عيونً عشتها شعر وشعور..

الثلاث والثلاثون

(بسم الله الرحمن الرحيم)
"الـــــبـــــارت الثلاث والثلاثون "✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
وعد: اذا ماتحركتي بكون سبب في فصلك
المضيفه تركتها وراحت وهي تتبسم لمشاري
وعد ارجعت واجلست مكانها وتهفهف
لمى:وش فيك شعليك منها
وعد: بس ما احب اشوف الحركات ذي
قدامي واسكت وعناد له بعد
مشاري يوم راحت المضيفه لف
على وعد:وانتي وش عندك تتدخلين بشيء
ما يعنيك ولا لك خص فيه
وعد كانت تطالعه والقهر باين عليها
مشاري انصدم من شكلها وهو يشوف
عينها اللي على وشك تطيح منها الدموع
وعد وجهت نظرها لصوب الارض
وانهلت دموعها على خفيف وبداخلها
تلوم نفسها على الحركه الغبيه اللي سوتها
"عند ختمة وعبدالعزيز"
ختمة تطالع فيه:ممكن تناظرني اول
عبدالعزيز طالعها
ختمة:شوف كلمة ما ابي ذي انساها هي
مو على كيفك تقولها وين بتروح يعني
عبدالعزيز:مو الشباب بيجون بكره اروح لهم
ختمة:مستحيل اخليهم ياخذونك مني
وبقولهم يطردونك عشان ترجع عندي
عبدالعزيز:ياشريره تسوين فيني كذا
ختمة قربت منه لين اصبحو كانهم في
جسد واحد:بهتم فيك لاخر عمري
عبدالعزيز ما قدر يقاوم هالشعور اللي
قاعد يحسه تجاه ختمة ويشدها له
ودموعه تنزل استمر هالحضن
لين نامو باحضان بعض
"عند شوق"
كانت متوتره هل تقوله ولا تكنسل
لكن قررت تقوله واللي يصير يصير
وتكلم نفسها هو وعدني يعني ماراح يرفض
بعد تفكير كثير اتجهت جنب صقر
وقربت منه لين ماعاد فيه مجال
وضمته بقوه وبهمس:ذا شرط الثاني
صقر بعدها عنه بسرعه: بسم الله شفيك
شوق ووجهها انقلب وعجزت تتكلم
صقر: شرطك الثاني وش؟.
شوق بصوت خفيف:اني انام في حضنك
صقر ضحك:والله طلعتي ما انتي هينه
شوق يوم شافت ضحكته ابتسمت وارتاحت
صقر:وانا قد وعدي وقرب منها وضمها له
شوق كانت في قمة السعاده وهي تشوف
ان الخيال والاحلام اللي كانت تحلمها
قاعده تعيشها مع صقر وحده وحده
بالنسبه لي صقر رغم انها في حضنه
الا انه ما فكر ولا اهتم اطلاقاً ونام بسرعه
وشوق كانت تطالع فيه وفِي ملامحه
طولت ما نامت تبي تعيش اللحظه
عدت هالليله بسرعه ومن بكره
"عند ختمة"
صحت من بدري وراحت رتبت امور
خروج عبدالعزيز  بعد ما خلصت
اجلست تطالع في عبدالعزيز وهو نايم
بعد وقت صحى عبدالعزيز ولف وجهه
ولقاء ختمة تطالع فيه
عبدالعزيز: بسم الله شفيك شايفه جني
ختمة بابتسامه:حرام اشوف حبيبي
عبدالعزيز سكت وحاول انه
يصرف:وش صار على الخروج
ختمة:خلصت الامور والان قم افطر
وصحصح بعدها نروح للبيت
"نتركهم ونروح عند شوق وصقر"
صحت شوق ومالقت صقر قدامها
قامت وجلست تتلفت تدوره
دخل صقر ودق الباب عشان تلاحظه
شوق:من متى صاحي
صقر: لي فتره قصيره قومي انتي وتجهزي
شوق:ليه وين بنروح
صقر:بنروح نفطر وبعد كم ساعه بنروح
للقارب زي ما وعدتك
شوق:الله بركب قارب اخيراً بس مو
احلى يكون فالليل
صقر:ماعندي مشكله اذا تبين بس يمكن
تخافين فالافضل يكون النور موجود
عشان تشوفين وتستمتعين بالجو
شوق:اي صح احلى يلا انا بروح اتجهز واجيك
"نسرع الوقت"
عند عبدالعزيز و ختمة
ختمة افتحت باب الشقه وارجعت لعبدالعزيز
وهي قاعده تدفه:نورت بيتك بدونك كان مظلم
عبدالعزيز ما رد عليها
ختمة يوم دخلته اتجهت وجت قدامه
واثنت ركبتها لعنده ومسكت يده
وبابتسامه:عبدالعزيز انا معك وبكون معك
رضيت او رفضت ببقى معك في كل حال
عبدالعزيز والضيقه واضحه بوجه ويحاول
انه يبين عكس ذالك بضحكه
مزيفه :بس مع كل ذا مازلت رافضك لاتحاولين
ختمة***^^^
#انتهى