သားကို လက်ဆွဲလို့ အိမ်ပြန်လာတဲ့ ရိပေါ်တယောက် မျက်မှောင်လေးကျုံ့သွားရသည်။တအိမ်လုံးလဲ မဲမှောင်နေတာပဲ.....ရှောင်းကျန့်က ပြန်မရောက်သေးဘူးလား.....လဲ့မေ့ကရော ဘယ်သွားနေလို့လဲ။
တိတ်ဆိတ်မဲမှောင်နေတဲ့ သူတို့အိမ်လေးရှေ့မှာ ရပ်ရင်း ရိပေါ်အတွေးများမိရင်းမှ ဘေးမှာ ငြိမ်ငြိမ်လေးရပ်နေတဲ့သားကို တချက်ကြည့်လိုက်ပြီး
"သား ခနနေဦးနော် ပါပါးတံခါးဖွင့်လိုက်ဦးမယ်....."
သားကိုပြောလိုက်ရင်းမှ ရိပေါ်အိမ်တံခါးကိုဆွဲအဖွင့်
🎵Happy birthday to you.... Happy birthday to you.... Happy birthday dear Xiao Yibo.... Happy birthday to you.....🎵
သီချင်းသံလေးနဲ့အတူ ကိတ်မုန့်လေးကိုင်ကာ ထွက်လာတဲ့ ရှောင်းကျန့်ကြောင့် ရိပေါ်ပါးစပ်ကို လက်နဲ့အုပ်မိသွားသည်အထိ အံ့ဩသွားရသည်။
"ဟေးး....ဖြောင်း ဖြောင်း ဖြောင်း....."
လက်ခုပ်တီးသံများအဆုံး ထိန်လင်းလာတဲ့ မီးရောင်အောက်မှာ
"ပါပါး....မာမား....ဖေဖေ....."
တစုတစည်းထဲတွေ့လိုက်ရတဲ့ မိဘနှစ်ပါးနဲ့ ယောက္ခမဖြစ်သူတို့ကြောင့် ရိပေါ် ရှောင်းကျန့်ကို လှမ်းကြည့်လိုက်တော့ ပြုံးပြကာ ခေါင်းငြိမ့်လိုက်သည်။ဘာလဲ သူ့မွေးနေ့မှန်း ရှောင်းကျန့်က သိနေခဲ့တာလား။
"မာမား...."
ဝမ်းသာမျက်ရည်များနဲ့ မိခင်ရင်ခွင်ထဲ ခေါင်းတိုးဝင်မိတော့
"ဖယောင်းတိုင်မီးမှုတ်လိုက်ဦးလေ သားရဲ့....."
ရိပေါ်ပါးပြင်ပေါ်က မျက်ရည်စတို့ကို ဖယ်ရှားပေးလိုက်ပြီး ပြုံးကာဆိုလာတဲ့မိခင်ကြောင့် ထိုအခါမှ သတိရသွားကာ မျက်လုံးလေးမှိတ်လို့ ဆုတောင်းရင်း ဖယောင်းတိုင်ငယ်တို့ကို မှုတ်ငြိမ်းလိုက်တဲ့ရိပေါ်....။
ကိတ်ခွဲကာ မုန့်ကို မာမားကိုအရင်ဆုံး တဇွန်းခွံ့ကြွေးလိုက်ပြီးနောက် ပါပါး၊ ဖေဖေ နှင့်သားလေး။ရှိေနတဲ့လူတွေအကုန် ကိတ်မုန့်လိုက်ကြွေးပြီးမှ ကျန်နေသေးတဲ့ ရှောင်းကျန့်ရှေ့အရောက် ရိပေါ်သက်ပြင်းကို မသိမသာခိုးရှိုက်ရင်း
