عيونً عشتها شعر وشعور..

الـــمـ٣ـئـــه

(بسم الله الرحمن الرحيم)
"الـــــبـــــارت الـــمـ٣ـئـــه"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
سيف:مره واضح ويغمز لها قرب
موعد لقاءنا وابتدى شوقي يزيد
حنين تضحك:وش دخل وانا قدام
وجهك طول اليوم
سيف:مدري طرت على بالي وقلتها
حنين:اي زين ليتني في بالك بس
سيف:يوه يوه وش ذا كله حنين
حنين استحت ولفت وجهها عنه
سيف يضحك:عطنى وجه ياجميل
حنين لفت عليه:خلاص سيف
سيف:امشي معي نروح ناخذ لنا قهوه
والمره ذي على حسابي
حنين:كفو يا كاش انت
سيف:امشي بس قبل لا اكنسل
حنين قامت بسرعه معه:لا لا قمت خلاص
سيف يضحك ويمسك يدها ويمشي
"عند عبدالعزيز وختمة"
ختمة:عبدالعزيز ممكن تجلس
عبدالعزيز يلف عليها وبحده:وش قلت لك انا
ختمة:ياربي منك ما اقدر اشوفك كذا
عبدالعزيز:ياخي عاجزه تجلسين
نص ساعه بدون اي حركه
ختمة:اي ما اقدر ذي شغلتي انا
عبدالعزيز:المره ذي انا بطبخ زي ما قلت
لك فطورك بيكون من يدي الجميله
ختمة:ركز ركز بس لاتحرق علينا الشقه
عبدالعزيز:ماش ماتعرفين تعززين
ختمة:ياخي خايفه تجيب العيد
عبدالعزيز:ترى لاتخليني كل يوم اسوي كذا
ختمة:لا خلاص بسكت بجلس مؤدبه
عبدالعزيز:اي من اول خليك كذا
ختمة:يارب استرنا بسترك
عبدالعزيز يضحك:والله لو اني مسوي ايش
كله بيض وانتي مكبره الموضوع
واجلسو يتناقمون لين خلص
عبدالعزيز الطبخه بهدوء
طالعها عبدالعزيز:ها ذوقي وعطيني رايك
ختمة ذاقتها وانقلب وجهها
عبدالعزيز:ها رايك
ختمة:حلو تقدر تاكل
عبدالعزيز يوم ذاق:يوه تستهبلين هذا حلو
ختمة تضحك:لازم اسلك لك
عبدالعزيز:كله منك لو مخليتني اطبخ
بهدوء واشغل فيروز كان تغير الطعم
ختمة:اي سبحان الله فيروز بتطبخ عنك
عبدالعزيز:اكلي اكلي ماتفهمين شيء
ذي الامور اكبر من مستواك
ختمة:خليتها لك يابو مستوى
"عند شوق"
كانت تكلم صقر عبر الجوال
صقر:بقى شيء ولا خلصتي
شوق:صبر بتاكد
صقر:اخلصي علي وراي الف شغله وشغله
شوق:لا خلاص كذا كاملين
صقر:متاكده اعرف حركاتك لا جيت
وجبت الاغراض تجين تقولين
يوه نسيت اقولك ذا وذا
شوق تضحك:يا فاهمني بس ماعليك
ان شاء الله المره ذي ما نسيت شيء
صقر:زين يلا انا بقفل
شوق:اووفف تمام
صقر:شفيك
شوق:بس ودي اكلمك طفشانه
صقر:ماعليه خليني اخلص اموري كلها
واجيك ونقضيها سوالف
شوق:تمام حاول ما تتاخر واهتم بنفسك زين
صقر:ان شاء الله وانتياتهتمي بالبيبي
شوق:ماراح اهتم فيه عناد لك
صقر يضحك:عارف وش تقصدين
وانا يوم قلت البيبي يعني انتي وهو واحد
شوق:حلو الترقيع بمشيها لك لانك مشغول
صقر:زين طلع منك شيء يلا مع السلامه
واهتمي بنفسك ويضحك عليها وسكر
شوق سكرت منه وهي تطالع بطنها
وتحمد ربها ان الله رزقها فيه وكان
السبب الرئيسي لرجوع صقر لها
"عند مشاري ووعد"
وعد:ترى اعرف اكل لحالي
مشاري:عشان تبهدلين نفسك
وعد تضحك:ليه شايفني نونو
مشاري:تقدرين تقولين كذا
يلا افتحي فمك
وعد:ياربي منك تمام يلا
مشاري يضحك ويغني طياره طياره
وعد:مشاري بسرعه هبلت فيني
مشاري***^^^
*************
#انتهى