عيونً عشتها شعر وشعور..

الثالث والستون

(بسم الله الرحمن الرحيم)
"الـــــبـــــارت الثالث والستون"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
صقر يضحك ويقرب منها ويسحبها
لحضنه ويضمها له بقوه
شوق تهمس له:صقر احبك
صقر الكلمه اثرت فيه ولاول مره يفكر
بشوق رغم كل ما حصل مازال
اسلوبها وتعاملها معه يسره
وصقر اكتفى بالسكوت وهي بين احضانه
"في شقة البنات"
كانت وعد واماني وختمة مع بعض
دقايق وادخلو حنين ولمى
حنين تطالع فيهم:شالسالفه
ختمة: تعالي اساليها بنفسك عجزت تقولي شيء
حنين قربت لي اماني:حبيبتي شفيك
اماني:ما فيني شيء ممكن ما تسالوني شيء
لمى:واضح الموضوع كايد
حنين:خلاص براحتك متى ما حبيتي تقولين
لنا علمينا حنا موجودين
لمى:وعد شصار معك
وعد:اسمحو لي اشوفه اليوم وعرفت
وقت المواعيد المسموح اننا نشوفه فيها
حنين:اي زين اجل بروح اعلم سيف عشان
ما يروح ويتعب عمره
قامت صوب شقة الشباب
اللي كانو جالسين بهدوء
بدون اي كلام ما بينهم
ثواني واندف الباب
وقام سيف وفتحه ولقاء بوجه حنين
سيف:هلا والله اكيد اشتقتي لي
حنين:خل عنك الحركات ذي
سيف:وش عندك قولي
حنين:وعد راحت وعرفنا الوقت المسموح
اللي نقدر نزور فيه مشاري ما يحتاج تروح
سيف:مهتمه فيني ماتبين اتعب
حنين:سيف اتكلم جد اماني شكلها ما
يطمن فيها شيء ولا تبي تقول عنه
زياد موجود ولا لا
سيف:زياد دق علينا وقال انه هاليومين
بيكون مشغول فيها ولا راح يجي عندنا
حنين:واضح ان بينهم مشكله كبيره
سيف:مدري بس لاتهتمي ماردهم
يتصالحون مثل دايم
حنين:خايفه على اماني وجهها ما يطمن
سيف:لاتشيلين هم وانا بكلم زياد
عنها واكيد بيجي ويرضيها
حنين: يا ليت ويلا انا ماشيه
سيف:على وين ياحلوه
حنين:بهاجر يعني بروح للبنات
سيف:قبل تروحين عندي طلب
حنين:اطلب وش عندك
سيف:ابي بوسه
حنين:ياعيباه اسكت لا يسمعونك
سيف:تبين اصارخ عشان يسمعون
حنين:لا لا سيف تكفى لاتسويها
سيف:حقي الشرعي يلا انتظر
حنين:ياربي منك ومن حركاتك
سيف:مالي شغل بسرعه عشان ترجعين لهم اسرع
حنين:يوه منك طيب غمض عشان ابوسك
سيف: تمام وغمض يلا بسرعه طولتي
حنين:اووفف منك اصبر علي
حنين قربت منه وعطته بوسه سريعه
سيف فتح عينه وشافها بتنحاش
وسحبها له وضمها
وحنين مغطيه وجهها بيدها
سيف بعد يدها وباسها:وحده بوحده والبادي اظلم
حنين دفته وانحاشت بسرعه
يوم ادخلت عند البنات
وجهها كان يتكلم وحركاتها ماتدري
وش تسوي نست كيف تجلس حتى
ثواني واعتلى صوت ضحكه
كانت صاحبتها اماني وهي تطالع
حنين وتضحك ولا قدرت تتحمل
البنات يطالعون فيهم واضحكو معهم
حنين وهي تضحك:شفيكمم
لمى:مدري بس انتم تضحكون
اماني:ياربي حنين وجهك تحفه
ختمة:يسلم لي هالوجه اللي خلاكم
تضحكون بعد ماشفتو الضيم والظلايم
وعد:لازم نضحك رغم كل الظروف
حنين:خلاص بنات لاتفلونها علي ما اسمح ترى
ختمة:شفيك بتضيمين معهم بعد
حنين: بسم الله علي خلوكم انتو لحالكم
وانا ولمى مع بعض بعالمنا الخاص
ختمة:انا معكم لاتنسوني
وعد:انتي مدرسة بالحزن وتعلمنا منها انا واماني
ختمة:خلاص انتهت فترة الحزن وبدت فترة الفرح
حنين: اتمنى ذالك وينتهي مسلسلكم
اللي كله حزن واحزان
وعد***^^^
#انتهى