بارت اول

الخامس والاربعون

(بسم الله الرحمن الرحيم)
"الـــــبـــــارت الخامس والاربعون"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
سيف:عاد تدرين اني اقنعتهم انكم تجون معنا
بس عشانك عشان تنبسطين
حنين: طيب وين المكان
سيف:ما حددو لكن انتي اختاري
حنين:بخاطري نروح لمكان فيه العاب
وفعاليات كثيره
سيف:من عيوني ماطلبتي شيء
حنين من الفرحه باست سيف على خده
وسكرت الباب بسرعه
وكانت في هاللحظه ما بينهم الا باب
سيف اللي كان حاط يده على خده من الصدمه
وحنين اللي مرتكيه على الباب بظهرها
ويدها على وجهها من الحياء
مشاري ينادي سيف:وش فيك شكله جاك كف
سيف:ليه شايفني مثلك
مشاري تذكر كف وعد وانقهر:محد يفكر انه
يمد يده علي حتى
سيف قرب منه:ادخل بس لا امد يدي انا
مشاري:جرب حظك
سيف:ماعلينا بنروح لي الملاهي حقتهم
مشاري يطالعه:ورعان حنا
سيف:اولاً حنين قالت وانتهى الامر
وثاني شيء ترى العابهم حلوه ومتاحه للكبار
ماتصلح للاطفال لاتحسبنها نفس اللي عندنا
مشاري:نشوف الشباب ونتفق ونروح
سيف يسلك له:اي اي يلا
في الجانب الثاني
وعد رمت المخده على
حنين:ناويه تنامين على الباب
حنين:ها لا بس ولا لا خلاص
وعد:تكلمي
حنين تقدمت وصفرت وتصفق بيدها
:لو سمحتو انتبهو عندي خبر عاجل مفرح
الكل ركز وترك الشيء اللي شاغله
من جوال من باله من كل شيء
وركزو على حنين وانظارهم صوبها
حنين:اعلن لكم اننا بنطلع كلنا اليوم مع
الشباب وبننبسط في اراضي نيوريوك
البنات اصرخوا: هييهه
حنين:يلا بسرعه عشان ما يتركونا
قامو البنات يتجهزون
"في بيت ابو صقر"
كانو كلهم متجمعين
الا صقر اللي ما كان موجود
ابو صقر:بسالك يابنتي وين صقر
شوق:والله ياعمي مدري عنه دايم
يقفل جواله ولا يرد علي
ام صقر: الله يهديه
ندى:ماعليكم منه مرده يجي ماراح يطير
ابو صقر اخذ جواله وارسل له رساله
وكملو جلستهم
"نسرع الوقت"
كانو كلهم متجمعين حول بعضهم
وعيونهم تطالع اشخاص معينه
سيف:ها وش تبون نروح له اول
مشاري يأشر بيده:شرايكم نروح لذي
كانت تلعب بالناس وتدور فيهم
حنين:يممهه تخوفف وش هالاختيار
سيف:خلاص كنسلناها على من اقتراح ثاني
مشاري يطالع فيه:تستهبل انت بنجلس
ساعه نختار كذا اجل
لمى:شرايكم نلعب بالقطار اقل خطوره
سيف:خلاص القطار لعبه مناسبه للجميع
عبدالعزيز:انا بجلس ماراح العب باي شيء
حتى لو اني اقدر عليه ما ابيه
ختمة:انا بعد
عبدالعزيز طالعها:اول وحده تروح انتي
ختمة: ما ابي كيفي بالغصب هي
زياد:ورعان أنتم تتهاوشون
سيف:خلاص ختمة اجلسي عند عبدالعزيز
عبدالعزيز عطاها نظره ولف
دقايق وكلهم اركبو الا مشاري
اللي كان واقف وياشر بيده على
وجه وعد:ماراح اركب جنب ذي
وعد:يحصل لك انت وبعد يدك عن وجهي
سيف:اخلص علينا لاتاخرنا
مشاري:تركي ولد تعال مكاني
تركي:انا مرتاح هنا
مشاري:ماهقيتها منكم شباب
العامل يكلم مشاري انه يجلس
مشاري يتحلطم ويجلس جنب وعد
وعد طالعته وتغمز له:ها خايف
مشاري طالع بوجهها وبحركاتها وقلبه بدا
يدق ولف وجهه عنها بسرعه وحاول يبعد
عن راسه التفكير فيها
كان***^^^
#انتهى