عيونً عشتها شعر وشعور..

التاسع والسبعون

(بسم الله الرحمن الرحيم)
"الـــــبـــــارت التاسع والسبعون"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
وراحت على طول لدورة المياه
دقايق واطلعت وكانت تحس
بتعب اول مره يجيها لكن
ما اعطته اي اهتمام وراحت
تدور عن شيء يشغلها عن
التفكير المتواصل في صقر
بالجانب الاخر عند صقر
اللي جالس ومرهق من
كثر  التفكير في شوق
ما عاد يدري وش يسوي
وكيف يوقف تفكير فيها
يبي يسوي لها شيء
تقديرً لحبها وتعاملها معه
قاطعه تفكيره اتصال اسيل
شاف رقمها وسكر عليها
اسيل ما وقفت واتصلت
من جديد عليه
رد صقر عليها:هلا وش بغيتي
اسيل:شفيك ماترد علي
صقر:ما فيني شيء بس ما ابي اكلم احد
اسيل:ماراح اخليك تروح
صقر سكر بوجهها وقفل الجوال كامل
وراح يحاول انه ينام عشان
يقطع حبل التفكير في شوق ويرتاح
"عند سيف"
راح وجلس عند حنين
حنين طالعته:هلا سيف وش مسوي
سيف ما رد عليها
حنين استغربت:شفيك سيف قاعد اكلمك
سكت سيف من جديد وثواني
بحركه سريعه خوفها
حنين:يمه قلبي وتضربه على خفيف ياربي منك
سيف يضحك عليها وعلى شكلها
يوم خافت من حركته
حنين:لاتضحك
سيف:جد بتكلم تراني زعلان عليك
حنين:خير وش مسويه لك انا
سيف:عاجبك وضعنا الحين
حنين:اي وش فيه مافينا الا العافيه
سيف:ترى وضعنا مثل وضعي
مع اي شخص عادي لا نتقابل ولاشيء
حنين:طيب شسوي زي ما انت عارف
بالظروف اللي صارت
سيف:بطلبك طلب وان رفضتي
بتشوفين شيء مني ما يعجبك
حنين:اطلب لانه بيرضيك هالشيء
سيف:ابي ليله نكون فيها سوى بدون
اي شخص يكون فيها نقفل
جوالاتنا وكل شيء بس انا وياك
حنين:بس مو وقته خلها بعد الزواج
سيف قام :انا غلطان يوم جيت اكلمك خليك
معهم وانبسطي مع السلامه وراح عنها
حنين الحقته:سيف وقف
سيف يمشي ولا يرد عليها
حنين ركضت له لين وقفت قدامه
سيف:حنين لو سمحتي بعدي عن وجهي
حنين تضمه:طيب خلاص بروح معك
بس لاتزعل وتروح
سيف بداخله يضحك ومبسوط
بس ما بين هالشيء :ممكن تبعدين عني
حنين تشد عليه لا لا ماراح اترك تروح عني
في هاذي الحاله ضعف سيف
وبادلها الحضن ويهمس لها:كل شيء
قاعد اسويه انا كله بالاخير لنا
بعدت عنه وتطالع فيه:طيب راضي انت الحين
سيف يضحك ويمسح عينها:وانتي ماتصدقين
على الله على طول بتبكين
حنين:هاذي من الغبار دخل بعيني
سيف يضحك عليها:ماتعرفين تصرفين
اسكتي بس كل شيء معروف
حنين:بس جد متى هالليله ذي بتكون
سيف:على اخر الاسبوع بتفق معك وقتها
وارتب كل شيء واقولك والحين تقدرين تروحين
حنين:لا اليوم ابي اتغدى معك انا وياك بس
سيف:صادقه يعني نروح مع بعض
حنين:اي مع نهاية الدوام بكون معك ونروح
سيف:خلاص انا الحين راضي تمام الرضى
حتى لو بزعل ما فيه شيء ازعل عليه
حنين ابتسمت له:بروح ادور اماني
وراحت عنه وراح سيف يتمشى
عند اماني اللي كانت تمشي
في الجامعه وبالها مشغول
في نفس الوقت كان زياد
يمشي وراها عشان يتطمن عليها
في ظل ماهي تمشي وهو وراها
رن جواله باتصال ريما***^^^
#انتهى