بارت اول

الخامس والسبعون

(بسم الله الرحمن الرحيم)
"الـــــبـــــارت الخامس والسبعون"✨.
اللهم صَل وسلم علي نبينا محمد.
علميني يالقصايد هو خطأ ولا صواب
‏لا رفضت انسى عيونٍ عشتها شعر وشعور🖤..
"بعد مرور ساعات"
في شقة البنات الوضع كان صامت
وكل وحده مشغولها بافكارها
قاطعهم صوت دق الباب
قامت ختمة وافتحت الباب
وشافت بوجهها تركي
ختمة:هلا امر تركي وش بغيت
تركي:ممكن تنادين لمى ابي اكلمها
ختمة:ثواني وراحت عند لمى وقالت تركي يبيك
لمى:قولي له موجوده
ختمة:سبحان الله وانا توني قايله له بناديك
حنين:ليه فيه شيء صاير بينكم
لمى قامت:بعدين بعدين اقولكم
وراحت عند تركي
تركي يوم شافها اطلعت سحب يدها
لمى:تركي شفيك
تركي ما رد عليها ونزلها معه تحت
يوم اوصلو لف تركي عليها:ممكن اعرف شفيك
لمى:ما فيني شيء وش شايف فيني
وهي تحط يدها بوجهها
تركي:لمى مو وقت استهبال اتكلم جد
لمى:اخلص لخص وش تبي
تركي:لمى شفيك تكلميني كذا
لمى:قاعد اتكلم طبيعي
تركي:لا والله ما انتي لمى اللي اعرفها
لمى:طيب ممكن تقول اللي عندك ولا اروح
تركي عصب وضرب الجدار اللي جنبها
بيده وقال:خلاص روحي روحي
لمى تضايقت يوم شافته:طيب ممكن
تهدي اعصابك مو زين عليك
تركي:روحي قبل شوي تبين تروحين يلا تفضلي
لمى: اووفف منك وراحت عنه
تركي وهو يطالعها وهي تروح فوق
ومنقهر من تصرف لمى معه
توقعها غير عن باقي البنات
لكن بدت توضح له انها مثلهم
كل واحد فهم الثاني بشكل غلط
بسبب افعال صارت من غير
قصد او بقصد بعذر انه
هذا اللي المفروض يصير
لمى يوم رقت ودخلت عند البنات
حنين:يلا تكلمي
لمى:لو اقولكم ماراح تصدقوني
وعد:عادي قولي كل شيء جايز الحين
لمى يقهر:شفت تركي مع بنت الصبح
ختمة:حتى تركي طلع مثلهم
حنين:الله يستر لا يكون سيف مثلهم
وعد:اساليه عنها اول وراح تعرفين
لان تركي من زمان نعرفه ولا شفنا
منه هالتصرفات ذي ولا واضح عليه
اماني:طيب عندي سوال بسالك
انتي قلتي له انك تحبينه
لمى:لا ما قلت له اي شيء
ختمة:صبر اجل مالك حق باي شيء
يسويه مهما كان هالشيء
حنين:بس هو اعترف انه يحبها
وعد:طيب يمكن كان مقصده شيء
ثاني مو الحب اللي في بالنا
لمى انقهرت:لا اكيد يحبني مو بكيفه يقولي كذا
وخير يقولها وما فيه نوع ثاني للحب
اماني:زبدت الموضوع بدال ماتزعجين
نفسك بالتفكير روحي واساليه وجه لوجه
عشان ترتاحين وتنهين كل شيء
واذا صار اللي صار باقي ما اعترفتي له
انتي فتقدرين تنسينه لانكم ما بديتو
بشيء للان فانهي كل شيء من اوله
البنات بختلاف الردود:اي،صح،اتفق معها
"عند الشباب"
يوم دخل عندهم تركي كان وواضح
على وجه العصبيه والقهر
وراح انسدح على سريره بتعب
سيف يطالعه:عسى خير شصاير معك
تركي عدل جلسته:بقولكم شيء
الكل ترك اللي كان شاغله
واتجهت الانظار كلها صوب تركي
تركي يوم لاحظهم قال: لا خلاص كنسل
زياد:ياولد قول ممكن نساعدك
عبدالعزيز:جرب حظك ممكن تنحل المشكله
تركي:والله ما ظنتي بتنحل بهالسهوله
ولا كان قلت لكم
سيف:تراك اشغلتنا قول وريحنا
تركي:تصدقون اليوم جتني رنيم
عبدالعزيز:من رنيم ذي
سيف:ممكن ماتعرفها وطالع بتركي
وش جايبها ذي بعد اللي سوته
زياد:واضح  جايه تبي ترجع له
تركي:اي قالت لي كذا
سيف عصب***^^^
#انتهى