عيونً عشتها شعر وشعور..

الـــمـ٢٤ـئـــه

(بسم الله الرحمن الرحيم)
"الـــــبـــــارت "الـــمـ٢٤ـئـــه✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
مشاري: بدخل انا واسوي نفسي حزين
واقول انه العمليه افشلت ولا عاد
بيرجع نظرها من جديد
وعد تضحك: قدام وادخل افأجهم بعدها
مشاري:بالظبط
دقايق ودخل مشاري عليهم
والكل تحولت انظاره صوبه
حنين: وعد وينها
لمى:مشاري شصار
مشاري:صراحه مدري كيف اقولكم
تركي:قل اللي عندك بسرعه
مشاري: العمليه فشلت ولا عاد بيرجع نظرها
وكان غيمة حزن اعتلت الشقه
وكلهم بدا يوضح عليهم الحزن من الخبر
ثواني وادخلت وعد وصرخت: سبرايز
الكل شافها وانصدم
والكل صرخ بفرحه
وقامو البنات واتجهو لها وضموها
وبدوا يبكون من الفرحه ووعد تبكي
عبدالعزيز :ورع وش هالمقلب ذا
مشاري يضحك: ها كيف رهيب ولا
زياد:الحركه حلوه لان الفرح جاء بشكل مفاجئ
سيف يصفق ويعلي صوت عشان يسكتون
ثواني وسكت الكل واتجهت انظارهم صوبه
سيف:اليوم راح ندور بنيويورك ونحتفل بوعد
الكل صرخ بفرح ووعد معهم
واعتلى الفرح على وجيهم
من الخبر الجميل اللي صار لهم
حنين: يلا بنات نروح شقتنا ونجهز عمرنا
وراحو واجلسوا يتغنون بطريقهم
"نسرع الوقت"
بعد ما اطلعو وخلصوا كانو بالمطعم
مشاري:وعد اطلبي اي شيء تبينه
اماني: لا لا انتي اميره اليوم
ختمة: تستاهل تكون اميره
حنين: عاد جت بوقتها الفرح ذي
زياد:حتى النفسيات اليوم فرحانين
سيف: اقول نطلب ثم سولفو على راحتكم
"مر هاليوم وانتهى بسرعه"
كان يوم ما ينسي لأبطالنا
مر على شوق وصقر حزين جدا
وعلى الباقين كان الفرح عنوانه
"من بكره كانت ايام الويكند"
في شقة ختمة وعبدالعزيز
ختمة:بقولك شيء وذا قرار نهائي
ماراح اتراجع عنه عبدالعزيز
لف عليها عبدالعزيز وهو مبتسم: لا لا
اليوم ختمة مروقه تعطي اوامر
ختمة:عبدالعزيز اتكلم جد
عبدالعزيز عدل جلسته: تفضلي
ختمة سكتت لثواني ثم
قالت:عبدالعزيز طلقني
نزل هذا الخبر مثل الصاعقة على عبدالعزيز
اللي حاول يتاكد من اللي سمعه
عبدالعزيز: وش تقولين انتي
ختمة وهي تحاول تتماسك:اللي سمعته طلقني
عبدالعزيز: مستحيل اطلقك
ختمة: بس انا طلبتك هالشيء
عبدالعزيز:وليه ابي افهم مو حنا
عايشين بخير وش زينا وش قلبك
ختمة:ما اقدر اجاوب عليك بس طلقني
عبدالعزيز عَصّب: تستهبلين ختمة
عقلك براسك كل اللي مرينا فيه
والحين بسهوله تقولينها مو انتي
اللي حبيتيني وحببتيني فيك
ختمة بدن تبكي: عبدالعزيز طلقني طلقني ولا
عبدالعزيز:طلاق على جثتي ولا ايش تكلمي
ختمة:ماعاد تشوفني
عبدالعزيز: نفسها لا طلقتك ماراح اشوفك
ختمة:انتظرك تعطيني ورقتي
عبدالعزيز:عطيني سبب مقنع واطلقك
ختمة:ما اقدر اقول شيء لكن ماعاد اقدر ا
ستمر واتجهت بتطلع منه
لكن مسكها قبل لاتطلع عبدالعزيز
اللي بدا تنزل دموعه:قولي انه مقلب قولي
ختمة ودموعها ماتوقف: عبدالعزيز اتركني
عبدالعزيز يضمها له: ما ابي اترك ما ابي
ختمة وهي تبكي حاولت تبعد عنه
لين اقدرت واتجهت خارج الشقه
كان يشوفها عبدالعزيز وهي
تطلع قدام عينه وعاجز يسوي شيء
راح وجلس على الكرسي
وهو مصدوم من الخبر اللي سمعه
كيف شلون ومتى وليه
اساله كانت تدور بباله***^^^
*************
#انتهى