عيونً عشتها شعر وشعور..

البارت الخامس عشر

(بسم الله الرحمن الرحيم)
"الـــــبـــــارت الخامس عشر"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
دق الباب عليهم
سيف:حنين تعالي بسرعه
حنين قامت وتضحك:انقذني ولد عمي
يوم وصلت وفتحت الباب
سيف:اكتمل كل شيء وبعد يومين بتكون
الرجعه علميهم يجهزون امورهم من بدري
حنين ادخلت عند البنات
"عند ختمه"
ختمه يوم فتحت عيونها شافت عبدالعزيز
وتذكرت انها مازالت بحضنه بعدت عنه
وقامت وهي مبسوطه والفرحه مو سايعتها
على اللي حصل ومتفائله بحياتها الجايه
"عند البنات"
حنين يوم ادخلت عند البنات
وعد:شيبي حبيب القلب وتغمز لها
حنين: اص بس يقول انه حجز وتجهزوا بعد
يومين بنرجع للمملكه الحبيبه
اماني:اي وش سرك علمينا
حنين:انا قلت نسيتوه اعوذ بالله منكم
لمى:يلا حنين انطقى بسرعه
حنين:كلمتي وحده بالسعوديه تعرفون
اماني:اووفف منك تطفشين
حنين:اشغلوا عمركم وراح تنسون
وكل وحده راحت اللي بجوالها واللي تقرا الخ..
"عند عبدالعزيز"
يوم فتح عيونه ماشاف ختمه عنده وتذكر
اللي صار وجلس يكلم نفسه"انا شسويت
المفروض  ما اضعف بموقف مثل ذا
لازم ارجع لطبيعتي مهما صار"
قاطعه دخول ختمه عليه:مساء الخير
شمسوي الحين عسى احسن
عبدالعزيز بهدوء:الحمدالله بخير
ختمه قربت منه وحطت الاكل قدامه
عبدالعزيز:مابي اكل بعديه عني
ختمه:مايصير لازم تاكل عشان ترجع لك
صحتك باسرع وقت ممكن
عبدالعزيز:انا مابيها ترجع بعديه قلت لك
ختمه قربت جنب وجلست ومسكت يده:
تكفى عبدالعزيز عشان خاطري اكل مايصير
تعذب نفسك وتعذبني معك
عبدالعزيز:وانتي شدخلك فيني عشان تتعذبين
لا يغرك اللي حصل فاهمه
ختمه:أنا زوجتك ومالي في حياتي غيرك
كيف  ماهتم فيك بمثل حالتك والموقف
اللي قاعد تعيشه لازم اكون جزء منه
عبدالعزيز:بس انا من يوم ماتزوجتك
وانتي ماشفتي  مني شيء حلو يخليك
توقفين معي الحين
ختمه:انا مسامحتك على كل اللي سويته
وانا متاكد  انك بتتغير وترجع الشخص
المثالي مثل ماكنت بس حاول
عبدالعزيز:بس انا قلبي مع وحده قد راحت
من حياتي ولا عندي القدره اعيد اللي صار
واني احبك وابدالك الشعور
ختمه:هي ماضي وراح وانا حاظرك
وببقى معك للابد
عبدالعزيز أبتسم:مشكوره ختمه على كل اللي
قاعده تسوينه معي الشكر مايوفي لك حقك
ختمه:مابي لا شكر ولا شيء بس اكل
واهتم بنفسك وانا اكون مبسوطه كذا
عبدالعزيز:ابشري باكل واخذ الملعقه واكل
ختمه ابتسمت لها ومشت
عبدالعزيز:وين رايحه؟.
ختمه:لا بس بروح لغرفتي
عبدالعزيز:لا تروحين ابيك دايم بجنبي
ختمه من الكلمه ماصدقته:ها شتقول؟.
عبدالعزيز يضحك على شكلها
ويقول:يلا تعالي اجلسي جنبي واكلي معي
ولا ترى ماراح اكل ونزل الملعقه على الصحن
ختمه:لا لا خلاص جايه وراحت عنده وجلست
عبدالعزيز:اخذ المعلقه وحط من الاكل
يلا بسرعه افتحي فمك
ختمه:لا ماتفقنا على كذا
عبدالعزيز:ليه شفيك؟.
ختمه:لا بس ذي ملعقتك
عبدالعزيز يضحك:اعرف وش تفكرين عناد
لك بتاكلين منها ولا ترى ماراح اكل
ختمه:يالليل بزر انت تهدد ماراح اكل بس
عبدالعزيز يضحك:اي بزر مالك دخل اللي
عليك انك تسمعين كلامي وبس
ختمه:طيب على الاقل باكل بنفسي
عبدالعزيز:بوكلك انا افتحي فمك بس
ختمه افتحت بهدوء:ها يلا بسرعه
عبدالعزيز يضحك:طياره طياره هممم
ختمه:اووف منك تعاملني كاني بزر
عبدالعزيز:اي يانونو انتي ويضحك عليها
ختمه:خلاص يلا دورك بوكلك انا
عبدالعزيز:لا مافيه انا اكل بنفسي
ختمه:اوف منك مثلي مثلك ترى المشكله
انت التعبان مو انا المفروض انا اوكلك
عبدالعزيز:طيب خلاص ولا تشيلين بخاطرك
ختمه اخذت المعلقه من يده وحطت الاكل
وضحكت طياره طياره هههمم
عبدالعزيز:يعني تقلديني
ختمه:اي وحده بوحده والبادي اظلم
واجلسوا يضحكون مع بعض
وكان الروح والنفس تبدلت وانقلبت الاحوال
وصار هاليوم من اجمل ايام ختمه وعبدالعزيز
لكن السوال يستمر او لا
"بعد مرور يومين"
الشباب والبنات كانو متجمعين
ويودعون ختمه وعبدالعزيز
سيف:شرايكم نسحب ونجلس
عبدالعزيز:عشان اسحب راسك مافيني الا العافيه
مشاري يغمز له:دام ختمه فيه مافيها كلام
عبدالعزيز يرمي علبة المنديل:اص لاتكثرون حكي
زياد:من قال عشانك ويطالع اماني
تركي:***^^^

#انتهى