مع بعض
(حنين عايشه معهم لانها تعتبر يتيمه فقدت والدينها
بحادث وعاشت عند عمها).
ابو سيف:اخبارك يابنتي
ابرار:والله تمام
ابو سيف:اسكتي انتي ماكلمك اكلم حنين
سيف يضحك:نسف نووي من اجمل ما يكون
ابرار:حرام عليك بابا
حنين:الحمدالله بخير ياعمي
ابو سيف:ها رايك بالموضوع اللي قاله سيف
ام سيف:موضوع ايش اللي تتكلمون فيه
حنين بهدوء اللي تشوفه ياعمي وقامت عنهم
ابرار:سيف شالسالفه تكلم
ابو سيف:سيف خطب حنين يوم كانوا بالخارج
ام سيف:ما شاء الله وانا اخر من يعلم
ابرار:والحين هي وافقت عليك؟.
سيف:اي وفيه احد يرفضني
ابرار:يييععع مالقت الا انت
سيف يضربها بالمخده:اص انتي لاتتكلمين
ام سيف:مبروك ياوليدي رغم انك زعلتني منك
سيف قرب لها وباس راسها:الا زعلك يالغاليه وانتي
وابوي واحد وكنت بكلمك لكن ابوي استعجل
ام سيف:بكل شيء مستعجل مو شيء جديد
ابرار:خلني اقوم اشوف حنين ابرك لي
سيف يرفع صوته عشان
تسمعه :واتمنى انك ماترجعين
ابرار طنشته وراحت عند حنين
لقتها جالسه وقربت منها وجلست مقابلها
ابرار:ايش هالحركات من ورانا تحبون ها وتغمز لها
حنين تضحك:مو حب بس خطبني ووافقت
ابرار:ماتوقع كلامك صحيح بس نمشي لك
ومبروك ياقلبي تتهنين في حياتك
حنين:الله يبارك فيك عقبال مانشوف عيالك
ابرار:لا انا مطوله جدا ولا افكر بالزواج أبدآ
حنين:انا كنت مثلك بس الافكار تتغير
ابرار:واضح لعب بعقلك وانتم هناك
حنين تضحك:تقدرين تقولين كذا
ابرار:يلا انا اخليك ترتاحين وتسرحين
في عالم خيالك وافكارك لين تتعبين
حنين:ماقصرتي ابرار ضحكتيني ابعدتي عني التوتر
ابرار:ماعليك باي وقت تامرين يابنت عمي
حنين تضحك:بوساتي لك
سيف خش عرض:وانا مالي شيء
ابرار:بسم الله شجابك انت
سيف يغمز لحنين:جاي اشوف زوجتي المستقبليه
حنين اخذت المخده وغطت وجهها
ابرار:حرك حرك بس توها ماصارت زوجتك
سيف:لاتدخلين انتي بعدي خليني اشوف الزين
ابرار:اخذه معي يا حنين
حنين بصوت خفيف:ياليت
ابرار:تسحبه ابعد عنها سكرت الباب بعد معاناه
يلا روح شوف لك شيء يشغلك البنت تستحي
سيف:قريب وتكون 24 ساعه معي ماتفرق وراح
"في بيت صقر"
كان قاعد يلعب فيفا ومعصب
"الرجال انجلد ما ينلام"
جت عنده ندى وطلعت جوالها عليه
واجلست تصوره سناب وتتكلم وتعانده
:هذا وجه واحد بكره زواجه اقنعوني يا ناس
صقر:لا اسمع صوتك بعدي عن وجهي
ندى:مقالب تايم مش هتقدر تغمض عنيك
وتفصل السوني وتهج ولا تشوف الا غبرتها
صقر فز وقام يلحقها
وبحكم ان الخوف يولد سرعه هائله للانسان
بالطبع ندى ادخلت غرفتها وسكرت الباب
صقر بعد ثواني وصل جلس يدق بقوه
:هين ياندى ماراح تشوفين اللي يسرك
وخفف من عصبيته وراح جاب كوب ماء بارد
واتجه لغرفة ندى وقال: هذا وانا قلت مالي
الا اختي وحيدتي الا تستاهل اني اهديها
شيءً يسر العين بس عوافي راح عليها
ندى فتحت الباب بسرعه وجت بتتكلم
الا والماء امتلى عليها
وصقر انحاش بعد ما برد خاطره ولانه
يعرف ان الان موعد وصول جنون ندى
ندى تبكي: صقير تعال انا اوريك
صقر انحاش في امن مكان على وجه هاذي
الارض خلف ظهر امه
امه:انتم متى تكبرون وتعقلون وتضرب صقر بيدها
"اللي ضربتها مثل ضربة طفل صغير"
بكره زواجك وقاعد تحارش اختك
صقر: هي اللي بدت قاعد مع نفسي لحالي
تجي من تحت الارض عشان تسوي معي
حركات فتتحمل اللي يجيها مني
ندى ودموعها اربع اربع:طيب مقالبي خفيفه
وتجي انت وتخرب كل شيء مسويته في لحظه
صقر:السوني والجوال حاجتين اثمن منها ما فيه
ما اقارنه لا فيك ولا باحد فاهمه
ابو صقر***^^^
#انتهى