بارت اول

البارت الحادي عشر

(بسم الله الرحمن الرحيم)
"الـــــبـــــارت الحادي عشر"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
"عند ختمة"
قامت مفجوعه وتصرخ وتنادي باسم عبدالعزيز
التمو حولها الدكاتره وحاولوا يهدونها وبعد مده
ومعانه مستمره هدت لكن بشق الانفس
ختمة وهي فيها الصيحه:ابي جوالي ابي اكلم
الممرضه عطتها بهدوء
واخذت ختمه منها بسرعه ودقت على اول رقم
"عند البنات"
دق جوال وعد وقامت وعد لانه الجوال
كان مشبوك بالشاحن
البنات كانو حول بعض يسولفون ويضحكون
ووعد يوم ردت انقلبت ملامح وجها كلياً
حنين استغربت:وعد شفيك اهلك فيهم شيء؟.
وعد تتكلم بالجوال:طيب اهدي حنا بنجيك
عطيني عنوان او اسم المستشفى وعد
سجلت اسمها وسكرت بسرعه
البنات يوم اسمعوا كلمة مستشفى انقلب حالهم
وكلهم توجهت انظارهم حول وعد
لمى بتوتر :وعد تكلمي شفيك
وعد:بنات ختمه وزوجها صار لهم حادث
اماني بخوف:يمه بسم الله شصار لهم فيه شيء
وعد:مدري مدري بس لازم نروح لهم
حنين:انا بروح اعلم سيف واجيكم
حنين راحت لعند الشباب تطق بقوة
الشباب فجعهم صوت دق الباب العالي
قام سيف وفتح ولقاء حنين بوجه
سيف:بسم الله شوي شوي على الباب
حنين:مو وقتك عبدالعزيز وزوجته صار لهم حادث
الشباب فزو كلهم من مكانهم
سيف:كيف شتقولين انتي
حنين:اللي قلت لك وبنروح لهم الحين وجت بتروح
سيف:طيب اصبري كيف عرفتي
حنين:ختمه كلمت وعد وقالتنا وراحت عنه
تركي:شفتو شقلت لكم انا من اول ماني متطمن
ابد بالعاده يرد علينا بسرعه
مشاري:خلاص شباب ادعو له وخلونا نروح
والشباب صارو يدعون له ويتجهزون
"نسرع الوقت"
كلهم راحو بسرعه متوجهين للمستشفى
ويوم انهم اوصلو ادخلو على الدكتور
البنات عند ختمه والشباب عند عبدالعزيز
"عند البنات"
البنات يحاولون يهدونها وهي ماوقفت بكي
ختمه وهي تبكي:قلت له والله بيصير لنا حادث
بس هو ما يسمع الكلام ليه يعاندني ليه
حنين:ختمه خلاص اهدى لاتبكين خليك قوي
والحمدالله مافيك الا العافيه
وعد:اي والله دامك بخير مافيه شيء يستاهل
تبكين عليه ارتاحي انتي
لمى:الحمدالله على سلامتك ياقلبي انتي
ختمه: الله يسلمكم ماقصرتو تعبتكم معي
اماني:مكتوب اللي صار فلا تضايقين عمرك
ختمه فزت:اي اي عبدالعزيز شلونه شصارعليه
صار له شيء اكيد وتعود للبكاء تكلموا بسرعه
وعد:بسم الله عليك اهدي شفيك رجعتي
حنين:الشباب عنده وبكلم سيف ويعطيني
خبر عنه ان شاء الله واطمنك
ختمه طيب بسرعه دقي عليه الان
حنين:ابشري وراحت بعيد عن البنات
واتصلت ولا رد عليها
والبنات اجلسوا يواسون ختمه عشان
ماتخاف من اي شيء يصير
"عند الشباب"
يوم اوصلو للدكتور منعهم انهم يدخلون
تركي يتكلم:باي حق ذا يمنعنا لازم نشوفه
سيف:اهدى يارجال مافيه الا العافيه
مشاري:ماتوقع ياشباب دام الدكتور منع
فالموضوع اكبر من انه عادي
زياد:الحاله واضح انها خطره مايمنعون هم عبث
سيف:يالليل البزران المفروض تتفائلون
بدال هالكلام الفاضي اللي تقولونه
تركي:صادقين بكلامهم بس باذن الله عكس
سيف انتبه على جواله انه يدق فقام ورد
حنين:شفيك ماترد علي بدري
سيف:مافيني شيء بس ماكنت منتبه
حنين:ماعلينا شقالكم الدكتور
سيف:ماقال شيء منعنا بس وشكل حالته خطيره
حنين:الله لايقوله طيب كلمه حاول ختمه
ازعجتنا تبكي تبي تعرف شصار له
سيف:هذا هو جاء صبر وحط الجوال بجيبه
وراح واتجه هو والشباب عند الدكتور
حنين:كانت تناديه ثم بعد ثواني
سمعت صوت الدكتور وهو يتكلم مع الشباب
عن اللي حصل لعبدالعزيز وحنين مازالت
ماسكه جوالها وسمعت كلام الدكتور
وهو يقول:ان عبدالعزيز صار له شلل وعاجز
انه يمشي بالوقت الحالي وكانت الصدمه
كبيره على الشباب وعلى حنين
سيف:لا اله الا الله
مشاري :ياربي يارحيم كيف بيتحمل الخبر
تركي يوجه كلامه للدكتور:طيب مافيه اي حل
(طبعاً الدكاتره لغتهم وحكيهم بالانجليزي
لكني اترجم لكم مباشرة).
الدكتور:بالوقت الحالي لا لكن مع انتظامه
للعلاج راح يكون فيه امل واهم شيء راح
يكون بحاجه الى عنايه خاصه بالفتره القادمه
لانه حالته النفسيه راح تدهور وذا بيصعب
عليه انه يقاوم المرض ويرجع يمشي مثل ماكان
حنين تتكلم بصوت عالي عشان يسمعها سيف
بعد ما سكت الدكتور وعم الهدوء لثواني
مشاري:احس اني اسمع صوت احد
سيف تذكر واخذ جواله:نسيت اسكر على حنين
تركي:شكلها سمعت كلام الدكتور
سيف***^^^
#انتهى